Ịrịka 30:2 - IWE ỌNỊNỊ

² asị ẹ̀ sị ahụ jịnẹ ọda anaā sị́ zẹ ịzẹzẹ. Ẹ́ mẹ ido avaba ịsa ọnị Ẹnẹyịmavara va ọ̀ọ ka yị wa.

Ịrịka 30:2 ပူးပေါင်းရင်းမြစ်များ

Ijoovu 22:27

Ọ̀ọ mẹ̀ aduwa, Ohomorihi vaa sị ohi yị wụ, ụ vaa zụ́ sị ụvọ za avaba ịsa ọnị ụ wo oto anị.

Ahẹ Ụgama 116:14

Ịsị mị ka mị vaa sị va yị Ẹnẹyịmavara vị ọnị maa sị vaa yọ éyi avaba aza anị.

Ahẹ Ụgama 116:18

Ịsị mị ka mị vaa sị va yị Ẹnẹyịmavara vị ọnị maa sị vaa yọ éyi avaba aza amị.

Ahẹ Ụgama 119:106

Ma sị eku hị́ ka ọda awụ ẹnẹẹ ana maanị vọrọ aanị mị vaa saasa nị.

Ahẹ Ụgama 15:3

Ẹngụ aza ẹnẹẹ ẹ mē cheeche kú ọza, ẹ mā rẹ mẹ anokokooro ẹnịnị ịrẹyị ọhịmị, ẹ yị rẹ vaa kụ́ ịrẹyị odivi para anokokooro ẹnịnị.

Ahẹ Ụgama 22:25

Ohomorihi, aza ẹ̀ẹ ta gụ dị maa ga wụ ịnị akakana ẹnịnị agụvị ịsa ọnị ụ mẹ. Ịsị mị kà a ka maa sị vaa mẹ ịsọvọọ wụ vị ọnị maa sịị vị éyi avaba aza ana aa hẹkẹ wụ.

Ahẹ Ụgama 50:14

Ịsọvọ awụ ọ vị ka waa kụ́ Ohomorihi avọ ịsị wàa kà ka wa mẹẹ yị Ohomorihi ọgọdọgọdọ ọnị ụvọ ọza è yi mè tù di ụ rẹ vavọọ mẹ̀ ẹ yọ.

Ahẹ Ụgama 55:20

Ọza ana vịdị vị ọta amị vị ana kụkụ kwẹẹtẹ tù ọta anị ọ yị kụkụ jẹẹ pè ịrẹyị ẹnị ẹ vịdị kà tịtẹ.

Ahẹ Ụgama 56:12

Ohomorihi, ịsọvọ ọnị mị ka maa sịị vaa wụ̀ vị ọnị maa sịị vẹ mị ka maa sị ịsọvọ amịị vaa wụ̀ dị ma sị kụ́ wụ avọ.

Ahẹ Ụgama 76:11

Wàa kà ka ụ vaa mẹ̀ ịsaa yị Ẹnẹyịmavara ana vi Ohomorihi awụ, re ka wâ mẹ̀ ẹ. Ohomorihi a avọrọ ka ee hí angwa anị nị â vọrọ ka anẹkụra ana kara yị ẹ̀ẹ kụ́ oguu vaa yọ.

Ọyịkụra 20:7

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

Ụhịrẹyị 20:25

Ròo dị wa va zẹ ịzẹzẹ yị Ẹnẹyịmavara, ẹyị vavọọ ụ vana sụ ụmayịyẹ ịrẹma anị.

Ireevi 5:4

Ọza ọọ na hị́ eku kẹnẹ-kẹnẹ ka ọnị vaa mẹ ịrẹyị ọnyọọnyị, ọọ vị ọyịza ọọ vị odivi, ịjị ọọ maanị yẹ ịsị ọnị mẹ kẹnẹ, ọ sị ịvị rị.

Ịnahụmị 1:15

Dị ọ ka, Anijuda e kana eyi, dị e re ọnụtụ ana vaa ka enube ọyịza yị wa. Ọnụtụ ọnọọ vaa nọ̀ ọ ka ẹ raà nyị ẹbẹẹba ọnịvị ẹnịnị. Ẹnịnị ẹ kwẹẹtẹ, dị ẹẹ rị eche, dị ẹ mẹ̀ ịsa ọnị ẹ kà ẹnị vaa mẹ̀ yị Ohomorihi. Ọnịvị ẹnịnị ẹ yị kụkụ vaa zụ nyị ẹbẹẹba ẹnịnị. Avaba ọnịvị ẹnịnị saka-saka ẹ sị vara oku.

Ịrịka 21:2

Dị Anisirẹrị nịnị hị́ eku ka Ẹnẹyịmavara ọ̀ọ sị aza ẹnịnị chire ẹnị ụvọ, ẹnị ee vu avaba ẹkụra ẹtẹ nị.

Ịrịka 30:10

Ọnẹẹ ana vá ọnọrụ ọ̀ọ hị́ eku ka ịsị ọnyọọnyị, à vị ka o wo oto ka ọnị ẹ yị vaa mẹ ịsị ọnyọọnyị nị,

Ịrịka 32:24

Avọọ ẹnịnị ẹ da ẹkụra yị ezi ẹnịnị, dị ẹ da irehi yị ịsụpa ẹnịnị.

Imatiwu 23:16

Wa sị dà nịnị, ẹwụ nịnị ogweyi ana aa zụ̀ ọza oze. Waa kà a ka ọza ọ̀ọ sị irehi Ohomorihi hyeku, ẹ yị nyị ọ mẹ̀ ka. Ama ọza ọ̀ọ sị igooru ana yà ini irehi Ohomorihi hyeku ọ sị ụta rị.

Imatiwu 23:18

Wa rẹ kà a nịnị ka: ‘Ọza ọ̀ọ sị ụta anaa yàā mẹ ịsọvọọ hyeku, ẹ yị nyị ọ mẹ̀ kà. Ama ọza ọ̀ọ sị ịsa ana yà ịrẹsụ ụta hyeku, ọ sị ụta rị.’

Odeyi 23:12

Ẹnẹnẹ eyinẹhẹ anị, Aniju ẹnyị ê gẹ eyi, di e hị́ eku ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ.

Odeyi 23:14

Dị ẹ vẹ ịda ohirẹsụ ẹbanyị irehi Ohomorihi ọnịrị azọkụ nịnị, dị ẹ ka, “Ya sị eku ọbanyị hị́ ka àyị vị ị wụ Ịpọọrụ, yẹ yị vaa rị ịsa.

Odeyi 23:21

Ẹ̀ẹ vẹ, asị ụ zẹẹ wa, agụvị ka aza ẹnyị, ê huna ẹbẹẹva, ẹ vaa tẹ ózee zí Ịpọọrụ. Ẹ sị eku hị́ ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ. Ẹ sị ẹngụ tenyi booro aanị, vi e kuku ee zí ịsụ wàa vaa kà nị.”

2 Anịkọrịntị 1:23

Mâ sị Ohomorihi tẹ ivenu, ọ rẹ yẹ ayị amị. Agụvị ma rẹ sị oze tụ́ ọọ wụ nịnị, m mẹẹ̀yị sị vavẹ Ịkọrịntị nị.

Ọdọvịdị 11:11

Ịzẹyịza dị Ịjẹhwịta saasa azọkụ Anigiriyadi nịnị na nị. Dị aza ẹnẹ sị Ịjẹhwịta mẹ ọdọvịdị ẹnịnị nị. Dị ẹ rẹ sị ọ mẹ ọga isoja ẹnịnị nị. Ịjị ẹ vavọọ sị ọ mẹ, dị Ịjẹhwịta nọ Imizipa dị ọ ya ọvịdị Ẹnẹyịmavara dị ọ re tenyi avaba ịrẹyị ọnị ọ vịdị ka yị ẹnị azọkụ Anigiriyadi nịnị ka nị.

Ọdọvịdị 11:39

Ịzẹyịza, ịjị ụhwẹ ẹẹva sị za ẹtẹ, dị ozi ọnẹẹ varẹma ne tu ada anị nị. Dị ada anị sị ọ dị ọ sị mẹ̀ ịsa ọ ka ọnị vaa mẹ yị Ẹnẹyịmavara nị. Ozi ọnẹẹ ọnọọ ẹẹ yị yẹ ọnọrụ. Dị ọ kụkụ sị vara ịsa ozi ẹtẹ Anisirẹrị nịnị nị