Ịrịka 30:13 - IWE ỌNỊNỊ

¹³ Ọva anị ọ zụ sị ụvọ tụ ọ yọ ka ọ̀ mẹ ịsị ọ hị́ eku anị à vị isi o wo oto anị. Ọ́ rẹ zụ kụ́ ịsị ọ hị́ eku anị à vị ịsị o wo oto anị kwooze.

Ịrịka 30:13 ပူးပေါင်းရင်းမြစ်များ

Ẹzịra 8:21

Ụtọ okuha Ahava ịzọọ, Ẹzịra va ka ẹ yị aza ana gụ ka ẹ̀ za awẹ, dị ẹ̀ ka ẹngụ ẹnịnị chị, dị ẹ da ịpẹ ka Ohomorihi ò sere ẹnịrị ẹnya ẹnẹ ẹ kụ aa nọ Ijerusarẹmị nị.

Ahẹ Ụgama 35:13

Ama àa vị ẹmịị yọ, ẹngụ àa zị wa, di mi chire awuru ana sị zụ̀ ka ayị amị vi ene dụ Dị mẹ yị zẹẹ ka ma rị ịsa, dị mị ká ịrẹsụ hi dị maa mẹ̀ aduwa.

Ayịsaya 58:5

Ẹnẹyịmavara ộ kà, ẹnịnị wéé ro ka ayị ô hine tu ịsa ọnị ẹ yaa mẹ nị? Ẹnịnị àa za awẹ, dị sị ụya rị ẹngụ ẹnịnị; dị ẹ ka ịrẹsụ hi anka avị ana ma avọọ, dị ẹ kụ achị ana aā sịị zị ẹngụ hi ẹngụ, dị ẹ sị avaba ẹkụhị yaayịtẹ ịrẹsụ atịtọ. Aanị ka ọsọnị ẹ yaa hị́ awẹ nị?

Ireevi 16:29

Ọda ẹnẹnị vị ọnị ụ vaa saasa nịnị pooro zịna-zịna ka: ịhị ẹ tụ ọ ẹkụhị ẹẹwụ ịnị ụhwẹ ịhịmba, ẹwụ nịnị Anisirẹrị ọnịrị anẹkụra ọsa ana ra vahụra wụ nịnị vaa za awẹ, dị ụ wẹ́ yị mẹ̀ ụkọrọ ọnyọọnyị nịnị.

Ireevi 23:27

ịhị ẹ tụ ọ ẹkụhị ẹẹwụ ịnị ụhwẹ ọhụhịmba ọnọnị ọ vị ẹkụhị ọbanyị ana aā sịị vagu ịvị yị aza nị. Ẹkụhị ẹnẹ ẹnịnị vaa sị waraa gụụ hẹkẹ ọnị ọ vị nị. Ọ kà ẹkụhị ọnọọ vị ẹnẹ ẹnịnị vaa sị awẹ, dị ẹnịnị va mẹ̀ ịsọvọ ana aa rị ịraa hi Ẹnẹyịmavara.

Ireevi 23:32

Hụrị oruva ịhị ẹ tụ ọ ẹkụhị ọhụhịịna ne tu oruva ịhị ẹ tụ ọ ẹkụhị ẹẹwụ ịnị ụhwẹ ọhụhịmba vàa vị ẹkụhị ọtirenyi ọnị ụ vaa sị tụ́ ụhwọ́ nịnị. Ọza ẹ́ yị vaa rị ịsa ọnyọọnyị ụmẹ ọnọnị.

Ịrịka 29:7

Ịhị ẹ tụ́ ọ ẹkụhị ẹẹwụ ịnị ụhwẹ ịhịmba anị, a nyị ka avaba ẹnịnị ẹ rẹẹ̀ kụ ẹngụ gụ mẹ ahẹkẹ. Ịhị ọnọọ ọ vị ẹkụhị ana aa sị mẹ̀ ịsọvọ ịvị ịrẹsụ ẹnịnị nị. Avaba aza ẹ yị vaa rị ịsa, dị ẹ yị mẹ̀ ụkọrọ ẹkụhị ọnọọ.

Ịrịka 30:12

Ama ọva anị ọ̀ọ wụ ọ dị ọ ka ọnị ẹ yị dọ ka ọ̀ mẹ ịsị ọ hị́ eku anị nị, ịsị ọ hị́ eku anị, à vị ịsị wo oto anị ọ́ sị vị osusu. Ẹnẹyịmavara vaa vagu ọ agụvị ka ọva anị ọ rẹ ẹ̀ yị zẹẹ ka ọ̀ mẹ ịsị o wo oto anị nị.

Ịrịka 30:14

Ama àa vị ka ịhị ọnị ọva anị wụ ọ, ẹ yị kà a ka heyiye, â nyị ka ọ̀ mẹ avaba ịsị ọ hị́ eku anị à vị oto oni o wo. Vị́ ọva anị sị ụvọ tụ ịnị ịsị ọ hị́ eku anị à vị ịsị o wo oto anị avọọ nị, agụvị ka ẹ yị kà a ka heyiye.

1 Anịkọrịntị 11:3

Ama mee sì ka wa yẹ nịnị ka Ikirisiti ọ vị ohirẹsụ ọnọrụ nịnị nị. Ọva ọnẹẹ ọ vị ohirẹsụ ọnẹẹ nị. Ohomorihi ọ vị ohirẹsụ Ikirisiti nị.

1 Anịkọrịntị 11:9

Ohomorihi ọ yị mẹ ọnọrụ yị ọnẹẹ, ọnẹẹ ọ vana mẹ yị ọnọrụ nị.

1 Anịkọrịntị 7:5

Asị ẹvarose yi ka ẹnị ẹ yị kanyị ẹngụ, ẹ̀ yị vị ẹ hụhụ dọ ka ẹnị aa sị ụmẹ chee tịtẹ, dị ẹnị ẹ̀ẹ mẹ̀ aduwa. Ẹ̀ẹ vavọọ sị ọ mẹ, ẹ̀ rẹẹ mẹ ẹvarose ẹnịnị, agụvị asị Echu ne re oze za wa mẹ ịvị, agụvị ka ẹ yị zụ sị ụvọ za ẹngụ ẹnịnị.