Ịrịka 3:40 - IWE ỌNỊNỊ

⁴⁰ Ẹnẹyịmavara ộ ka yị Imosiisi ka ọ za ezi anọrụ ịpaapa Anisirẹrị ịrịka hụrẹ ozi ụhwẹ ọnya.

Ịrịka 3:40 ပူးပေါင်းရင်းမြစ်များ

Ahẹ Ụgama 87:6

Ẹnẹyịmavara vaa chẹrẹ ịrẹha avaba anẹkụra tụ́ ini iwe. Avaba ẹnịnị vị ọnị ọ vaa chẹrẹ ka Anịzayọnị ẹ vị nị.

Ayịsaya 4:3

Aza ana vọ oni Ohomorihi zẹẹ ka ẹ̀ yị yara ene hi Ijerusarẹmị vị ana á vaa hị́ aza oni Ohomorihi nyị yị ẹngụ anị.

Ịrịka 3:12

Ọnị ộ raa sị Anireevi nịnị dọ ịrẹsụ avaba ezi ịpaapa Anisirẹrị nịnị. Ẹnịnị ẹ kụkụ sị vara aanị.

Ịrịka 3:15

Ọ kà Imosiisi ọ za anọrụ ịrẹsụ Ireevi ịrịka hụụnị ovwoovu-ovwoovu na ngụ abara-abara ẹnịnị.

Ịrịka 3:41

Ẹnẹyịmavara kà Anireevi nịnị aa vaa sị dọ wa ịrẹsụ nị. Avọọ a mẹ rẹ vaa sị ịsụpa ẹnịnị dọ ịrẹsụ avaba ezi ịpaapa ịsụpa Anisirẹrị nịnị nị.

Ịrịka 3:45

ọ sị avaba ezi anọrụ Anireevi nịnị ọnịrị ịsụpa ẹnịnị dọ ịrẹsụ ezi ịpaapa Anisirẹrị nịnị ọnịrị ịsụpa ẹnịnị. Ẹnẹyịmavara kà avaba Anireevi nịnị vị anị, dị ọnị rẹ vị ẹnịnị nị.

Iruuku 10:20

Ama asị ụ rẹ̀ jẹ nịnị ka ụhwẹ echu ệ ká ịrẹsụ hi wu nịnị! Ama wa vanaa jẹ nịnị ka a sị ịrẹha awụ nịnị chẹrẹ tụ́ ịdị Ohomorihi!”

Anihwiripi 4:3

Ẹwụ bẹẹ ẹnẹ ẹmịrị aa mẹ̀ ụkọrọ, re ka wáa gụ anẹẹ ẹnẹẹ ụvọ, ene pe mi mẹ̀ ụkọrọ, ị mẹ̀ dudu aa kà enube ọyịzaa zị beri Ịkịrẹmẹntị ọnịrị aza ana vọ ene pe mi mẹ̀ ụkọrọ; ịrẹha ẹnịnị yà ini iwe aza ana yara pooro zịna-zịna.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Ẹtore 3:5

Ọza ana àa nyị ehuna, a vaa sị ịta ọvụụ chiree. Me yi vee du ịrẹha anịị hụụnị iwe ọnị ịrẹha aza ana yàra pooro zịna-zịna hi. Mị vaa kà a ọ́vịdị Ada amị ọnịrị anggẹẹrị anị ka aza amị ọ vị nị.