Ịrịka 3:13 - IWE ỌNỊNỊ

¹³ Avaba ezi anọrụ ịpaapa Anisirẹrị vị Ẹ́ẹnẹyịmavara. Ụmẹ ọnị ọ sị wụ ezi ịpaapa Anigipiti nịnị, ọ sị nyị avaba ezi ịpaapa Anisirẹrị ọnịrị ezi ịpaapa ịsụpa ẹnịnị ka ẹ vị aanị nị.

Ịrịka 3:13 ပူးပေါင်းရင်းမြစ်များ

Inehemaya 10:36

Ozi ọnọrụ ịpaapa ana ma ịnị ovwoovu vị ana aa sị nọ ịnị irehi Ohomorihi, dị ohirẹsụ Irehi Ohomorihi nịnị ẹ̀ sị ọ chire Ohomorihi ụvọ anka ọda Ohomorihi mẹ ka a. Avọọ a mẹ raa mẹ̀ ozi ịpaapa Imaaru, atẹmẹ ọnịrị ẹvụ nị.

Ọyịkụra 13:12

ozi ịpaapa vị ọnị ẹ vaa sịị yị ọnị Ẹnẹyịmavara nị. Ọ kà avaba ozi ịpaapa ọnị ịsụpa ẹnịnị ma ana vị araka vị ọnị ẹ vaa sịị yị ọnị.

Ọyịkụra 13:15

Ọ kà ẹ̀ kà a ka Ihwarawo mẹ̀ sị kà geri-geri dị ọ̀ yị zẹẹ ka ẹnị ẹ̀ na dị Ẹnẹyịmavara wụ̀ avaba ezi ọzọkụ Anijipiti nị. Dị ẹ̀ kà a ka ezi ọzọkụ ọza ọnịrị ịsụpa ọnị vavọọ wụ nị. Ọ kà a rẹ kà a ka agụvị avọọ ẹ yaa sịị sị ozi ịpaapa ịsụpa ẹnịnị mẹ̀ ịsọvọ yị Ẹnẹyịmavara nị. Ka àa vị ọza ọ ma ozi ịpaapa nị, di a sị ịsa ọsa dọ ọ ịrẹsụ.

Ọyịkụra 13:2

avaba ozi ọzọkụ ẹnịnị ana vị ọnọrụ ọnị ẹ vaa sịị yị nị. Ọ kà ozi ana àa vịdị ma ịnị ẹtẹ Isirẹrị vị aanị, ọ̀ọ vị ọza ọ̀ọ vị ịsụpa.

Ọyịkụra 22:29

Òo si tù ka wa sị ịnị akụ awụ ọnịrị eche awụ ne beri angwẹ awụ va mị, asị ụ ngụ ayịsa anịị mị. Ozi ịpaapa awụ ọ̀ọ vị ọnọrụ, ẹmị ụ waa sịị yị nị.

Ọyịkụra 34:19

Ọza ọ̀ọ ma ozi ịpaapa, ịsụpa ọ̀ọ ma ozi ịpaapa dị ọ vị ọnọrụ nị, ẹma nyị nị. Ozi ịpaapa ịsụpa ọ̀ọ vị ịkẹrịkẹtẹ dị ụ sị imaaru dọ ọ ịrẹsụ.

Ezikẹẹrị 44:30

Ọ kà ohirẹsụ irehi Ohomorihi nịnị ẹ vaa nyị ịsị e hu kere-kere ịnị ịsa ịpaapa ana àa kụ́ gụ hụụnị aarẹ nị ọnịrị avaba ịsa ana vọ ana a sị va yị ọnị. Ụmẹ tụra ụmẹ ọnị aza ẹ̀ẹ sị mẹ ịbụrẹdị, ẹnịnị ẹ̀ sị ị́ịpaapa anị yị ohirẹsụ irehi Ohomorihi nịnị agụvị dị ọnị ọọ mẹ ka oo zé yị wa ịnị eehi ẹnịnị.

Ireevi 27:26

Ozi ịpaapa ịsụpa, ọ̀ọ vị ozi imaaru, ọ̀ọ vị ozi atẹmẹ, vị Ẹ́ẹnẹyịmavara. Ọza ẹ́ yị zụ sị ọ va mẹ̀ ẹ ẹyịza, agụvị ka ọnị ọ vịdị yị nyị nị.

Ịrịka 18:15

Ezi ịpaapa ọnọrụ ọza ọ vị uye ana aā sị va yị Ẹnẹyịmavara rẹ vị Ẹnịnị.

Ịrịka 18:6

Ẹnẹyịmavara kà a ọnị ụvọta ọ́ nyị Anireevi nịnị hụụnị akakana avaba Anisirẹrị nị. Ẹ sị mẹ̀ anka ẹyịza yị ọnị avọọ nị. Ẹnị ẹ vaa mẹ̀ ụkọrọ yị ọnị ịnị ajẹngụ anị nị.

Ịrịka 3:41

Ẹnẹyịmavara kà Anireevi nịnị aa vaa sị dọ wa ịrẹsụ nị. Avọọ a mẹ rẹ vaa sị ịsụpa ẹnịnị dọ ịrẹsụ avaba ezi ịpaapa ịsụpa Anisirẹrị nịnị nị.

Ịrịka 33:4

Ụmẹ ọnị ẹ̀ sị kwẹẹtẹ Anigipiti nịnị e si ne oku avaba ezi ịpaapa ẹnịnị anọrụ ẹnị Ẹnẹyịmavara wụ̀ nị. Ẹnẹyịmavara vị ana sị zụ wa ka ọnị ọ nyị ụkata hụụnị avaba ori ẹnịnị nị.

Iruuku 2:23

 maanị chẹrẹẹ tụ́ ịnị ọda Ohomorihi ka, “Ozi ịpaapa ọnyẹnẹẹ, ọ̀ọ vị ọnọrụ, vị ọ vaa sị ọọ tụ́ irenyii yị Ohomorihi nị.”

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.