Ịrịka 28:9 - IWE ỌNỊNỊ

⁹ Ẹkụhị ụhwọtụ vị ana a sị atẹmẹ ịrayị ọnya ẹẹva ọnịrị ayị ana a kwọ vahụra angwẹ orivi ne beri eche mẹ̀ ịsọvọ yị Ẹnẹyịmavara.

Ịrịka 28:9 ပူးပေါင်းရင်းမြစ်များ

2 Ohinọyị 4:23

Dị ọva anị ka: Sị aa naa mẹ ịdị ọza Ohomorihi ajịnị? Ajịnị ẹ yị vị ụhwẹ ọwọọwa, ẹ yị rẹ vị ẹkụhị ụhwọtụ. Dị ọnẹẹ ọnọnị ka, ẹ yị nyị ịrẹyị nị.

2 Ịtọpa 2:3

Avọọ, Isoromọnị mẹ rẹ tụ́ ụtụ ne tu Ihurami ana vị ohinọyị Ịtaya ka ọ ha ọchị Isida va yị ọnị anka ọ mẹ vịdị ha ọchị yị ada anị Idevidi ọnị ọ sị dà irehi yị ẹngụ.

2 Ịtọpa 2:4

Isoromọnị ka ọnị a vaa dà irehi yị Ẹnẹyịmavara Ohomorihi. Irehi ọnọọ vị ana vị aha ịzị a vaa rị eturare ana dagụ ozoza ịra hi Ẹnẹyịmavara, dị aa kụ́ ụbụrẹẹdị ịsọvọ hi ịrẹsụ ụta ịzọọ. Dị aa rẹ mẹ̀ ịsọvọ ana aā rị ịra ẹnẹnẹ ọnịrị oruva eyinị-eyinị ọnịrị avaba ẹkụhị ụhwọtụ, beri eche ụhwẹ ọwọọwa ọnịrị avaba eche ọnị Ẹnẹyịmavara Ohomorihi nyị ka aa rị. Ọsọnị ọ vị ọda ọnị Ẹnẹyịmavara nyị ka aa mẹ pooro nị.

2 Ịtọpa 8:13

Ộ mẹ̀ ịsọvọ ana a rị ịra irenyi-irenyi anka ọda Imosiisi mẹ ka a ịnị oze ịsọvọ Ẹnẹyịmavara ịnị eyinị-eyinị, ẹkụhị ụhwọtụ, eche ụhwẹ ọwọọwa ọnịrị eche asụsụ ịrayị ẹyịta. Eche asụsụ ịrayị ẹyịta ẹnẹẹ ẹ vị eche ịbụrẹdị ẹnẹ ẹ yị nyị owu ọnịrị eche ịsa ọyịna ne beri eche ajẹngụ.

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Ezikẹẹrị 20:12

Ẹnẹyịmavara kà, ọnị ộ rẹ sị ẹkụhị ụhwọtụ anị yị wa ka ọ̀ vị apọtẹrẹwa yị ọnịrị wa; dị ẹnịnị ẹ̀ yẹ́ ka, ọnị ọ vị Ẹnẹyịmavara ana nyị wa tụ irenyi nị.

Ezikẹẹrị 46:4

Ịsa ohinọyị ẹkụra vaa sị mẹ̀ ịsọvọ ana aa rị ịra hi Ẹnẹyịmavara ịnị ẹkụhị ụhwọtụ ọ vị ezi atẹmẹ ịhịnọnyị ẹnẹ ẹ̀ yị nyị ịsaa zị, ọnịrị ịdẹba ọnya ẹnẹ ẹ̀ yị nyị ịsaa zị nị.

Ịrịka 28:10

Avọọ a maa mẹ̀ ịsọvọ ana a rị ịra ẹkụhị ụhwọtụ beri ịsọvọ ana a mẹ eyinị-eyinị nị.

Ịrịka 28:8

Ozi atẹmẹ ọhụva ọnịrị ayị ana a kwọ beri eche vị ana a raà rị ịra mẹ̀ ịsọvọ oruva. Agụ areyi oō hine Ẹnẹyịmavara ayị.

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.