Ịrịka 28:8 - IWE ỌNỊNỊ

⁸ Ozi atẹmẹ ọhụva ọnịrị ayị ana a kwọ beri eche vị ana a raà rị ịra mẹ̀ ịsọvọ oruva. Agụ areyi oō hine Ẹnẹyịmavara ayị.

Ịrịka 28:8 ပူးပေါင်းရင်းမြစ်များ

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:17

Ana vọ ịnị inomi ọnọọ vị ọnị ohirẹsụ irehi Ohomorihi vaa vọ zị oze ịnị avaka anị, ama ẹ yị vaa jị avaka anị kwooze. Dị ọ va rị avaba anị ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:9

Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Ịrịka 28:7

Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị.

Ịrịka 28:9

Ẹkụhị ụhwọtụ vị ana a sị atẹmẹ ịrayị ọnya ẹẹva ọnịrị ayị ana a kwọ vahụra angwẹ orivi ne beri eche mẹ̀ ịsọvọ yị Ẹnẹyịmavara.

Ịrịka 29:19

Dị ẹ sị ịdẹ ana a sị mẹ̀ ịsọvọ ịvị vaka ịsọvọ anaā rị ịra ụmẹtụrụmẹ beri ayị ọnịrị eche ịsọvọ ọzọza.