Ịrịka 28:3 - IWE ỌNỊNỊ

³ Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ.

Ịrịka 28:3 ပူးပေါင်းရင်းမြစ်များ

1 Ịtọpa 16:40

Ẹnị a ka ẹẹ rị ịsa ịsọvọ ịra ịrẹsụ ụta ịsọvọ ẹnẹnẹ-ẹnẹnẹ ọnịrị oruva-oruva. Ẹnịnị ẹ̀ vavọọ mẹ̀ ẹ anka avaba ịsa ana chẹrẹ tụ ịnị ọda ọnị Ẹnẹyịmavara sị yị Anisirẹrị nịnị.

2 Ịtọpa 8:13

Ộ mẹ̀ ịsọvọ ana a rị ịra irenyi-irenyi anka ọda Imosiisi mẹ ka a ịnị oze ịsọvọ Ẹnẹyịmavara ịnị eyinị-eyinị, ẹkụhị ụhwọtụ, eche ụhwẹ ọwọọwa ọnịrị eche asụsụ ịrayị ẹyịta. Eche asụsụ ịrayị ẹyịta ẹnẹẹ ẹ vị eche ịbụrẹdị ẹnẹ ẹ yị nyị owu ọnịrị eche ịsa ọyịna ne beri eche ajẹngụ.

Ẹzịra 3:5

Ịrẹma ịsọvọ ẹnịnị, dị ẹ rẹ yaa mẹ̀ ịsọvọ eyinị-eyinị ọnịrị ịsọvọ ụhwẹ ọwọọwa neberi ịsọvọ eche ịrayị-ịrayị yi Ẹnẹyịmavara nị. Dị ẹ rẹ yaa mẹ̀ ịsọvọ ọnị ọzọza ụvọta anị sị ayị anị sị hẹkẹ Ẹnẹyịmavara nị.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Ịdanịyẹrị 12:11

Ọ kà hụrị ụmẹ ana sị za ịsọvọ eyinị-eyinị ọ yị mẹ hi Ohomorihi jẹẹ ọnịrị ụmẹ ana sị sị ịsị eenyisi na jẹẹ ịnị irehi Ohomorihi vaa gụ ẹkụhị akahị tụra ịrẹka tụra ẹnarẹẹwụ (1,290). Ịsị eenyisi ọnọnị vaa vị ayodu yị aza, dị ọ mẹ ka à sị a kụkụ nyị aza ịnị irehi Ohomorihi.

Ịdanịyẹrị 8:11

Ọpanyị ọnọọ ộ hyakụ kụ hịrẹ ọdọvịdị isoja ẹbẹẹba, dị ọ ka asị a kụkụ mẹ̀ ịsọvọ hi Ohomorihi a mẹ̀ vịdịị mẹ̀ ẹ eyinị-eyinị nị. Ịzị aā yàa hẹkẹ Ohomorihi vị ọnị ọ hyakụ du va hi ẹtẹ bẹẹ.

Ịdanịyẹrị 8:13

Ịdanịyẹrị ka, ọnị ộ vana wụ ka anggẹẹrị ọnya ộ họ̀ ọsa use ka, ịzị avaba ịsa ọnị ọnị maanị vaa yà nee tu? Ịzị aza vaa maanị mẹ ịvị naa za, dị aza ẹ yị kụkụ mẹ̀ ịsọvọ hi Ohomorihi? Aanị áa mẹ yị vaa kụ́ ahụụ hị́ aza Ohomorihi di ee du irehi anị vaa hi ẹtẹ nị?

Ireevi 3:5

Ohirẹsụ irehi Ohomorihi nịnị vaa sị avaba ọsọnị ọnịrị ịsị ịsọvọ ana aā rị ịra, dị ọ rị wa ịra ịrẹsụ ụta Agụ ịsị ịsọvọ ọnọnị vị eneē hine Ẹnẹyịmavara.

Ireevi 6:9

Ọ̀ mẹ ọda ẹnẹnị yị Eerọnị ọnịrị ezi anị ịnị ịpa ịsọvọ ọyị rị ịra. Ịsị ịsọvọ ọyị rị ịra vị ana a vaa navọ tụ ịrẹsụ ụta pooro dị eyi ọ̀ nị, dị ịra ọ̀ vavọọ zaa hi ọ.

Emọsị 4:4

Ẹnẹyịmavara kà ẹnịnị ẹ nọ Ịbẹtẹrị na mẹ̀ ebira odivi. Ẹ nọ Igirigari na da ụvọ tụ ịnị ụvọ huu avọọ. Ée si uye mẹ̀ ịsọvọ ẹnẹnẹ-ẹnẹnẹ, dị ẹ sị agẹẹwụ ịsa ana ngụ eehi yị wa ịnị aarẹ vẹ ẹkụhị ẹtẹẹta.

Ịrịka 28:10

Avọọ a maa mẹ̀ ịsọvọ ana a rị ịra ẹkụhị ụhwọtụ beri ịsọvọ ana a mẹ eyinị-eyinị nị.

Ịrịka 28:15

Ịdẹ ọnyara a sị mẹ̀ ịsọvọ ịvị yị Ẹnẹyịmavara beri ịsa ịsọvọ ana vọ anaā mẹ eyinị-eyinị nị.

Ịrịka 28:23

Ịsọvọ ẹnẹnị vị ana a mẹ beri ịsọvọ ana aā mẹ ẹnẹnẹ.

Ịrịka 28:24

Avọọ ẹ mẹ rẹẹ̀ va mẹ̀ ịsọvọ ịsọyịrị ana aa rị ịra ẹkụhị ịhịmba ọnị agụ anị vee hine Ẹnẹyịmavara ayị. Ọsọnị vị ana a mẹ beri ịsọvọ ana a rị ịra ọnịrị eche eyinị-eyinị.

Ịrịka 28:31

Ịsa ịsọvọ ẹnẹnị vị ana a mẹ beri ịsọvọ ana vọ ana aa mẹ ụmẹ tụra ụmẹ. Asị a nyị uye ana a sị mẹ̀ ịsọvọ ana nyị ikụ vụrụ-vụrụ.

Ịrịka 28:4

A sị atẹmẹ ọnya mẹ̀ ịsọvọ ẹnẹnẹ, dị a sị ọsa mẹ̀ ịsọvọ oruva.

Ịrịka 29:11

Ẹnẹyịmavara kà ẹ̀ sị ịdẹ ọnya mẹ̀ ịsọvọ ịvị ịrẹsụ ẹnịnị beri ịsọvọ ana aā sị ayị ọnịrị eche mẹ eyinị-eyinị.

Ịrịka 29:16

Dị a rẹ sị ịdẹ ana aa sị mẹ̀ ịsọvọ ịvị. Avaba ịsọvọ ẹnẹnị vị ana a mẹ beri ịsọvọ ịvị ana aā rị ịra eyinị-eyinị ọnịrị ayị ọyịkwọ beri eche ịsọvọ.

Ịrịka 29:6

Ịsọvọ irenyi ẹnẹnị vị ana aa mẹ beri ịsọvọ ụhụụhwẹ ọnịrị ịsọvọ eyinị-eyinị, dị a sị ayị ọnịrị eche tụ́ ọ a mẹ juwe anị. Avaba ịsa ịsọvọ ẹnịnị vị ana aa rị ịra dị agụ anị o hine Ẹnẹyịmavara ẹtẹẹtẹrẹ.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Anihiburu 9:6

Àa vavọọ sị ịsa ẹnẹẹ tenyi tịtẹ, dị ohirẹsụ irehi Ohomorihi aa nọ ini eyi ẹhẹ ajẹngụ ọnọọ eyinị-eyinị, dị ọ na aa mẹ̀ ụkọrọ Ohomorihi.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.