Ịrịka 28:2 - IWE ỌNỊNỊ

² ọ ka yị Anisirẹrị nịnị ka ẹẹ sị ụmẹ ana a nyị sị sị ịsa ịsọvọ ọzọza ene hine Ẹnẹyịmavara va yọ.

Ịrịka 28:2 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

1 Ịtọpa 23:31

Ọnịrị avaba ụmẹ ana àaa sị vaa mẹ̀ ịsọvọ ana aā rịra ịnị ẹkụhị ụhwọtụ, ụmẹ eche ụhwẹ ọwọọwa, ọnịrị ụmẹ eche ana vọ. Â nyị ọda ana sị zụ, ọpa Anireevi ana vọrọ ka ẹẹ mẹ̀ ụkọrọ ụmẹ ọnya-ụmẹ ọnya. Anireevi nịnị a ka ẹẹ mẹ̀ ụkọrọ ini irehi Ẹnẹyịmavara pooro kẹnẹ nị.

2 Ịtọpa 23:18

Ijehoyada ọ sị ụkọrọ ini irehi Ohomorihi chire ẹnị ohirẹsụ irehi Ohomorihi ọnịrị Anireevi nịnị ụvọ. Ọ kà ẹnịnị ẹẹ mẹ̀ ụkọrọ oni ohinọyị Idevidi sị yị wa. Ịsa ana àa sị va mẹ̀ ịsọvọ hi Ẹnẹyịmavara, ẹnịnị ẹ̀ rị ọ ịra anka a mẹ̀ kà a tụ ịnị ọda Imosiisi. Ẹnị ẹ rẹ vaa jị ahẹ, dị ẹyaa kụ azaa mẹ aahẹ nị.

2 Ịtọpa 31:3

Ộ nyị ịnị ịsụpa anị ọnị ọ ka aa sị mẹ̀ ịsọvọ ọyịrịịra ẹnẹnẹ ọnịrị oruva, ịsa ịsọvọ ẹkụhị ụhwọtụ, eche ụhwẹ ọwọọwa ọnịrị eche irenyi-irenyi ana vọ ọnị Ẹnẹyịmavara mẹ̀ ọda anị yị wa.

Ẹzịra 3:2

Dị Ijesuwa ana vị ozi Ijozadaki ọnịrị ohirẹsụ irehi Ohomorihi ana vọ neberi Izerubabẹrị ozi Isiritiyẹrị ọnịrị aza anị tenyi ụta ịsọvọ Ohomorihi Anisirẹrị da nị. Ệ da a anka a mẹ̀ chẹrẹ tụ ịnị iwe ọda Imosiisi ana vị ọnịsẹ Ohomorihi. Ẹ vavọọ da a agụvị dị ẹ rị ịsa ịsọvọ ịra ịrẹsụ anị.

Ẹzịra 3:3

Ịnị eyi angwahi-angwahi aza ana kara wa ẹ sị da ụta ọnọọ nị. Dị ẹ da a tụ ịzị ọ vịdị yaa ịnị ịyẹẹyẹ nị. Dị ẹ nyima a rị ịsa ịsọvọ ịra ịrẹsụ anị ẹnẹnẹ ọnịrị oruva yị Ẹnẹyịmavara.

Inehemaya 10:34

Ẹ ka ẹnị aza ana vọ, ohirẹsụ irehi Ohomorihi nịnị ọnịrị Anireevi nịnị ẹ sị ọ ga ẹ yị ẹngụ ka ovwoovu ọzọza vee si ọkụụ vẹ ini irehi Ohomorihi ịrayị-ịrayị ana vaa sị rị ịsọvọ ana a mẹ hi Ẹnẹyịmavara Ohomorihi ayị ịra anka ọda mẹ̀ kà a.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Ọyịkụra 23:15

Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ.

Ọyịkụra 29:18

Dị ụ va sị avaba ịdẹba ọnọọ dị ụ rị ọ ịra ịrẹsụ ụta ọnọọ. Ẹmị ụ rị ọnọọ ịra yị nị. Agụ anị ô zee mi eyi ẹtẹẹtẹrẹ.

Ezikẹẹrị 16:19

Ẹnẹyịmavara kà ịsọyịrị ọnị ọnị sị yị wụ, ayị ọyịza-ọyịza, angwẹ orivi ọnịrị ẹhụ vị ọnị waa sịị mẹ ịsọvọọ yị ori ka ẹ vayị awụ.

Ezikẹẹrị 20:41

Ẹnẹyịmavara kà ịjị ọnị ọọ raa kụ wụ nịnị vavẹ eehi hụrị avaba ịzị a gara wụ nịnị ne hi, ụ́ kụkụ vaa sị mẹẹ anka ịsọvọ enee hine ọnị nịnị avọọ yị ọnị nị. Ọnị vaa sịị zụ anẹkụra ka è ré ka ọnịnị ọnị vị nị.

Ezikẹẹrị 45:17

Ọza ana vị ọdọvịdị ẹkụra ọ kụkụ vaa sị ịsụpa anaa sị vaa yị Ẹnẹyịmavara dị a rị avaba anị ịra, ọnịrị ịsọyịrị beri eche, dị à sị mẹ̀ ịsọvọ yị avaba ẹkụra àaa rị eche ụhwẹ ọwọọwa, ẹkụhị ụhwọtụ ọnịrị àaa rị avaba eche ana vọ nị. Ọnị ọ vaa sị ịsaa vẹ ana a vaa sị mẹ̀ ịsọvọ agụvị ebira odivi ana aza mẹ̀ nị. Ọnị ọ vaa sị ịsaa vẹ ana á rẹ vaa sị mẹ̀ ịsọvọ ịsọyịrị, ịsụpa ana a vaa rị avaba anị ịra ọnịrị ịsọvọ ana a sịị mẹ uzee, agụvị dị a sị vagu ebira odivi ọnị avaba Anisirẹrị nịnị mẹ nị.

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:17

Ana vọ ịnị inomi ọnọọ vị ọnị ohirẹsụ irehi Ohomorihi vaa vọ zị oze ịnị avaka anị, ama ẹ yị vaa jị avaka anị kwooze. Dị ọ va rị avaba anị ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:9

Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Ireevi 21:6

Ẹnịnị ẹ mẹ̀ ebira aza Ohomorihi, asị ẹ mẹ̀ ụhị nyị ịrẹha anị; ka ẹ yaa sị ịsa ịsọvọ vaa yọ, ẹnịnị ẹ za ido.

Ireevi 21:8

Ẹnịnị ẹ raa ẹhẹ ẹnịnị agụvị ịsa ịsọvọ ọnị ẹ sị yị Ohomorihi, Ẹnẹyịmavara ana nyị wa tụ́ irenyi vị ọza ọnịnị agụvị ẹnịnị ẹ vị aza ọnị ẹhẹ ẹnịnị nị.

Ireevi 3:11

Dị Ohirẹsụ irehi Ohomorihi anaa mẹ̀ ụkọrọ ụmẹ ọnọọ rị avaba ẹsẹnị ịra ịrẹsụ ụta anka ịsọyịrị ana sị̀ va mẹ̀ ịsọvọ yị Ẹnẹyịmavara.

Ịmarakayị 1:12

Ama ẹnịnị aa sị eyi kẹnẹ-kẹnẹ re ọnị. Ọ kà ẹyaa kà a ka, ẹ yị nyị ịsị ịzị a ya rị ịsa ịnị irehi Ohomorihi vị. Ẹ ya kà a ka ịsa ẹnị aa rị ịzọọ vị ịsa kẹnẹ-kẹnẹ.

Ịmarakayị 1:7

Dị Ẹnẹyịmavara kà, aanị ẹ mẹmẹ sị eyi oweyi re ọnị nị. Ọ kà a yaa sị ịsọyịrị enyisi vaa mẹ̀ ịsọvọ ịrẹsụ ụta anị. Dị ẹ yaa họ̀ ọ use ka ẹnị mẹmẹ du ụta anị ẹngụ? Dị Ẹnẹyịmavara kà e yee ro ka ẹ yị nyị ịsị aha ịsọvọ anị vị.

Ịrịka 15:24

a vị ka avaba ịragụ o nyeeyi va jịnẹ ọda ẹnyẹẹnyị, dị ịragụ sị ụnọ ọnịrị ayị vaka eche mẹ̀ ịsọvọ ene hine Ẹnẹyịmavara ayị. Anka ọda mẹ kà a, dị a sị ịdẹ mẹ̀ ịsọvọ ịvị.

Ịrịka 15:3

di e si ka ẹnị ẹ mẹ̀ ịsọvọ ene vee hine ọnị ayị nị, ẹ sị uye ịsọvọ ọnọọ hụụnị ịsụpa ẹnịnị. Ọ daka vị ịsọvọ tụra ịsọvọ ana aā rị ịra, ọ vị ịzẹzẹ, a vị ịsọvọ ayohine, a vị ịsọvọ ana aā mẹ ịnị eche irenyi-irenyi ana aā rị ịrayị-ịrayị.

Ịrịka 15:7

ne beri eche irita ọnya rị ẹjịjị ana a và hí ịrẹsụ ụta. Agụ areyi anị o hine Ẹnẹyịmavara ayị.

Ịrịka 28:1

Ẹnẹyịmavara ộ kà yị Imosiisi ka;

Ịrịka 29:39

Ẹsẹnị ẹ vị ọda ana kara ịsọvọ ọyị rịịra, ịsọvọ ayị ọyị kwọ, eche ịsọvọ, ọnịrị ịsọvọ uze ọnị Ẹnẹyịmavara hụ agụvị anị nyị eche ana aa rị. Ẹsẹnị vene beri ịsọvọ ene sii si ụta ịzẹzẹ à vị ịsọvọ ana hụụnị ayị vẹ.

Ịrịka 9:13

Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị.

Ịrịka 9:7

sị ẹ vẹ dị ẹnị ana kanyị oku ẹ yị zụ rị eche ọyịparahu, dị ẹnị mẹ̀ ịsọvọ hi Ẹnẹyịmavara anka aza ana vọ ụmẹ ọnyọọnya?

2 Anịkọrịntị 2:15

Vị ị sị mẹẹ anka eturare ana agụ anị zoza oni Ikirisiti aa sịị mẹ ịsọvọọ hi Ohomorihi avọọ nị. Ộ gara hi ẹtẹ yị avaba aza ana aa há ọnịrị aza ene ee vu ẹtẹ.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.