Ịrịka 28:11 - IWE ỌNỊNỊ

¹¹ Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Ịrịka 28:11 ပူးပေါင်းရင်းမြစ်များ

2 Ohinọyị 4:23

Dị ọva anị ka: Sị aa naa mẹ ịdị ọza Ohomorihi ajịnị? Ajịnị ẹ yị vị ụhwẹ ọwọọwa, ẹ yị rẹ vị ẹkụhị ụhwọtụ. Dị ọnẹẹ ọnọnị ka, ẹ yị nyị ịrẹyị nị.

1 Ịtọpa 23:31

Ọnịrị avaba ụmẹ ana àaa sị vaa mẹ̀ ịsọvọ ana aā rịra ịnị ẹkụhị ụhwọtụ, ụmẹ eche ụhwẹ ọwọọwa, ọnịrị ụmẹ eche ana vọ. Â nyị ọda ana sị zụ, ọpa Anireevi ana vọrọ ka ẹẹ mẹ̀ ụkọrọ ụmẹ ọnya-ụmẹ ọnya. Anireevi nịnị a ka ẹẹ mẹ̀ ụkọrọ ini irehi Ẹnẹyịmavara pooro kẹnẹ nị.

2 Ịtọpa 2:3

Avọọ, Isoromọnị mẹ rẹ tụ́ ụtụ ne tu Ihurami ana vị ohinọyị Ịtaya ka ọ ha ọchị Isida va yị ọnị anka ọ mẹ vịdị ha ọchị yị ada anị Idevidi ọnị ọ sị dà irehi yị ẹngụ.

2 Ịtọpa 2:4

Isoromọnị ka ọnị a vaa dà irehi yị Ẹnẹyịmavara Ohomorihi. Irehi ọnọọ vị ana vị aha ịzị a vaa rị eturare ana dagụ ozoza ịra hi Ẹnẹyịmavara, dị aa kụ́ ụbụrẹẹdị ịsọvọ hi ịrẹsụ ụta ịzọọ. Dị aa rẹ mẹ̀ ịsọvọ ana aā rị ịra ẹnẹnẹ ọnịrị oruva eyinị-eyinị ọnịrị avaba ẹkụhị ụhwọtụ, beri eche ụhwẹ ọwọọwa ọnịrị avaba eche ọnị Ẹnẹyịmavara Ohomorihi nyị ka aa rị. Ọsọnị ọ vị ọda ọnị Ẹnẹyịmavara nyị ka aa mẹ pooro nị.

2 Ịtọpa 8:13

Ộ mẹ̀ ịsọvọ ana a rị ịra irenyi-irenyi anka ọda Imosiisi mẹ ka a ịnị oze ịsọvọ Ẹnẹyịmavara ịnị eyinị-eyinị, ẹkụhị ụhwọtụ, eche ụhwẹ ọwọọwa ọnịrị eche asụsụ ịrayị ẹyịta. Eche asụsụ ịrayị ẹyịta ẹnẹẹ ẹ vị eche ịbụrẹdị ẹnẹ ẹ yị nyị owu ọnịrị eche ịsa ọyịna ne beri eche ajẹngụ.

Ẹzịra 3:5

Ịrẹma ịsọvọ ẹnịnị, dị ẹ rẹ yaa mẹ̀ ịsọvọ eyinị-eyinị ọnịrị ịsọvọ ụhwẹ ọwọọwa neberi ịsọvọ eche ịrayị-ịrayị yi Ẹnẹyịmavara nị. Dị ẹ rẹ yaa mẹ̀ ịsọvọ ọnị ọzọza ụvọta anị sị ayị anị sị hẹkẹ Ẹnẹyịmavara nị.

Inehemaya 10:33

Ẹkẹhị ọnọnị é re vee sii si ụta ụbụrẹẹdị Ohomorihi ọnịrị ịsa ịsọvọ eyinị-eyinị beri ịsọvọ irenyi anka ẹkụhị ụhwọtụ, eche ụhwẹ ọwọọwa ọnịrị eche ana vọ. Ịnị anị e re vee si ụta ịsa ịsọvọ ọyị pa ẹvagu ịvị ẹnịnị ọnịrị ịrẹyị ẹkẹhị ịsa ana àa nyị ka à na mẹ ini irehi Ohomorihi nị.

Ahẹ Ụgama 40:6

Wâ mẹ ka ma yẹ ka we yi ka ọza ọ̀ sị ịsa ịsọvọ va wụ Ẹ yị nyị ịsị ụ ka ọza ọ̀ sị va wụ Wẹ yị rẹ kà ka ọza ọ̀ wụ̀ uye dị ọ va rị ọ ịra wụ ịrẹsụ ụta.

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Ahẹ Ụgama 81:4

Ohomorihi oni Ijekọvụ hẹkẹ ọ mẹ ọda ọnọnị yị Anisirẹrị nị. Ọnị ọ kà a ka à vavọọ mẹ̀ ẹ pooro nị.

Ayịsaya 66:23

Ẹnẹyịmavara kà, ẹkụhị ịpaapa ịnị ụhwẹ ọnịrị ẹkụhị ụhwọtụ vị ọnị avaba aza vaa sị hẹkẹ ọnị.

Ezikẹẹrị 46:1

Ẹnẹyịmavara Ananyị ụkata hu ka, ẹkụhị ịhịnọnyị ana aa mẹ ụkọrọọ vị ịnị ọsẹ avọọ, vị ene e vee chire oze ana na ngụ ịnị ohweje ana ya ịnịnẹ irehi Ohomorihi oze ana ya eyi ọnị ọyịị̄ zịị hụrẹ aa kà nị. Ama ẹkụhị ụhwọtụ ọnịrị ẹkụhị eche ụhwẹ ọwọọwa dị a na a.

Ezikẹẹrị 46:6

Ịhị àa rị eche ụhwẹ ọwọọwa, ohinọyị ẹkụra vaa sị ụnọ ọnya ẹnẹ ẹ̀ yị nyị ịsaa zị, dị ọ sị ezi atẹmẹ ịhịnọnyị ọnịrị ịdẹba ọnya ẹnẹ ẹ̀ yị nyị ịsaa zị dị a sị mẹ̀ ịsọvọ.

Ezikẹẹrị 46:7

Ọ vaa sị akụ Ehwẹrị ọnya mẹ ịsọvọọ vaka ụnọ ọnọọ, dị ọ vavọọ rẹ sị ọ vaka ịdẹba; ama ịzị akụ anị ọ̀ọ zụ rụrụ na za kẹnẹ ọ́ vaa sịị vaka ezi atẹmẹ ẹnẹẹ nị; dị ọ rẹ sị angwẹ orivi ẹ̀hụ ijongo ẹẹna vaka Ehwẹrị ikonyi ikonya.

Ihoseya 2:11

Ộ kà ọnị rẹ vaa za avaba eche Anisirẹrị jẹẹ; eche ụhwẹ-ụhwẹ ọnịrị eche ịrayị-ịrayị ẹnịnị ne beri eche ụhwọtụ irenyi-irenyi ọnịrị avaba eche ana vọ.

Ireevi 1:13

Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 1:9

Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Emọsị 3:5

Ịrẹpa ọ yị mā za inomi kẹnẹ ẹ̀ẹ vị a sị ịsa ọnị inomiī rị va ịrẹpa zi ọ. Avọọ ịrẹpa o mē ne kẹnẹ ẹ yị vị a nyị ịsa ẹ jị ahụ ngụ ọ

Emọsị 8:5

Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị.

Ịrịka 10:10

Ọ kà e hu ọ ịnị ụmẹ ọnị ẹ yaa jẹ ịrajẹ ọnịrị ịnị ụmẹ avaba eche asụsụ ịrayị ẹnịnị. E hu ọ ụhwẹ ọ sị chị, dị ẹ si hine ayị ịrẹsụ ịsọvọ anaā rị ịra ọnịrị ịsọvọ ẹngwọọrọ. Ịkakanchị ọnọọ vaa tama ọnị ayị oto ọnị wo yị wa. Ọnị ọ vị Ẹnẹyịmavara ana vị Ohomorihi ẹnịnị nị.

Ịrịka 28:19

Ịhị ọnọọ, ẹnịnị ẹ̀ mẹ̀ ịsọvọ ana aa rị ịra yị Ẹnẹyịmavara. Ẹ sị ụnọ ẹẹva ọnịrị ịdẹba ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị.

Anigaratiya 4:10

Wàa yịị sị ẹkụhị ẹnyị beri ụhwẹ ẹnyị ọnịrị ịrayị ẹnyị beri ụmẹ ẹnyịị tụ́ irenyi nịnị.

Anikorasi 2:16

Agụvị avọọ asị ụ zẹẹ ka ọza ọ̀ kụkụụ jị ịvịị wụ nịnị ini oze ịsọyịrị ọnịrị isu wee hú nịnị. Asị ụ rẹ kụkụ zẹẹ ka àa mẹ ọdaa wụ nịnị ini oze eche ọyịrị, ẹhụụ eche ụhwẹ ọwọọwa ọnịrị ẹkụhị ụhwọtụ.

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

1 Ịsamụwẹrị 20:5

Di Idevidi tụ́ ohi dị ọ ka, “Wáā yẹ ka ụhwọọ ọ vị eche ụhwẹ ọwọọwa nị? Â vọrọ ka ma yaayịtẹ pè ohinọyị dị ẹmịrị ọ ọ̀ rị ịsa. Jẹẹ ma na tẹ̀ ịnị avị pooro ne tù oruva uhurenyi.

1 Ịsamụwẹrị 9:12

Di ezi anẹẹ ẹnẹẹ tụ́ ohi dị ẹ ka orẹtẹ yà ịnị ẹkụra ẹnịnị ịzọọ. Ẹ ka vị ọ maanị tụ́ ọvịdị Ịsọọrụ nịnị chee va ngụ ịnị ẹkụra nị. Ẹnịnị ẹ̀ wụsẹẹ dụ ọ na. Dị ẹ rẹ kà anẹkụra ẹnịnị aa mẹ̀ ịsọvọ ịhị ọnọọ aha ịsọvọ.