Ịrịka 27:21 - IWE ỌNỊNỊ

²¹ Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Ịrịka 27:21 ပူးပေါင်းရင်းမြစ်များ

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

Ẹzịra 2:63

Dị Ịgọvọnọ mẹ ọda ka asị ẹ rị ịsa ọnịnị anaā sịị vaa mẹ̀ ịsọvọ ịnị irehi Ohomorihi pooro dị aa nyị ohirẹsụ irehi Ohomorihi ana a sị urimi ọnịrị itumimi rị ụvọ.

Inehemaya 7:65

Agụvị avọọ dị Ịgọvọnọ ka yị wa ka asị ẹ rẹ rị ịsa ẹnịnị pooro dị ẹ vị ohirẹsụ irehi Ohomorihi anaa sị Urimi ọnịrị Itumimi mẹ̀ ụkọrọ.

Ọyịkụra 28:30

Rẹ kụ́ ịsị e sii sì iruvo ịrẹyị ana aā hí Urimi ọnịrị Itumini dị wa kụ́ wa hi ịnị ọtụrịrachị ọnọọ. Ẹ̀ vavọọ tụra Eerọnị ayị ụmẹ tụra ụmẹ ana àaa ngụ ụ vẹ ọvịdị ẹmị Ẹnẹyịmavara. Avọọ Eerọnị mẹ̀ vee chire ịsị ọ vaa sị yẹ ịsị mi sìi kú ịrachị dị ọ̀ọ kà a yị Anisirẹrị nị.

Ireevi 8:8

Imosiisi ộ rẹ sị okurachị dị ọ và a ku ọ ịrachị nị ịsị e siī si iruvo ịrẹyị ana aā hị́ urimi ọnịrị itumini vị ọnị ọ kụ hi ini okurachị ọnọọ.

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Ịrịka 27:17

Ọza ọnọọ ọ vaa kụ́ aza nọ ịrẹkụ agụvị asị aza anị sị mẹẹ anka atẹmẹ nịnị ẹnẹ ẹ yị nyị ọza ene sere e avọọ.

Ịrịka 27:2

Ẹkụhị ọnya aanị, dị ezi anẹẹ ẹnẹẹ nọ ịnị ajẹngụ Ẹnẹyịmavara ịzị e ne tụ́ Imosiisi ọnịrị, Eriyaza ne beri ọdọvịdị Anisirẹrị nịnị vaka ọkọnị Anisirẹrị. Dị ezi anẹẹ ẹnẹẹ kà,

Ịrịka 27:20

Dị ọ si ụkata yọ, dị avaba ịragụ ọ sị ịrẹsụ yọ.

Ịrịka 27:22

Ịzẹyịza dị Imosiisi vavọọ mẹ̀ ẹ anka Ẹnẹyịmavara mẹ ka yọ, dị ọ sị Ijosuwa jẹẹ eyi Eriyaza ọnịrị avaba ịragụ Anisirẹrị;

Ịrịka 27:5

Imosiisi ộ sị ịrẹyị ẹnịnị vị ọvịdị Ẹnẹyịmavara,

Iwe Ọhụhị Imosiisi ana aa hị́ Ọyịvatụrọda 31:3

Ama Ẹnẹyịmavara ana vị Ohomorihi ẹnịnị vaa dọ ọvịdị ẹnịnị jịnẹ tụ akẹnẹ. Dị ọnị ụvọta vu avaba anẹkụra ana ra hi ịzọọ ẹtẹ agụvị dị ọ dọ wa ẹtẹ yị Anisirẹrị nịnị. Ijosuwa ana vị ọdọvịdị ẹnịnị ọwọọwa vaa dọ ọvịdị ẹnịnị jịnẹ tụ akẹnẹ enyi anka Ẹnẹyịmavara mẹ kà a.

Iwe Ọhụhị Imosiisi ana aa hị́ Ọyịvatụrọda 33:8

Imosiisi mẹ̀ aduwa yị Anireevi ka; Ẹnẹyịmavara ọ navọ itumimi ọnịrị Urimi anị ẹ sị ịsị vị ọyịsị anị zụ wa ana vị aza anị. Wâ sị akanya zama wa re ẹtẹ Imasa ịnị enyi Imeriba agụvị dị wa yẹ ẹngụ aza ẹnị ẹ vị.

Ijosuwa 9:14

Anọrụ Anisirẹrị nịnị ệ dọ wa ịsọyịrị ama ẹnịnị ẹ yị họ̀ use hụụnị ụvọ Ẹnẹyịmavara.

Ọdọvịdị 1:1

 nyị ụmẹ ọnya aanị, ịnị ụmẹ ọnọọ Ijosuwa ô wusu, dị Anisirẹrị nịnị họ̀ Ẹnẹyịmavara use ka, yere ịrẹsụ ọnị ọ vọrọ tụra ka ẹ vịdị nọ ịrẹkụ Anikenaani nịnị?

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

1 Ịsamụwẹrị 14:19

Ịsọọrụ mèe pii pè ohirẹsụ irehi Ohomorihi kà ịrẹyị, dị Anihwirisiti nịnị aa mịị mẹ ezigii hu avọọ nị. Dị Ịsọọrụ va kà a yị ohirẹsụ irehi Ohomorihi ọnọọ dị ọ ka ọ̀ za ụvọ jẹẹ nị.

1 Ịsamụwẹrị 23:9

Idevidi ọ sị wụ́ ka Ịsọọrụ ee be ọnị, dị ọ va hị́ Abiyata ka ọ̀ sị ịharamịra ọnọọ vẹ nị.

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.

1 Ịsamụwẹrị 30:7

Di Idevidi va hị́ Abiyata ana vị ohirẹsụ irehi Ohomorihi dị ọ ka ọ̀ sị ịharamịra oni ohirẹsụ irehi Ohomorihiī chire va yị ọnị nị. Ịzẹyịza dị Abiyata sị ọ va yọ nị.