Ịrịka 27:17 - IWE ỌNỊNỊ

¹⁷ Ọza ọnọọ ọ vaa kụ́ aza nọ ịrẹkụ agụvị asị aza anị sị mẹẹ anka atẹmẹ nịnị ẹnẹ ẹ yị nyị ọza ene sere e avọọ.

Ịrịka 27:17 ပူးပေါင်းရင်းမြစ်များ

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

1 Ohinọyị 22:17

Di Imikaya va ka, “Mê re ka avaba Anisirẹrị ẹ sị gara hi ịnị ataba anka atẹmẹ ẹnẹ ẹ̀ yị nyị ọza ene ee sere wa avọọ. Ẹnẹyịmavara kà ẹnịnị ẹ yị nyị ohirẹsụ. Ọ kà ẹnịnị ẹ̀ varẹma ẹ̀ẹ nọ eehi ẹnịnị ịnị ẹngwọọrọ.”

1 Ohinọyị 3:7

Ẹnẹyịmavara Ohomorihi amị, ẹwa mẹ ka ẹmị ozi ahụ awụ ọ rị ohinọyị dọ ịrẹsụ Idevidi ada amị nị. Ama ẹmị vị ozweyi. Ẹ yị nyị ịsị mị yẹ.

2 Ohinọyị 11:8

Wèe sere ohinọyị Ijowasi nịnị, ụhwọ vị ọnị ụ vaa tụ̀ụ rị ụvọ, dị ụ jẹẹ pe e nịnị aha tụra aha ọnị ọ̀ọ zị. Ọza ana àa ka gụrị ẹwụ nịnị, ụ wụ ọ nịnị.”

2 Ịtọpa 1:10

Dị Isoromọnị ka Ohomorihi ọ sị ịrẹyọyẹ yị ọnị ọnị vaa sị mẹ̀ ịjọva tụra wa ịrẹsụ a mẹ vọrọ. Ẹ yị vị avọọ, ẹnẹ zụ mẹ̀ ịjọva tụra ẹkụra anị ọbanyị ọnọnị ịrẹsụ?

2 Ịtọpa 18:16

Di Imikaya va ka, “Mê re ka avaba Anisirẹrị ẹ sị gara hi ịnị ataba anka atẹmẹ ẹnẹ ẹ̀ yị nyị ọza ene ee sere wa avọọ. Ẹnẹyịmavara kà ẹnịnị ẹ yị nyị ohirẹsụ. Ọ kà ẹnịnị ẹ̀ varẹma ẹ̀ẹ nọ eehi ẹnịnị ịnị ẹngwọọrọ.”

Ezikẹẹrị 34:5

Atẹmẹ ẹnẹẹ ẹ́ kụ gara hi agụvị ka ẹ́ yị nyị ọza enee sere wa. Dị uye edivi kụkụ aa za waa mẹ ụngwẹ nị.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imatiwu 10:6

Ama nọ ịdị Anisirẹrị nịnị, agụvị ka eni e vú anka atẹmẹ avọọ nị!

Imatiwu 15:24

Dị Ijeesu tụ́ ohi, dị ọ ka, “Agụvị Anisirẹrị nịnị ana sị mẹẹ anka atẹmẹ ene vú kẹnẹ a tụ̀ mị vẹ ẹhẹ nị”.

Imatiwu 9:36

Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.

Ịmaakị 6:34

Ịjị e si tù ịzọọ, dị Ijeesu jịnẹ hụụnị ẹpa nị. Ịjị o re ọkọnị aza ẹnẹnị, ayị ẹnịnị ộ vá Ijeesu, agụvị ka ẹnịnị vị ana yà anka atẹmẹ ẹnẹ ẹ̀ yị nyị ọza ene ee sere wa avọọ. Ijeesu ô nyima aa sị ịrẹyị ọrụrụ-ọrụrụụ zụ̀ wa.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Iwe Ọhụhị Imosiisi ana aa hị́ Ọyịvatụrọda 31:2

Ọ kà ọnị ọ sị gụ ịrayị ẹchẹhị tụra oohu. Ọnị ẹ yị kụkụ zụ vị ọdọvịdị ẹnịnị. Ẹnẹyịmavara ọ kà a yị ọnị ka ọnị ẹ yị vaa jịnẹ irehu Ijodani na akẹnẹ.

1Ipita 2:25

Vị ụ vịdị sị mẹẹ anka atẹmẹ ene vú nịnị avọọ nị, ama booro aanị wa zị vavẹ ịdị Ọza ene ee sere wu nịnị, dị ọ raa tẹsị awụ nịnị.

1 Ịsamụwẹrị 18:13

Ịsọọrụ ọ raà dụ Idevidi hụụ ịda anị, dị ọ sị ọ ka ọ̀ na sị eyi pè isoja ẹnị akahị nị. Dị ahịka Idevidi aa kụ́ isoja ẹnẹẹ nọ ịrẹkụ nị.

1 Ịsamụwẹrị 8:20

Ẹ ka ẹnị ẹ̀ẹ nyị ohinọyị, dị ẹnị rẹ kụkụ yà anka anẹkụra ana vọ. Ẹ ka di ohinọyị ẹnịnị ẹnị raa kụ́ ẹnịị nọ ịrẹkụ, dị aa gụ ẹnị ụvọ anka anẹkụra ana vọ.