Ịrịka 26:55 - IWE ỌNỊNỊ

⁵⁵ Ẹnẹyịmavara kà ọnị vaa sị zụ wa ọ mẹmẹ vaa sị ịrẹha ịrẹsụ-ịrẹsụ ga ẹtẹ yị wa.

Ịrịka 26:55 ပူးပေါင်းရင်းမြစ်များ

Ụhịrẹyị 16:33

Yaa nyẹngụ ee rò aayị ama ịsị ẹ vaa mẹ vị ana ya ịnị ụvọ Ẹnẹyịmavara.

Ụhịrẹyị 18:18

Aza ọkatẹngụ ẹẹva ẹ̀ẹ nyị ịrẹyị dị ẹ yaa nyị ahankata ịnị ikootu nị, ịrẹyị ọnọọ ẹ yị ta ẹ̀ẹ vị ene re tụ ọ.

Ezikẹẹrị 47:22

Ogu awụ nịnị ẹtẹ ọnọnị kụkụ vaa vị̀ pooro nị. Ụ vaa gàa tu anẹkụra ọsa ana rá vahụra wụ nịnị, dị ẹ kụ ezi ma hi ịdị awụ nịnị. Vị́ ẹnị rẹ kụkụ vaa sị mẹẹ anka ezi-ẹtẹ Isirẹrị avọọ. Ẹnịrị ịrẹsụ-ịrẹsụ ene hi Isirẹrị e vee du duu gà ẹtẹ ọnọnị àa gà a nị.

Ịrịka 26:56

Ụrụrụ ịrẹsụ ọnyọọnya mẹ ya ẹtẹ vee si tù ọ nị.

Ịrịka 33:54

Ẹnẹyịmavara kà Imosiisi vaa ga ẹtẹ ọnọọ ịrẹsụ-ịrẹsụ ọnịrị a mẹmẹ rụrụ huu ẹngụ nị.

Ịrịka 34:13

Dị Imosiisi ka yị Anisirẹrị ka, ẹtẹ ọnọnị Ẹnẹyịmavara sị yị wa ka ọ vị ogu ẹnịnị. Ẹnị ịrẹsụ ịhịịna ne beri achẹva Ịmanasẹ a vee si ụvọ zee dị aa ga ẹ yị wa nị.

Ịrịka 36:2

Dị ẹ kà Ẹnẹyịmavara ọ mẹ̀ ọda ka ọ ga ẹtẹ yị Anisirẹrị nịnị, dị ọ sị ọnyịrẹva Izerohwehadi ọhụva ẹnịnị yị ezi anẹẹ anị.

Odeyi 1:26

Ịjị ẹ maanị sị aduwa mẹ̀, di e sì ọza ọnị ọ vọrọ tụra nị. Dị ahịka Imataya ọ za nị, dị ẹ sị ọọ vaka ezirẹma ẹwụrọnya ana vọ nị.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

Ijosuwa 14:2

Ẹtẹ ọnọọ vị ana a ga yị ẹnị ịrẹsụ ịhịịna rị ẹjịjị ana vọ anka Imosiisi mẹ vịdị ka tịtẹ.

Ijosuwa 17:14

Ezi Ijosẹẹhụ ệ kà a yị Ijosuwa ka: Sị ẹ vẹ dị ahịka ẹtẹ oze ọnya kẹnẹ ọ sị yị ẹnị nị? Ẹ ka, ẹnị ệ rụrụ, agụvị ka Ẹnẹyịmavara ộ mẹ̀ ọyịza yị ẹnị.

Ijosuwa 18:6

Ẹ̀ ẹ raà chẹrẹ ẹtẹ ana a ga hi oze ịhịmba aanị mẹmẹ ya, ẹ sị iwe anị ve tu ọnị, dị ọnị zama ẹtẹ tụ ọ ẹtẹ ana vaa vị ọzọza ọvịdị Ẹnẹyịmavara Ohomorihi ẹnịnị.

Ijosuwa 19:1

Isimiyọnị ọ vị ọnị ụpọhụva ana á dà ẹtẹ yị nị. Abara-abara a dà ẹ yị wa nị. Ẹtẹ anị ộ ngụ ịnị ẹtẹ ana a sị yị Ijuda.

Ijosuwa 19:10

Izeburuni ọ vị ọnị ọhụta a na da ẹtẹ yị nị. Abara-abara a dà ẹ yị wa nị. Ẹtẹ ẹnịnị ô tu ịzị aā hị́ Isaridi.

Ijosuwa 19:17

Ezi Iisaka nịnị ẹ vị ọnị ọhụna ana a dà ẹtẹ yị nị. Abara-abara a dà ẹtẹ yị wa nị.

Ijosuwa 19:24

Ezi Aseri nịnị ẹ vị ọgụ ọhụhị ana a dà ẹtẹ yị nị. Abara-abara a dà ẹtẹ yị wa nị.

Ijosuwa 19:32

Ezi Inahwitari nịnị ẹ vị ọgụ ọhụhịnọnyị ana a dà ẹtẹ yị nị. Abara-abara a gà ẹ yị wa nị.

Ijosuwa 19:40

Ezi Ịdaanị ẹ vị ọgụ ọhụhịmba ana a dà ẹtẹ yị nị. Abara-abara a dà ẹ yị wa.