Ịrịka 26:10 - IWE ỌNỊNỊ

¹⁰ avọọ ẹtẹ ha irenu, dị ọ mụnẹ wa, dị ịra rị aza ẹnị ịrẹka tụra ẹvarẹwụ (250). Ẹnị aa sị kà aza ana vọ ọnọ nị.

Ịrịka 26:10 ပူးပေါင်းရင်းမြစ်များ

Ọyịkụra 16:35

Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ezikẹẹrị 14:8

Ọnị vaa và eyi ịrazịị kà ọza ọnọọ; ọnị vaa mẹ̀ ẹ ịsị avaba aza vee ré kọsẹ, dị ọnị wụ ọ hụụnị akakana aza anị, dị wa yẹ nịnị ka ọnị ọ vị Ẹnẹyịmavara nị.

Ịrịka 16:2

Dị ẹnị ẹyịna ẹnẹnị kụ́ aza ana a nyị mẹ ọdọvịdị Anisirẹrị ene eyi yẹ ịrẹka tụra ẹvarẹwụ gụ nị.

Ịrịka 16:38

Aza ẹnịnị vị ene su agụvị ọnị ẹ mẹ. Ẹnya eturare ẹnịnị vị ọnịnị agụvị ka ẹ̀ kụ wa vẹ ọvịdị Ẹnẹyịmavara. Dị Ẹnẹyịmavara kà Eriyaza ọ kụ wa vabẹ dị a sị ihama tu ọ dị a sị mẹ oku ụta, dị ọ ka aza ana vọ ọnọ.

Ịrịka 17:3

Okutẹ ana a sị hụrẹ ịda Anireevi nịnị vị ana a vaa chẹrẹ ịrẹha Eerọnị tụ́. Okutẹ ọnyọọnya vị anaa jẹẹ yị ohi ịrẹsụ ọzọza.

Ịrịka 27:3

ada ẹnịnị ẹ̀ yị ma ozi ọnọrụ di o ve su ịnị ụnọmị. Ọ yị ịnị aza ana saasa Ikora mẹ̀ akamawụ hí Ẹnẹyịmavara, ama usu ịvị ẹngụ anị o su nị.

Iwe Ọhụhị Imosiisi ana aa hị́ Ọyịvatụrọda 11:6

Wê re ịsị Ẹnẹyịmavara mẹ Idatani ọnịrị Abiramị ana vị ezi Eriyabi ana vị Anirubẹnị. Eyi avaba aza ẹtẹ ộ ha irenu, dị ộ mụnẹ ẹnịrị ovwoovu ẹnịnị, ezi ahụ ọnịrị ịsụpa ẹnịnị beri ajẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 28:46

Ẹnị ẹ vaa sị zụ ka Ohomorihi ọ sị ọkarẹyị mẹ yị ẹwụrị ezi ewu nịnị pooro zịna nị.

2Ipita 2:6

Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.