Ịrịka 25:4 - IWE ỌNỊNỊ

⁴ Dị ọ kà yị Imosiisi ka, ọ wụ́ avaba ọdọvịdị aza ẹnẹẹ ọvịdị anị ọọdụ, dị ọzọza ee re e agụvị asị ọnị du ayị hi wa.

Ịrịka 25:4 ပူးပေါင်းရင်းမြစ်များ

2 Ịsamụwẹrị 21:6

Sị aza ẹnị ịhịmba ini ezi Ịsọọrụ yị di ye zù wa gẹ ọchị ọvịdị Ẹnẹyịmavara ịnị ataba Ịsọọrụ, ataba ẹnị Ẹnẹyịmavara sị nyị.” Di ohinọyị ka ọnị vaa kụ́ waa yị wa nị.

2 Ịsamụwẹrị 21:9

Di Anigibiyọnị kụ́ aza oni ohinọyị kụ́ yị wa, di e zù wa gẹ ọchị ịnị ataba éyi Ẹnẹyịmavara nị. Avọọ ẹnị ịhịmba mè sú vabẹ nị. Ụmẹ ana aā sịị ịsa ịnị aarẹ ana aā hị́ ibaari a vavọọ sị wụ̀ nị. Ụmẹ ọnọọ vị ana a sẹsẹ nyima aa mẹ ibaari.

Ahẹ Ụgama 106:29

Ebira odivi ẹnị ẹ mẹ ọ raà mẹ ka ayị ọ̀ kụ́ Ẹnẹyịmavara, dị ụkụ odivi chaka kú wa nị.

Ọyịkụra 18:25

Di Imosiisi nyị aza hụụnị avaba Anisirẹrị ana zụ mẹ ẹkụra nị. Dị ọ sị wa mẹ odeyi aza ẹnẹẹ nị. Dị ọ sị wa mẹ odeyi aza ẹnẹẹ nị. Aza ẹnyị ệ sị eyi pè aza ẹnị akahị, dị aza enyi si eyi pè aza ẹnị ẹchẹhị, di aza ẹnyị vị aza ẹnị ẹvarẹwụ dị áaza ẹnyị vị aza ẹnị ẹẹwụ nị.

Ijona 3:9

Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ.

Ịrịka 25:11

agụvị ịsị Ịhwịnẹhasị mẹ̀ aanị, ọnị ẹ yị kụkụ vee du ayị hi wa. Ẹ yị dọ ka aa hẹkẹ ori ẹnyẹnyị, agụvị avọọ ọnị ẹ yị vu wa ẹtẹ nị.

Ịrịka 25:18

agụvị ka ẹnịnị e vene Anisirẹrị na hẹkẹ ori Ịpẹyọ ọnịrị Ikozibi ana a wụ̀ ịnị ụmẹ ụkụ odivi ana wụ̀ ẹnịnị ha.

Iwe Ọhụhị Imosiisi ana aa hị́ Ọyịvatụrọda 13:11

Ịjọnọọ avaba Anisirẹrị vaa wụ́ ịsa ana mẹ̀; dị angwa vee hi wa, dị ẹ yị nyị ọza ana nyayịnẹ mẹ ẹngụ ebira odivi ọnọọ.

Iwe Ọhụhị Imosiisi ana aa hị́ Ọyịvatụrọda 13:13

ka aza kẹnẹ ẹnyị ịnị awụ nịnị ẹ raà kụ aza nyeeyi na hẹkẹ ori nịnị ẹnị wẹ yị mā hẹkẹ vịdị vẹ.

Iwe Ọhụhị Imosiisi ana aa hị́ Ọyịvatụrọda 13:15

wụ̀ avaba aza ana ra ịnị ẹkụra ọnọọ ẹnịrị avaba ịsụpa ẹnịnị. Vu avaba ẹkụra ọnọọ ẹtẹ saka-saka.

Iwe Ọhụhị Imosiisi ana aa hị́ Ọyịvatụrọda 13:17

Asị a nyị ọza ana sị̀ hụụnị ogu ene chi hi aanị, agụvị Ẹnẹyịmavara ọ vaa hụụnị ọyịkụ anị, dị ọ vayị awụ nịnị. Ọ vaa vayị awụ nịnị, dị ọ mẹ ka wa rụrụ hu avọọ anka ọ mẹ hị́ eku yị ohiku awụ nịnị,

Iwe Ọhụhị Imosiisi ana aa hị́ Ọyịvatụrọda 21:22

Ọza ọ̀ọ mẹ̀ ebira odivi ana a vọrọ ka à sị wụ ọ, di e zù ọ gẹ ọchị, dị a wụ̀ ọ nị,

Iwe Ọhụhị Imosiisi ana aa hị́ Ọyịvatụrọda 21:23

a sị oku anị gẹ ịnị ọchị nẹẹhẹ. Ịhị ọnọọ gẹdẹ-gẹdẹ ụ vee ne oku anị nịnị nị. Agụvị ka ọza ene èe zụ obo gẹ ọchị vị ọza ụya ini eyi Ohomorihi. Wàa vavọọ ne oku ọnọọ ịhịịhyọ, wẹ yị vaa zẹẹ ka ẹtẹ ọnị Ẹnẹyịmavara Ohomorihi awụ nịnị aa sịị wụ nịnị ò divi.

Iwe Ọhụhị Imosiisi ana aa hị́ Ọyịvatụrọda 4:3

Ẹwụnị ụvọta ò re ịsị ọnị Ẹnẹyịmavara mẹ̀ Ịbaarị-Ịpẹyọ. Avaba aza anaa mẹ̀ ori ịzọọ ô vú ẹtẹ nị.

Ijosuwa 22:17

Ọpa ịvị ọnị ị mẹ ẹtẹ Ịpẹyọ avọọ e yi zee? Ẹnẹyịmavara ộ hụvị avọọ sị ụya rị aza anị, dị ọ tụ yị ụkụ nị. Ụya ọnọọ ẹ́ẹ yị va ta yị rị booro aanị.

Ijosuwa 23:2

Dị Ijosuwa hị́ avaba Anisirẹrị gụ beri azọkụ ọnịrị ohirẹsụ nịnị ne beri ọdọvịdị nịnị ọnịrị ọgọọga nịnị ana vọ. Dị ọ kà yị wa ka, ọnị o si bo.