Ịrịka 25:2 - IWE ỌNỊNỊ

² Dị anẹẹ ẹnẹnị hị́ anọrụ ẹnẹẹ vẹ ịnị eche ọnị ẹẹ̄ mẹ̀ ịsọvọ yị ori ẹnịnị nị. Dị anọrụ Anisirẹrị ẹnẹẹ ne beri wa rị ịsa, dị ẹ hẹkẹ ori ẹnịnị nị.

Ịrịka 25:2 ပူးပေါင်းရင်းမြစ်များ

1 Ohinọyị 19:18

A nyị nyị ọnịsẹ ẹnị akawụ-akawụ oze ẹẹta tụra akahị ọnị mị vọ tịtẹ ịnị ẹtẹ Isirẹrị. Ịnị avaba ẹnịnị â yị nyị ene kú ẹtẹ kụ́ Ịbaarị. Ẹnịnị e yi re kú Ịbaarị irenu.”

Ahẹ Ụgama 106:28

Aza Ohomorihi mè hi Ịpẹyọ, e yee pè aza ẹnẹẹ hẹkẹ ori anaā hị́ Ịbaarị-Ịpẹyọ, Dị ẹ yaa rị ịsa ana a sị mẹ̀ ịsọvọ yị ori ẹnẹẹ ẹnẹ ẹ̀ yị nyị ụhwẹ nị.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ọyịkụra 22:20

Ọza ọ̀ọ na mẹ̀ ịsọvọ yị ori dị ahịka ẹ yị vị ẹmị Ẹnẹyịmavara kẹnẹ aa mẹ ịsọvọọ yị nị, à wụ̀ ọza ọnọọ.

Ọyịkụra 23:24

Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa.

Ọyịkụra 32:6

Ịzẹyịza eyinẹhẹ anị dị aza ẹnẹẹ jintu kwẹẹtẹ dị ẹ mẹ̀ ịsọvọ ana aā rị ịra ọnịrị ịsọvọ ana aā mẹ dị à gà a rị nị. Ịjị ẹ sị ọnọọ mẹ, di e kuku hi ẹtẹ dị ẹ yaa rị, di eyee hú dị ẹ rẹ yaa nyị ẹzẹ nị.

Ijeremaya 40:11

 nyị Anisirẹrị nịnị ene hi ẹtẹ Imowabi, Amọnị, Edomi, ọnịrị ẹkụra ana vọ. Ẹnịnị ệ wụ́ ka ohinọyị Ịbabịrọnị ộ navọ Anisirẹrị ẹnyị ka ẹ̀ ra hi ẹkụra ẹnịnị. Ẹnịnị ệ rẹẹ wụ́ ka ọ́ raa sị̀ Igidarịya mẹ Ịgọvọnọ ẹnịnị.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

1 Anịkọrịntị 10:20

Ẹ yị vị avọọ! Ama mị ka ịsị anarịmadọwụ nịnị aa sịị mẹ̀ ịsọvọ vị ẹnị ẹyaa mẹẹ hi ụhwẹ echu. Ẹ yị vị Ohomorihi, ẹ́ yaa sịị mẹ̀ ịsọvọ hi. Me yi sì ka ẹwụrị ụhwẹ echu ọ̀ na vabẹ nịnị.

Iwe Ọhụhị Imosiisi ana aa hị́ Ọyịvatụrọda 32:38

Ệ sị ụ̀hị̀ ịsọvọ pa wa, dị ẹ sị eche yị ori ẹnẹnị. Ẹ hị́ wa ẹ jịnẹ tụ ẹhẹ, dị ẹ gụ wa ụvọ booro aanị. Ẹnịnị e zwe vaa gụ wa ụvọ.

Ijosuwa 22:17

Ọpa ịvị ọnị ị mẹ ẹtẹ Ịpẹyọ avọọ e yi zee? Ẹnẹyịmavara ộ hụvị avọọ sị ụya rị aza anị, dị ọ tụ yị ụkụ nị. Ụya ọnọọ ẹ́ẹ yị va ta yị rị booro aanị.

Ijosuwa 23:16

Wẹ̀ẹ sị ụvọ za oto ọnị ộ mẹ̀ ọda anị yị wụ nịnị ka wa sị ụvọ za, dị ụ na hẹkẹ ori nịnị, ayị vaa kụ́ ọ, dị ọ sị ụya anị rị wụ nịnị. Ẹ yị jẹẹ, dị avaba awụ nịnị o vu ẹtẹ, dị ẹ yị nyị ọza ana vọ tụ́ ịnị ẹtẹ ozoza ọnị ọ raà sị yị wụ nịnị.

Ijosuwa 23:7

Asị ẹwụrị aza ẹnẹnị ana vọ beri ẹwụ nịnị rị vabẹ. Asị ụ kà ịrẹyị ịrẹha ori ẹnịnị, a vị dị ụ wa sị̀ hị́ eku, a vị ka wa hẹkẹ ẹ, dị ụ wa tana tụra ẹtẹ yị wa.

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.