Ịrịka 24:9 - IWE ỌNỊNỊ

⁹ Anisirẹrị vị ana hụtụ anka idu ana tụ́ ụhwọ́ ịrẹma ọnị o ba egidi kwooze avọọ. Ẹnẹ nyayịnẹ ne ziizi ọ re? Ọza ana ka o zee yọ, vị ọnị o vee zee yị, ọza ene chi hi ọ vị ọnị ozirenu va za.

Ịrịka 24:9 ပူးပေါင်းရင်းမြစ်များ

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

Oyinyima 49:9

Idu ọ vị nị. Idu ọ̀ọ sị uye wụ rị, dị ọ rẹ varẹma aa nọ ịnị ụsị anị, dị ọ na tana tịtẹ anka ohinọyị. Ẹ yị nyị ọza ana nyayịnẹ mẹ ka ọ̀ kwẹẹtẹ.

1 Ohinọyị 10:20

A rẹ nyị idu ẹwụrẹva ana jẹẹ ịnị ahụ ịhịnọnyị ịzị a zịị̄ hịrẹ na ngụ ịnị aga ọnọọ. Idu ọnya-ọnya vị ana jẹẹ eyi ọnyị eyi ọsa ini ịzị a zịị hịrẹ nọ ịnị aga ọnọọ. Â yị nyị ẹkụra ohinọyị ọnya ana a vavọọ mẹ̀ ịsa hi da.

2 Ịtọpa 9:18

Igooru a sị mẹ ịrẹhụ pe e ọnịrị aha ọyị kụ ụvọ tụra nị. Â nyị uyi idu ana jẹẹ akaha eyi ẹnyị eyi ọsa aga ohinọyị.

Ẹsịta 6:13

Ọ mẹ̀ tù ịnị eehi, dị ọ kà ịsa ana mẹ zụ̀ ose anị Ịzẹrẹsị ọnịrị ọta anị nị. Dị anajuwe anị nịnị ọnịrị ose anị kà a yọ ka ọ mè si nyima aa hyẹdụ ọvịdị Imodekaya ana vị Aniju aanị, ọ yị va zụụ rị ọ. Ẹ yị vị akaaka ọ vị o vee vú ẹtẹ ọvịdị anị nị.

Ijoovu 41:10

Á yị nyị ọza ọnị ayị anị vị, dị ọ na tụ́ ọ ẹngụrẹyị. Ẹnẹ ọ vị, ana nyẹngụ jẹẹ zi ọ?

Ahẹ Ụgama 122:6

Waā mẹ̀ aduwa ka ẹngwọọrọ ọ yà Ijerusarẹmị. Ohomorihi ọ̀ navọ ò zee yị aza ene sì ịrẹyị Ijerusarẹmị.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ọyịkụra 23:22

Wàa wụ́ ịrẹyị anị nịnị, dị waa mẹ avaba ịsị mị kà nị, ọza ana àa ka ọnị aa vị ọnịvị awụ nịnị dị ẹmị rẹ vị ọnịvị anị. Ọza ene èe pè wu nịnị zyaazị di emi ree pè e zyaazị.

Ayịsaya 31:4

Ẹnẹyịmavara ộ kà a nị ka, “Ohi idu ọ̀ọ si uye za, di ee nowu kara a. Òo zee e eyi aza ene ee sere atẹmẹ ẹ̀ kụ́ gụ di èe nowu ka ẹnị ẹ̀ dụ ọ, e yi yèe hí angwa owu ẹnịnị. Ẹ̀ẹ daka nowu pooro, ẹ yị nyị ịzị aa gẹ idu. Avọọ Ẹnẹyịmavara Ochẹtẹẹngụ mè vee tenyi ẹngụ ịrẹkụ vee tù aza ene hi ịrẹsụ ataba nị.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Ịrịka 22:12

Ohomorihi ộ ka yị Ịbaraamị ka asị ọ saasa ọnụtụ ẹnẹẹ, dị asị ọ rẹ chi hi Anisirẹrị agụvị ka aza ọnị ọnị raà mẹ̀ ka o zee yị ẹ vẹ nị.

Ịrịka 22:6

Ộ kà aza ẹnẹẹ ẹ raà nyị ụkata huni ẹnị. Agụvị avọọ Ịbaraamị ọ vẹ dị o chi hi wa ịsavọ ẹnị vaa zụ nyị ẹbẹẹba ẹnịnị, dị ẹnị dụ wa hụụnị ẹtẹ ẹnịnị. Ịbarakị kà ọnị ọ yẹ ka ọza ọnị ọ̀ọ mẹ̀ aduwa yị, ee zee yọ nị. Ama ọza ọnị òo chi hi vị ọnị ozirenu anị aa za a.

Ịrịka 23:24

Anisirẹrị nịnị sị mẹ anka idu ana nyị ụkata avọọ nị. Ọ yị tụ́ ụhwọ́ ẹ yị vị ọ rị uye ọnị ọ za, dị o hu anị.

Ịrịka 24:10

Ịjị Ịbarakị vavọọ wụ́, dị ọ nyayịnẹ du ayị hi Ịbaraamị, dị ọ sị ụvọ nya ọsa, di o nowu, dị ọ kà ọnị hị́ ọ ka o chi hi ọnịvị anị, dị vana kụkụ aa mẹ̀ aduwa yị wa nị.

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

Odeyi 9:5

Dị Ịsọọrụ ka, “Ẹwụ ẹnẹ ọ vị, Ananyị yị?” Dị Ananyị yị ka, “Ẹma vị Ijeesu ọnị ụ waa sị ụyaa rị nị.

Iwe Ọhụhị Imosiisi ana aa hị́ Ọyịvatụrọda 30:7

Dị ahịka ọnịvị ẹnịnị ana nyị ịhyẹrẹ ẹnịnị, dị a mẹ̀ ẹvaya yị wa, Ẹnẹyịmavara kụkụ aa sị ụya rị nị.