Ịrịka 24:8 - IWE ỌNỊNỊ

⁸ Ohomorihi vị ana kụ́ wa hụrị Ijipiti, dị ọ vụ ịrẹvụ yị wa anka ẹya avọọ nị. Avaba ọnịvị ẹnịnị vị ọnị o vú ẹtẹ, di o che wa ọpa, di o che ẹchụkụ ẹnịnị rugu-rugu va ha nị.

Ịrịka 24:8 ပူးပေါင်းရင်းမြစ်များ

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ahẹ Ụgama 21:12

Ịjị wèe ne wa ọpa ẹnịnị vaa va ịrẹma tụ́, di e yee zwe.

Ahẹ Ụgama 45:5

Ọpa awụ ệ rẹ huye-huye Ọnị ụ ve sii che anẹkụra ana vị ọnịvị awụ dị ẹ hyẹdụ và hi ẹtẹ nị.

Ahẹ Ụgama 45:6

Ohomorihi, ẹwa vị ohinọyị pooro zịna-zịna nị Ịzẹyịza ẹwụ vaa sị mẹ ohinọyị awụ nị.

Ọyịkụra 23:22

Wàa wụ́ ịrẹyị anị nịnị, dị waa mẹ avaba ịsị mị kà nị, ọza ana àa ka ọnị aa vị ọnịvị awụ nịnị dị ẹmị rẹ vị ọnịvị anị. Ọza ene èe pè wu nịnị zyaazị di emi ree pè e zyaazị.

Ayịsaya 38:13

Avaba ịrahụ vị ọnị mẹ sị jị òrèrè pooro dị eyi aa nị, O che ẹchụkụ amị hi mi ẹngụ anka idu avọọ nị. Ohomorihi vị ene ee tura orupa ụhwẹ ọọdụ ọnịrị ịrahụ

Ijeremaya 50:17

Ẹnẹyịmavara kà Anisirẹrị nịnị vị ana sị mẹẹ anka atẹmẹ ọnị idu nịnị dụ, dị ẹ gara hi ozi avọọ. Ịpaapa, ohinọyị Asiriya ọ vịdị kwẹẹtẹ tu wa nị, dị Inebukadineza, ohinọyị Ịbabịrọnị ọnị kụkụ va sị anyị ngụ wa na za ẹchụkụ nị.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ịdanịyẹrị 6:24

Dị ohinọyị ọnọnị mẹ ọda ka à na zá avaba aza ana sị ịrẹyị Ịdanịyẹrị va tụ ịrẹka nị. Ịzẹyịza dị a na zá wa nị. Dị a kụ wa beri ezi ẹnịnị ọnịrị ose ẹnịnị, dị e ne wa và hí ịnị ụsị ana kụ idu nịnị hi nị. Dị a naa nyị ka ê tu ẹtẹ idu za wa, dị ẹ nà wa rị chẹ́kẹ̀-chẹ́kẹ̀ nị. Ẹchụkụ ẹnịnị ikonyara ẹ yị hyakụ vẹtẹ.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Ịrịka 21:5

Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ.

Ịrịka 23:22

Ọnị ana kụ wa hụrị Ijipiti vị ana nyị ụkata anka ụnọ avọọ.

Ịrịka 23:24

Anisirẹrị nịnị sị mẹ anka idu ana nyị ụkata avọọ nị. Ọ yị tụ́ ụhwọ́ ẹ yị vị ọ rị uye ọnị ọ za, dị o hu anị.

Imatiwu 2:15

Dị ẹnịnị yà ịzọọ pooro ne tu ụmẹ ọnị Ịhẹrọdị wusu nị. Ọnọnị ộ mẹ̀ agụvị ịsa ọnị Ohomorihi zi oze ịnị ụvọ ọnịsẹ anị ọnya ka, ọ̀ zụ sẹ. Ộ kà a ka, “Hụrị ẹtẹ Ijipiti mị hị́ ozi emi hụrẹ vẹ nị”.

Iwe Ọhụhị Imosiisi ana aa hị́ Ọyịvatụrọda 32:23

Ẹnẹyịmavara kà ọnị vaa tụ̀ ezigi ọnyị ọsa hi wa pooro, di e che wa anka ọpa avọọ.

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.

Iwe Ọhụhị Imosiisi ana aa hị́ Ọyịvatụrọda 7:1

“Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Ijosuwa 2:10

Dị ọ rẹ ka ẹnị ẹ wụ́ Ẹnẹyịmavara mẹmẹ ka ẹtẹ ọ wụ́ yị wa dị ẹ jịnẹ ịnị akakana irehu ovivi ẹ mẹ hụrẹ Ijipiti aa vẹ. Avọọ ẹnị mẹ rẹ wụ́ ịrẹyị ene tu Isihoni ọnịrị ogu ana vị ohinọyị Anamọnị eyi ịzị ọyị zị hụrẹ vẹ, akẹnẹ irehu Ijodani. Avaba aza ẹnịnị vị ene vú ẹtẹ bemi-bemi.