Ịrịka 24:7 - IWE ỌNỊNỊ

⁷ Isirẹrị ọnịrị evere anị vị ọnị o vee zee yị, dị ohinọyị ẹnịnị nyị ụkata dị ọ hụụnị Agagị ana vị ohinọyị Anamarẹkị.

Ịrịka 24:7 ပူးပေါင်းရင်းမြစ်များ

2 Ịsamụwẹrị 5:12

Idevidi ọ sị yẹ ịjọnọọ ka Ẹnẹ ẹ yị mā vara ọ raà sị ọnị jẹẹ anka ohinọyị Anisirẹrị. Ộ yẹ ka Ẹnẹyịmavara ọ raà hụ agụvị Anisirẹrị mẹ ka ohinọyị ọnị ọnị aa mẹ ọ̀ nyị ụbanyị.

1 Ohinọyị 4:21

Isoromọnị aa mẹ ohinọyị tụ́ ịrẹsụ avaba aha hụrị okuha Anihwirisiti huu na ẹhụ ẹtẹ Anijipiti. Pooro di Isoromọnị va hịrẹ ẹnịnị vị ana aa kụ́ ẹyịza vaa yọ, dị ọ rẹ yà dụụ anị.

1 Ohinọyị 5:1

Ihirami ohinọyị Ịtaya ộ wụ́ ka a sị Isoromọnị nyị ka ọ̀ rị ohinọyị tụ́ udi ada anị. Ẹkụhị ọnya di Ihirami tụ́ ozi ịda anị nọ ịda Isoromọnị nị. Ihirami vi ene sì ịrẹyị Idevidi vịdị vẹ.

1 Ịtọpa 14:2

Ọsọnị ộ mẹ̀ ka Idevidi ọ̀ yẹ́ ka vị́ Ẹnẹyịmavara ra sị ọnị yaatụ ka ọnị ọ̀ vị ohinọyị Anisirẹrị nịnị aanị nị. Dị ọ rẹ sị yẹ ka Ohomorihi ộ hụ agụvị aza anị Anisirẹrị nịnị sị nyima aa mẹ ka oo zee yị ọnị anka ohinọyị nị.

Ẹzịra 4:20

Ohinọyị-ohinọyị ana nyị ụkata ana vịdị mẹ ịjọva tụra wa ịrẹsụ, ệ dọ ẹkẹhị irehi irenyi-irenyi hụnị ụvọ ẹnịnị.

Ẹsịta 3:1

 nyị ụmẹ ọnyara aanị, ịrẹyị ose Ahasẹrọsị mẹ̀ sị para hu.  nyị ọnọrụ ọnya aanị ana aā hụ́ Ịhamanị ana vị ozi Ihamedata. Anagagi ọ vị nị. Ịnị ụmẹ ọnọọ, ohinọyị Ahasẹrọsị ộ kà udi anị hịrẹ. Dị ahịka ọnị ọ kụkụ sị irenu tụra ohinọyị nị.

Ahẹ Ụgama 18:43

Ọnịvị amị ệ kwẹẹtẹ tù mị ama wa sị mị dọ tụ́ Wa raà mẹ ka ma rị ohinọyị tụ́ ịrẹsụ aza ẹnẹ ẹ̀ yị yẹ wụ Ma sị vara ohinọyị tụ́ ịrẹsụ aza ọnị mẹ̀ yị vịdị yẹ.

Ahẹ Ụgama 68:26

Ẹ yaa jị ahẹ ka: Waā kụ́ Ohomorihi avọ ịnị akakana ịnọyị, mị ka waā kụ́ Ẹnẹyịmavara avọ ịzị Anisirẹrị ẹ̀ẹ maanị kụ́ gụ tụ́.

Ahẹ Ụgama 72:11

Avaba ohinọyị vi ene vee kú ẹtẹẹ yị ohinọyị ayị ọnọnị, dị avaba anẹhẹ aa hẹkẹ ẹ.

Ahẹ Ụgama 89:27

Ụ rẹ ka ụ vaa mẹ̀ ẹ ozi ọzọkụ awụ, dị ahịka ọnị o huna avaba ohinọyị ẹhẹ ana vọ nị.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ayịsaya 30:25

Wâ yẹ irehi oni isoja ana vị ọnịvị awụ nịnị dà ẹnị ẹ tẹ̀ hi ịnị anị. Ẹkụhị ọnya aa vẹ ẹnị ịrẹkụ vaa rị irehi ọnọọ. A vaa wụ̀ aza ịhị ọnọọ ẹtẹẹtẹrẹ. Ịhị ọnọọ, enyi vị ana vaa tụ̀ụ hụrẹ iruvo avaba atabaa vẹ.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 51:13

Irehu ene hi Ịbabịrọnị ẹẹ rụrụ, dị ẹtẹ ọnọọ rẹ nyị ogu ẹtẹẹtẹrẹ nị. Ama eyi anị ọ sị nị, a sị avaba ịsị ọ sị eyi tụra gara ha.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịrịka 24:20

Ịbaraamị o re re ịsị e vee tu Anamarẹkị. Ọ kà, ẹnịnị ẹ́ nyị ụkata hu anẹkụra ana vọ nị, ama ịrẹma anị vị ọnị e vee vú ẹtẹ saka-saka hụrẹ ẹtẹ.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 17:1

Ọnya ịnị anggẹẹrị ịhịmba ana nyị ịchacha ịhịmba ẹnẹẹ, o ve tù mi, dị ọ ka, “Vẹ ịzẹnị, ka maa sịị zụ̀ wụ, a mẹmẹ vaa sị ụyaa rị ọsẹrẹka ọbanyị ọnọọ ana yà ịrẹsụ okuha ọrụrụ-ọrụrụ.

Ẹtore 17:15

Dị anggẹẹrị ọnọọ rẹ kà a mị ka okuha oni mi re avọọ ọnị ọsẹrẹka ọnọọ yaayịtẹ ịrẹsụ anị vị ana jẹẹ yị ẹkụra nịnị ọnịrị aza nịnị ne beri aza irenyi-irenyi ana aa kà ẹkụra irenyi-renyi.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”