Ịrịka 24:6 - IWE ỌNỊNỊ

⁶ Ịzọọ sị mẹ̀ẹ anka iruku ọsọchị ana gọdọ avọọ nị. Ọ sị mẹ̀ẹ anka ụbazị ana ya ụtọ okuha avọọ nị. Ọ rẹ sị mẹ̀ẹ anka ọchị aro ọnị Ẹnẹyịmavara chire avọọ, a vị ọchị Isida ene hi ụtọ enyi

Ịrịka 24:6 ပူးပေါင်းရင်းမြစ်များ

Oyinyima 13:10

Di Ịrọọtị kana eyi ré ẹtẹ ọnọọ, huu na ngụ Izowa nị di o re ka ô hunẹnẹ nị. Ẹtẹ anị ô zoza ẹtẹẹtẹrẹ vị ọ sị mẹẹ anka ụbazị Ẹnẹyịmavara, anka ẹtẹ Ijipiti. Avọọ ẹtẹ ọnọọ mẹ̀ yà di Ẹnẹyịmavara va kụ́ anẹkụra Isodọmị ọnịrị Igomora kwooze nị.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ahẹ Ụgama 104:16

Ọchị ẹbanyị ene hi Ịrẹbanọnị ẹnị Ẹnẹyịmavara chire vị ana nyayịnẹ ee re enyi hú.

Ahẹ Ụgama 45:8

Awuru awụ vị ana nyị agụ eturare ozoza-ozoza Irehi awụ vị ana kụ́ ike mẹ ọvị hi ịnị anị, di onisohu nini hi ịzọọ di e yee hú ịsa ana aa sị ịnẹ awụụ hine nị.

Ahẹ Isoromọnị 6:11

Mâ nọ ịzị e chire ọchị arimọndị hi ka me ne ré ọchị ene hi inozi, ọchị ịvayịnị èe si nyima aa nyị avị ọwọọwa, ọnịrị ọchị ipomagiranati èe sị nyima aa tụ̀ ododo.

Ayịsaya 41:19

Ẹnẹyịmavara kà ọnị vaa mẹ̀ ka ọchị Isida, ọnịrị akasiya beri Imatiri ọnịrị orivi ẹ hụ ịnị ụnọmị. Ẹtẹ ana wụ̀ vaa vara iruku ịpayịnị ọnịrị ijunipa beri isipirẹsị.

Ayịsaya 58:11

Ẹnẹyịmavara kà ọnị vaa zụ wa oze pooro, dị ọnị sị ịsa ọyịza-ọyịza ọnị e yee si yị wa. Ọnị vaa sị ụkata yị wa, dị ẹ nyị ẹngwọnịya. Ẹ vaa ya anka ụbazị ana ya ịnị apasị ọnị enyi anị ẹ yị mā wụ̀ avọọ nị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ezikẹẹrị 47:12

Ọchị irenyi-irenyi vee hi ụtụụtọ okuha ọnọọ eyi ẹnyị eyi ọsa ana aza vaa rị ẹtụtụ anị. Avị ẹnịnị ẹ́ yị vaa wọ̀rọ̀; ẹnịnị vị ana vaa tụ́ ẹtụtụ pooro kẹnẹ. Ụhụụhwẹ vị ọnị ẹnịnị vaa tụ́ ẹtụtụ ọwọọwa agụvị ka enyi enee sii hụụnị irehi Ohomorihi eyee hu nị. Ẹtụtụ ọchị ẹnẹẹ vị ana a vaa rị, dị aà sị avị ẹnịnịị mẹ aza ụkụ.

Ijowẹrị 3:18

Ịnị ụmẹ ọnọọ ụbazị ịvayịnị ene hi ịrẹsụ ataba vaa mẹ̀ ẹtẹẹtẹrẹ, dị eche ịvayịnị gwẹẹtẹ hi ẹtẹ. Ịsụpa nịnị vee re avị rị ịrẹsụ ataba, dị ịrẹva ẹnịnị nyị enyi hyọkọ-hyọkọ. Avaba okuha ene hi Ijuda vaa ha irenu, di enyi ee sii hụụnị ịnị irehi Ohomorihi na ngụ inozi Ákesiya.

Ịrịka 24:5

Ajẹngụ awụ nịnị ọ́ da zoza kẹnẹ, ẹwụnị Anisirẹrị!