Ịrịka 24:19 - IWE ỌNỊNỊ

¹⁹ Dị Anisirẹrị nịnị kụkụ aa mẹ ohinọyị tụra wa ịrẹsụ, di e vu aza ana vọ ẹtẹ.

Ịrịka 24:19 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Ịrịka 24:18

Ohinọyị ọnọọ rẹẹ̀ va nyị ẹbẹẹba Anedomi nịnị, dị ọ dọ Ịsẹyị ẹtẹ yị Anisirẹrị, dị ẹ kụkụ ee huna wa na.

Ịrịka 24:20

Ịbaraamị o re re ịsị e vee tu Anamarẹkị. Ọ kà, ẹnịnị ẹ́ nyị ụkata hu anẹkụra ana vọ nị, ama ịrẹma anị vị ọnị e vee vú ẹtẹ saka-saka hụrẹ ẹtẹ.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Iruuku 19:12

Agụvị avọọ, dị Ijeesu kà a yị wa ka, “Â nyị ọzọbanyị ọnya aanị, ana hụrẹ eehi nọ ẹkụra onoze ọnya ka ọnị ọ̀ na rị ohinọyị ịzọọ, dị ọnị ọ̀ vavẹ.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

1 Anịkọrịntị 15:25

 nyị ka Ikirisiti, ọ̀ mẹ ohinọyị pooro ne tù ụmẹ oni Ohomorihi vaa nyị ehuna avaba ọnịvị anị, dị ọ kụ́ ahụ hi wa.

Anihiburu 1:8

Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”