Ịrịka 24:18 - IWE ỌNỊNỊ

¹⁸ Ohinọyị ọnọọ rẹẹ̀ va nyị ẹbẹẹba Anedomi nịnị, dị ọ dọ Ịsẹyị ẹtẹ yị Anisirẹrị, dị ẹ kụkụ ee huna wa na.

Ịrịka 24:18 ပူးပေါင်းရင်းမြစ်များ

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

Oyinyima 27:40

Ụ vaa kụ ịrẹkụ di we ve re ịsa rị nị. Ụ vaa hẹkẹ ọyịnyara awụ nị. Ama ịhị wàa vaa kà a ka wẹ yị kụkụ dọ, dị ụ dọ ẹngụ awụ hụrẹ ẹ ụvọ.”

Oyinyima 32:3

Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi.

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

1 Ohinọyị 11:14

Ẹnẹyịmavara ọ kụ́ ọbarọza nịnị kwẹẹtẹ tù Isoromọnị. Â nyị ọnọrụ ọnya aanị ana aā hị́ Ihadadi. Anedomi ọ vị nị, di ahịka ozi ini ovwoovu ohinọyị Edomi ọ vị nị.

1 Ohinọyị 11:15

 nyị ụmẹ ọnya oni Idevidi sị na yà Edomi. Ịnị ụmẹ ọnọọ Ijowabi ana vị ọga isoja ộ nọ Edomi ka ọnị ò ne ne aza ana a wụ̀. Di Ijowabi za avaba anọrụ Anedomi dị ọ wụ̀ wa nị.

Ahẹ Ụgama 60:1

Ohomorihi, wa sị yị hụrẹ ụvọ, ộ! Wa raà mẹ ka ịrẹyị odivi ò tù yị Yâ yẹ ka waa kụ́ ayịị hi yi, navọ kwogwo wa varẹma za yị gụrị ẹngụ.

Ayịsaya 34:5

Ẹnẹyịmavara ọ sị ụhwọ anị ne rị ụvọ tụ́ ẹbẹẹba. Ọnị ọ vaa sị wụ̀ Anedomii vaa ha nị. Ộ vịdị raà mẹ̀ ọkarẹyị ẹnịnị ka à wụ̀ wa và ha.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Emọsị 9:12

Ọ kà Anisirẹrị nịnị vaa dọ Anedomi ẹtẹ ọnịrị avaba ẹtẹ Anẹkụra ana vọ ana vị anị. Ọ kà ọnị Ẹnẹyịmavara vaa mẹ̀ ọnị mẹ ka avọọ.

Ọbadaya 1:2

Ẹnẹyịmavara kà ọnị vaa va Anedomi nịnị nọ ẹtẹ ịnị akakana anẹkụra ana vọ, dị ọzọza kụkụ aa sị eyi wụ̀ wa.

Ịrịka 20:18

Dị Anedomi nịnị va ohi na yị wa ka, òo zee wa eyi ẹ parahu. Ama ẹnịnị èe hira, ẹnị aa jịnẹ tụ́ ẹhẹ tù wa nị.

Ịrịka 24:19

Dị Anisirẹrị nịnị kụkụ aa mẹ ohinọyị tụra wa ịrẹsụ, di e vu aza ana vọ ẹtẹ.