Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ịrịka 24:17 - IWE ỌNỊNỊ

17 Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

အခန်းကိုကြည့်ပါ။ ကော်ပီ




Ịrịka 24:17
33 ပူးပေါင်းရင်းမြစ်များ  

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.


Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.


Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.


Ama ịjị Ahabị ohinọyị Isirẹrị mẹ wusu, dị Imesa ohinọyị Imowabi nyima aa kụ̀ụ hịrẹ Anisirẹrị nịnị nị.


Idevidi ộ rẹ nyị ẹbẹẹba Animowabi nịnị, dị ẹnịnị kụkụ yà ahụ anị, dị ẹyaa tu ẹkẹhị irehii yọ nị.


Ẹnẹyịmavara vaa mẹ ka wa nyị ụkata. Ịzị ụ vaa rị ohinọyịị tụ́ vaa para Ịzayọnị hu. Ẹwa vaa rị ohinọyị tụra ọnịvị awụ ịrẹsụ nị.


Ohomorihi, ẹwa vị ohinọyị pooro zịna-zịna nị Ịzẹyịza ẹwụ vaa sị mẹ ohinọyị awụ nị.


Ịrẹyị ọnị Ohomorihi ka o vee tù Animowabi. Ẹkụra Ari ọnịrị Ikiri ene hi ịnị ẹtẹ Imowabi vi ene vú ẹtẹ ịnị ịrahụ ẹkụhị ọnya.


Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.


Ijeremaya kà, ịrẹyị ọnị Ẹnẹyịmavara Ochẹtẹẹngụ tụ ọnị hi aza ene hi Imowabi yị. Ịrẹyị o tu ẹwụ nịnị ene hi Inebo ẹngụ. Ẹkụra awụ nịnị ee vee vú ẹtẹ. Ẹtẹ Ikiriyatayimi vị ana a vaa mẹ̀ ụhị nyị, dị aa za a. Aha ụkata ẹnịnị vị ana a vaa gara a ha.


Aza ene zwè ka ẹnị ẹ̀ na tẹ̀ ẹkụra ana aā hị́ Ịhẹsịbọnị jẹẹ, é yị re aza mẹ ọgụvọ yị wa, agụvị ka ẹkụra ọnọọ aa rị ịra. Ẹkụra Isihoni ana vị ohinọyị aa rị ịra; ịra ọ sị da hụụ ịzọọ va ngụ ẹtẹ Imowabi. Ọ sị ọvịdị-ọvịdị ẹkụra ẹnịnị ọnịrị ataba ẹnịnị rị ịra.


Hụụnị Ijuda a vaa nyị ohi ọnịrị ọdọvịdị ne beri ọga isoja ọnịrị ohinọyị nịnị.


Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.


O du ku, ẹwụnị Animowabi! Awụ nịnị ọ ta, ẹwụnị anaa hẹkẹ ori Ichemosi. Ezi ewu nịnị ẹ sị vara ọrịhị tụ aha ọsa, ezi anẹẹ awụ nịnị ẹ sị vara ọrịhị Isihoni ohinọyị Anamọrị.


Ohomorihi ene hu kere-kere ọ̀ sị ịrẹyị ọnọọ yị ọnị nị. Ọnịrị eyi anị o va ku ẹtẹ, dị Ẹnẹyịmavara Ochẹtẹẹngụ sị etore zụ ọnị nị.


Ohomorihi ayịị̄ vayị ọza ẹtẹẹtẹrẹ, agụvị avọọ ọ vaa mẹ ka ẹtohweyi ana sị mẹẹ anka ọyị anaa tụ̀ụ vẹ avọọ ọ̀ và ọpa tụra ayị.


Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.


Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.


Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.


Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.


Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.


Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”


Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.


Dị Ịsọọrụ kà avaba ẹnị ọga isoja ẹ̀ vẹ dị ẹnị e sì iruvo ịvị ana àa mẹ̀ ịhị ọnọọ nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ