Ịrịka 24:14 - IWE ỌNỊNỊ

¹⁴ Avọọ ọnị aa nọ eehi, ama ọnị aa ka a ọnọ ịsa ọnị Anisirẹrị nịnị vaa mẹ aza ụhụụhwọ.

Ịrịka 24:14 ပူးပေါင်းရင်းမြစ်များ

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

Ayịsaya 24:22

Dị ọ kụ́ wa anka anịnẹngwa avọọ di o ne gu oze hi wa. Ẹnịnị vaa yà ịzọọ kù.

Ijeremaya 48:47

Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Ijeremaya 49:39

Ọ kà, ama ụmẹ aa vẹ, ọnị ọnị rẹ vana mẹ ka oo zee yị Erami.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Ịrịka 24:25

Ịjị Ịbaraamị raà ka ịrẹyị anị ta, dị a na eehi, dị Ịbarakị ọnị raà na eehi anị nị.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

2 Itimoti 3:1

Tamayị ka ẹtẹ vaa katẹngụ ịnị ụmẹ ọdịrẹma,

Ijosuwa 13:22

Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.