Ịrịka 23:23 - IWE ỌNỊNỊ

²³ Ẹ yị nyị ahọ̀nọ a vị ẹbẹ ọnị ọza zụ mẹ dị ọ za Anisirẹrị nịnị. Kana eyi dị wee re ịsị Ohomorihi raà mẹ yị wa.

Ịrịka 23:23 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ahẹ Ụgama 31:19

Wâ dà mẹ ka ò zee yi aza ana sị ụbanyị yị wụ kẹnẹ Aza ene èe zwe va tẹ ịda awụ, avọọ ụ mẹẹ̄ mẹ ka ò zee yi wa ini eyi avaba aza nị.

Ahẹ Ụgama 64:9

Ịjọnọọ avaba aza vee hí angwa Ohomorihi Dị ẹ yaa kà a zụ̀ aza ịsa oni Ohomorihi mẹ dị ẹ sị tụ́ ịnị ayị di e yee ro o.

Ayịsaya 41:4

Ẹnẹ maanị mẹ̀ ẹ? Ẹnẹ nyị ọda tụ ịrẹsụ avaba ịsa anaā mẹ̀ ịnị ẹhẹ? Ẹnẹyịmavara ka Ọnị ana ya ịzọọ hụụnị oyinyima, ana rẹ vaa ya ịzọọ pooro na ngụ ẹhị yọ nị.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ezikẹẹrị 21:21

Ohinọyị Ịbabịrọnị ộ jẹẹ oze ahẹva ịzị asịyẹ jẹẹ. Ê sị ka ọnị ọ̀ yẹ oze ana vọrọ ka ọnị ọ̀ zị. Ô henyi ọpa anị re; ộ họ̀ ori anị nịnị usirẹyị, dị ó tu ụpẹ ọnya dị aa zama ayị uye ana a sị mẹ ịsọvọọ re nị.

Ịdanịyẹrị 9:15

Dị Ịdanịyẹrị rẹ ka, Ẹnẹyịmavara ana vị Ohomorihi ayị, ẹwa sị ụkata awụ zụ dị ụ kụ aza awụ hụrị ẹtẹ Ijipiti nị. Dị ụ sị mẹ ịrẹha yị ẹngụ awụ pooro va ngụ ajịnị nị. Ama ệ ya sị ebira odivi mẹ hi u ọ.

Imika 7:15

Ohomorihi ka ọnị vaa mẹ ka ẹnịnị è re ịvọpa Irima ịvọpa ọnọọ e re, ẹ mẹ̀ hụrẹ Ijipiti aa vẹ.

Ịrịka 24:1

Ịnị ụmẹ ọnịnị, Ịbaraamị ọ sị yẹ ka Ẹnẹyịmavara ve ene si ka o zee yị Anisirẹrị nịnị agụvị avọọ, ẹ yị kụkụ nee si ụvọ zee dị ọ yẹ. Ama dị o ve eyi ka oze eyi ịnị ụnọmị nị.

Imatiwu 12:25

Ijeesu ộ yẹ ịsị eyee ro, dị ọ kà a yị wa ka, “Ẹkụra ohinọyị ọ̀ọ sị gà hi ẹẹva, dị ẹ và eyi kà ẹngụ nị, vi o si vu ẹtẹ avọọ nị. Àa rẹ nyị ẹkụra, àa vị irehi ana gà hi, dị ẹ và eyi kà ẹngụ nị, ẹ yị zụ kwẹẹtẹ.

Imatiwu 12:27

Àa vị ụkata Ịbẹẹrịzẹbụ, m maa sịị dụ ụhwẹ echuu jịnẹ nị, ẹnẹ sị ụkata yị ezi ewu nịnị ẹnẹ ẹnị raa sịị dụ ụhwẹ echuu jịnẹ? Ezi ewu nịnị ụvọta ẹ vaa kà a nị.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Ịjọọnụ 11:47

Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 15:12

Ịbanabasị ọnịrị Ịpọọrụ ệ kwẹẹtẹ, dị ẹyaa kà a ụkọrọ ohyozirenu ọnịrị apọtẹrẹwa oni Ohomorihi zị oze ịnị ụvọ ẹnịnị mẹ ịnị akakana Anigiriki nị. Ẹ màa kà a, dị avaba ẹnịnị kú irenu nị.

Odeyi 4:16

dị ẹ ka, “Sị ị vaa mẹ aza ẹnẹnị aanị? Avaba aza ana ra hi Ijerusarẹmị ẹ sị yẹ ka ẹnị ẹ maanị mẹ apọtẹrẹwa ọbanyị ọnọnị aanị nị. Yẹ yị kụkụ nyẹngụ kà a ka ireche yọ nị.

Odeyi 5:12

Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị.

Odeyi 5:14

Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

Iwe Ọhụhị Imosiisi ana aa hị́ Ọyịvatụrọda 3:24

Taarụ! Ẹnẹyịmavara Ohomorihi, ozi ahụ awụ ộ yẹ ka u nyima kẹnẹ aa sị ọnị ịsa ọbanyị-ọbanyị ọnịrị ohyozirenu ọnị u vaa mẹ zụ̀ ọnị aanị nị. Ẹ yị nyị ori ọnyọọnyị ẹbẹẹba a vị ịrẹsụ ẹtẹ ana zụ mẹ avaba ịsa avụna-avụna ọnị ọ raà mẹ.

Ijosuwa 13:22

Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.