Ịrịka 23:13 - IWE ỌNỊNỊ

¹³ Dị Ịbarakị sị kà ọ saasa ọnị nọ aha ọsa ịzị o vee re wa. Oo vee re ịpa ẹnyị ẹnịnị, dị o chi hi wa yị ọnị.

Ịrịka 23:13 ပူးပေါင်းရင်းမြစ်များ

1 Ohinọyị 20:23

Ẹkụhị ọnya di ezi ahụ ohinọyị Anisiriya kà a yọ dị ẹ ka, “Wáá yẹ ka ori Anisirẹrị vị ori ịnị ataba, agụvị avọọ ẹnịnị huna ayị nị. Ama ẹyịrị wa ẹ̀ẹ kụ̀ ịrẹkụ ini ozi, vi yee huna wa nị.

1 Ohinọyị 20:28

Dị ọza Ohomorihi ọnya aanị kà pè ohinọyị Anisirẹrị, dị ọ kà, “Ẹnẹyịmavara kà ọnị ka Anisiriya ee ro o ka Ẹnẹyịmavara vi ori ịnị ataba, a yi vi ori ini ozi ọ vị. Ọ kà avaba aza otomiroku ẹnẹnị, ọnị vaa kụ́ wa chire wụ ụvọ. Ọ kà ẹwụ nịnị vaa yẹ ka ọnị ọ vị Ẹnẹyịmavara nị.”

Ahẹ Ụgama 109:17

Oō si ka ọnị ọ̀ọ tụ́ ozirenu, navọ ozirenu ẹnẹẹ ẹ̀ vara eyi zaa.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ịrịka 22:41

Eyinẹhẹ anị, dị Ịbarakị sị Ịbaraamị nọ ịnị ataba Ibamoti Ịbaarị. Ịrẹsụ ataba ọnọọ vị ana va ịzị Anisirẹrị ya chire.

Ịrịka 22:6

Ộ kà aza ẹnẹẹ ẹ raà nyị ụkata huni ẹnị. Agụvị avọọ Ịbaraamị ọ vẹ dị o chi hi wa ịsavọ ẹnị vaa zụ nyị ẹbẹẹba ẹnịnị, dị ẹnị dụ wa hụụnị ẹtẹ ẹnịnị. Ịbarakị kà ọnị ọ yẹ ka ọza ọnị ọ̀ọ mẹ̀ aduwa yị, ee zee yọ nị. Ama ọza ọnị òo chi hi vị ọnị ozirenu anị aa za a.

Ịrịka 23:12

Ịbaraamị kà a, ịsị Ẹnẹyịmavara kà kẹnẹ ọnị zụ ka nị.

Ịrịka 23:14

Avọọ, dị ọ Ịbaraamị nọ ịnozi Izohwimi na ngụ ịrẹsụ ataba Ipisiga nị. Dị ọ hi ụta ịhịmba, dị sị ụnọ ọnịrị atẹmẹ mẹ̀ ịsọvọ tụra ịrẹsụ ọnyọọnya nị.

Ijosuwa 24:9

Ịbarakị ozi Izipọ ana vị ohinọyị Animowabi me si ka ọnị ọ kụ ịrẹkụ tu wa, dị ọ hị́ Ịbaraamị ozi Ịbẹyọ ka ọ chi hi wa nị.