Ịrịka 23:1 - IWE ỌNỊNỊ

¹ Ịbaraamị ộ ka yị Ịbarakị ka ọ hì ụta ịsọvọ ịhịmba tụ ịzọọ, dị ọ sị ụnọ ịhịmba ọnịrị ịdẹba ịhịmba vẹ.

Ịrịka 23:1 ပူးပေါင်းရင်းမြစ်များ

2 Ohinọyị 18:22

Ọdọvịdị Anisiriya ẹnẹnị rẹ ka: Wàa ka Ẹnẹyịmavara Ohomorihi awụ nịnị ụ si eyi tụra nị, aanị ka ẹ yị vị ọnị Ihezekaya wú ụta ịsọvọ anị ha, dị ọ kà a yị Anijuda ọnị Ijerusarẹmị nịnị ka, ịnị ụta ịsọvọ ene hi tụ Ijerusarẹmị kẹnẹ a vọrọ ka ẹnịnị ẹẹ mẹ ahẹkẹ nị.

1 Ịtọpa 15:26

Ẹnịnị ệ wụ ụnọ ịhịmba beri ịdẹba ịhịmba ẹnẹ ẹ́ sị mẹ̀ ịsọvọ ka Ohomorihi ọ̀ mẹ ọgụvọ yị ẹnị Anireevi ana za apoti oto ọnọnị.

2 Ịtọpa 29:21

Ẹnịnị ệ sị ụnọ ịhịmba, ịdẹba ịhịmba, atẹmẹ ịhịmba, ịdẹ ịhịmba ka a sị mẹ̀ ịsọvọ yị avaba ẹtẹ, irehi Ohomorihi, ọnịrị Ijuda. Dị Ihezekaya mẹ ọda yị ohirẹsụ irehi Ohomorihi ana vị ezi Eerọnị ka ẹ kụ uye ẹnẹẹ mẹ̀ ịsọvọ ịrẹsụ ụta Ẹnẹyịmavara.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ọyịkụra 20:24

Tụ ụvụ dụ wa sị jị ụta mị nịnị. Ẹvụ ọnịrị imaaru ọnị ụ wàa sị va mẹ̀ ịsọvọ ana aā rị ịra, dụụ rị ọ ịra ịrẹsụ ụta ọnọọ nịnị. Wàa raa mẹ̀ ịsọvọ ene e duduū rị, ịrẹsụ ụta ọnọọ ụ rẹ vaa yàa mẹ̀ ẹ mị nịnị nị. Ịzị màa nyị ka wa yàa hẹkẹ mị nịnị, ịzọọ mị vaa yàa mẹ ka ò zee wu nịnị nị.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Ezikẹẹrị 45:23

Eyinị-eyinị ẹkụhị ịhịmba eche ọnọọ vị ọnị ọ vaa wụ̀ ụnọ ịhịmba ọnịrị ịdẹba ịhịmba ẹnẹ ẹ̀ yị nyị ịsaa zị, dị a sị mẹ̀ ịsọvọ hi Ẹnẹyịmavara, dị a rị wa ịra. Ọ rẹ vaa wụ̀ ịdẹ ikonyi ikonya eyinị-eyinị dị a sị mẹ̀ ịsọvọ agụvị ebira odivi aza.

Ịrịka 22:41

Eyinẹhẹ anị, dị Ịbarakị sị Ịbaraamị nọ ịnị ataba Ibamoti Ịbaarị. Ịrẹsụ ataba ọnọọ vị ana va ịzị Anisirẹrị ya chire.

Ịrịka 23:2

Ịjị Ịbarakị vavọọ raa mẹ̀ ẹ, dị ẹnịnị sị ụnọ ọnya ọnịrị ịdẹba ọnya mẹ̀ ịsọvọ ịrẹsụ ụta ịsọvọ ọnyọọnya nị.

Ịrịka 23:29

Dị Ịbaraamị kà a yị Ịbarakị ka o hi ụta ịhịmba tụ ịzọọ, dị ọ sị ụnọ ịhịmba ọnịrị atẹmẹ ịhịmba ana a sị mẹ̀ ịsọvọ.

Ịrịka 23:30

Dị Ịbarakị mẹ̀ avaba ịsa ọnị Ịbaraamị ka ọ mẹ nị.

Ịrịka 29:32

Ịhyẹgwịhịmba anị, Ẹ sị ụnọ ịhịmba, ịdẹba ẹẹva ọnịrị ozi ịdẹba ịrayị ọnya ẹnẹ ẹ yị nyị ụkụ.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.