Ịrịka 22:9 - IWE ỌNỊNỊ

⁹ Ịrahụ ọnọọ Ohomorihi vee tu Ịbaraamị, dị họ̀ ọ ka ẹnẹ nyị aza ana ya pe e?

Ịrịka 22:9 ပူးပေါင်းရင်းမြစ်များ

Oyinyima 16:8

Di Anggẹẹrị ọnọọ ka, “Ihaga ozi ahụ Isarayi, ịzị ụ hụrẹ aa vẹ? Ịzị waa nọ?” Di Ihaga ka, “Ịdị onyirehi amị Isarayi ọnị zwe hụrẹ nị.”

Oyinyima 20:3

Ama ịnị ịrahụ ịhị ọnọọ gẹdẹ-gẹdẹ, dị Abimẹrẹkị ra ụra re Ohomorihi nị. Di Ohomorihi kà a yọ dị ọ ka, “Wéē wusu, ẹwụ ọnọnị, agụvị ọnẹẹ ọnị ẹ na sị avọọ. Ọ̀ ka ọ́ọ́ yẹ ka ose onose yọ nị?”

Oyinyima 31:24

Ịnị ịrahụ, di Ịrabanị anakẹbẹẹba Imesopotemiya ra ụra re Ohomorihi nị. Di Ohomorihi kà a yọ dị ọ ka, “Mẹ hẹẹ, ọ ka asị a nyị ịsị ọ mẹ Ijekọvụ vụrụ-vụrụ.”

Oyinyima 4:9

Ọ mẹ sị ọ wụ di Ẹnẹyịmavara va hị́ Ikeeni dị ọ ka: Ịzị Ẹba ọyịnyara anị yà? Di Ikeeni ka. Ọnị ọ yị yẹ ịzị ọ yà, oo! Ọ kà vị ọnị vee sere ọyịnyara anị nị?

Oyinyima 41:25

Di Ijosẹẹhụ ka, “Taarụ, Ohomorihi ọ ra à sị zụ ọ ịsị aa vaa mẹ. Ụra ẹnẹnị vị ikonya.

Ọyịkụra 4:2

Dị Ẹnẹyịmavara họ̀ Imosiisi dị ọ ka, “Sị ẹ yà ịnị ụvọ anị avọọ?” Di Imosiisi ka okutẹ yọ nị. Dị Ẹnẹyịmavara rẹ ka o ne e tịtẹ.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

Ịrịka 22:10

Dị Ịbaraamị kà, Ịbarakị ozi Izipọ ana vị ohinọyị Animowabi ọ̀ tụ wa ụtụ ve tu ọnị nị.

Ịrịka 22:20

Ịnị ịrahụ ọnọọ, Ohomorihi kà ọnị vaa zẹ ka Ịbaraamị ọ saasa wa nọ Imowabi, ama ọ mẹ ịsị ọnị ọnị ka yị ọ.

Ịrịka 22:8

Dị Ịbaraamị kà ẹnịnị ẹ sụ ịzọọ dị ọnị ọ sị ohi yị wa eyinẹhẹ anị ịsị Ẹnẹyịmavara ọ̀ọ ka yị ọnị. Agụvị avọọ, dị ẹnịnị sụ pe e ịzọọ nị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 7:22

Aza ọrụrụ-ọrụrụ ẹ vaa kà a mị ịhị ọnọọ nị ka: ‘Ananyị yị, Ananyị yị.’ Wẹ yị yẹ ka ịị̄ sị ịrẹha awụụ kà ịsẹẹ? Wẹ yị kụkụ yẹ ka yâ sị ịrẹha awụ dụ ụhwẹ echu jịnẹẹ?

Ịjọọnụ 11:51

Ẹ yị vị ọnịrị eyi anị ọ kà ịrẹyị ọnọnị. Ọnị ọ vị ohirẹsụ ọbanyị irehi Ohomorihi ịrayị ọnọọ nị; agụvị avọọ aa kà ịsẹ ka Ijeesu vee súu yị avaba anẹkụra nị.