Ịrịka 22:7 - IWE ỌNỊNỊ

⁷ Ịzẹyịza, dị azọkụ Animowabi ẹnịrị azọkụ Animidiya nịnị sị ẹkẹhị rị ụvọ ne tu Ịbaraamị nị. Di e kà enube Ịbarakị yị ọ nị.

Ịrịka 22:7 ပူးပေါင်းရင်းမြစ်များ

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ezikẹẹrị 13:19

Ọ kà, waa hụ agụvị ayị ibaari uvoku ọnya ọnịrị ịbụrẹẹdị ẹjịjị wẹ́ yị sị ụbanyị yị ọnị eyi aza anị nịnị. Waa wụ̀ aza ẹnẹ ẹ̀ yị vọrọ ka è sú nịnị, dị ụ navọ aza ẹnẹ ẹ̀ yị vọrọ ka ẹ̀ yara ka ẹ yara nịnị nị. Avọọ u mee cheeche yị ọza anị, dị ẹnịnị dọ wụ nịnị wụ́ nị.

Ezikẹẹrị 21:21

Ohinọyị Ịbabịrọnị ộ jẹẹ oze ahẹva ịzị asịyẹ jẹẹ. Ê sị ka ọnị ọ̀ yẹ oze ana vọrọ ka ọnị ọ̀ zị. Ô henyi ọpa anị re; ộ họ̀ ori anị nịnị usirẹyị, dị ó tu ụpẹ ọnya dị aa zama ayị uye ana a sị mẹ ịsọvọọ re nị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịrịka 22:8

Dị Ịbaraamị kà ẹnịnị ẹ sụ ịzọọ dị ọnị ọ sị ohi yị wa eyinẹhẹ anị ịsị Ẹnẹyịmavara ọ̀ọ ka yị ọnị. Agụvị avọọ, dị ẹnịnị sụ pe e ịzọọ nị.

Ịrịka 23:23

Ẹ yị nyị ahọ̀nọ a vị ẹbẹ ọnị ọza zụ mẹ dị ọ za Anisirẹrị nịnị. Kana eyi dị wee re ịsị Ohomorihi raà mẹ yị wa.

Ịrịka 24:1

Ịnị ụmẹ ọnịnị, Ịbaraamị ọ sị yẹ ka Ẹnẹyịmavara ve ene si ka o zee yị Anisirẹrị nịnị agụvị avọọ, ẹ yị kụkụ nee si ụvọ zee dị ọ yẹ. Ama dị o ve eyi ka oze eyi ịnị ụnọmị nị.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ijosuwa 13:22

Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ.

2Ipita 2:15

Ẹ sị há hụrị oze Ohomorihi, e si nyeeyi. Ẹyaa zị ụsẹ ọnị Ịbaraamị ozi Ịbọsọ zị. Ịbaraamị ô sì ka ọnị ọ̀ mẹ̀ ịsa odivi dị ọnị ọ̀ yị zụ nyị ẹkẹhị kẹnẹ.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.