Ịrịka 22:6 - IWE ỌNỊNỊ

⁶ Ộ kà aza ẹnẹẹ ẹ raà nyị ụkata huni ẹnị. Agụvị avọọ Ịbaraamị ọ vẹ dị o chi hi wa ịsavọ ẹnị vaa zụ nyị ẹbẹẹba ẹnịnị, dị ẹnị dụ wa hụụnị ẹtẹ ẹnịnị. Ịbarakị kà ọnị ọ yẹ ka ọza ọnị ọ̀ọ mẹ̀ aduwa yị, ee zee yọ nị. Ama ọza ọnị òo chi hi vị ọnị ozirenu anị aa za a.

Ịrịka 22:6 ပူးပေါင်းရင်းမြစ်များ

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

1 Ohinọyị 22:13

Ịjị ọnụtụ ana a tụ́ ka ọ̀ na hị́ Imika tù ịzọọ dị ọ kà a yị Imika dị ọ ka, “Batọ ma kà ịrẹyị ọnya wụ o! Avaba ọnịsẹ e ne hi ịzẹnị vị ana sị irenu tẹ ọnya ka ohinọyị ọ vaa nyị ehuna ịnị ịrẹkụ ọnọnị nị. Aarịhịnị ẹwụrị wa ọ̀ sị irenu tẹ ọnya, dị ẹwa rẹ kà ọyịza yị ohinọyị.”

1 Ohinọyị 22:6

Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

Inehemaya 13:2

 vavọọ kà a tịtẹ, agụvị ka ẹnịnị ẹ yị sị ịsọyịrị ọnịrị enyi yị Anisirẹrị nịnị ẹ mẹ̀ hụrẹ Ijipiti aa parahu. Ama dị ẹ na hị́ Ịbaraamị ka ò ve chi hi wa nị.

Ahẹ Ụgama 109:28

Òo zee e eyi ẹ̀ẹ tụ́ ozirenu, ẹwụ vị ana vaa mẹ ka ò zee mị. Navọ ahịka vị aza ana aa dụ mị va hyẹdụ nị, dị emi ozi ahụ awụ ọ̀ va jẹ ịrajẹ.

Ụhịrẹyị 26:2

Ozirenu ọnị ọza ẹ yị mẹ̀ ịrẹyị anị vị enee che oze parahu anka inomi enee hira zịịzị avọọ.

Ezikẹẹrị 13:6

Apẹ ẹyaa mẹ ka vị ẹnị re ẹtẹ nị. Ịsẹ ẹnẹ ẹyaa kà vị ireche osusu. Ẹnẹyịmavara kà, ọnị ẹ́ yị tụ́ wa ụtụ, ama dị ẹ ka, ọnị ọ̀ tụ ẹnị ụtụ nị. Dị eyee zi ka ọnị vaa sị ịrẹyị ẹnịnịị gẹ nị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ịrịka 22:12

Ohomorihi ộ ka yị Ịbaraamị ka asị ọ saasa ọnụtụ ẹnẹẹ, dị asị ọ rẹ chi hi Anisirẹrị agụvị ka aza ọnị ọnị raà mẹ̀ ka o zee yị ẹ vẹ nị.

Ịrịka 22:17

ọnị vee si ọ ụta ẹtẹẹtẹrẹ, dị ọnị mẹ̀ ịsa tụra ịsa ọnị o họ̀ use anị yọ. Aarịhịnị, ọ vẹ vaa chi hi aza ẹnẹnị yị ọnị.

Ịrịka 23:13

Dị Ịbarakị sị kà ọ saasa ọnị nọ aha ọsa ịzị o vee re wa. Oo vee re ịpa ẹnyị ẹnịnị, dị o chi hi wa yị ọnị.

Ịrịka 23:27

Dị Ịbarakị rẹ ka Ịbaraamị ọ vẹ ẹnị ẹ na aha ọsa, ẹyịyara Ohomorihi vee chi hi wa yị ọnị ịzọọ.

Ịrịka 24:9

Anisirẹrị vị ana hụtụ anka idu ana tụ́ ụhwọ́ ịrẹma ọnị o ba egidi kwooze avọọ. Ẹnẹ nyayịnẹ ne ziizi ọ re? Ọza ana ka o zee yọ, vị ọnị o vee zee yị, ọza ene chi hi ọ vị ọnị ozirenu va za.

Odeyi 16:16

Ẹkụhị ọnya, ị màa naa mẹ̀ aduwa, ozi ahụ ọnẹẹ ọnya aanị ọ va gẹrị ẹyị. Ozi ọnẹẹ ọnọọ ộ nyị ụhwẹ echu ana aa mẹẹ ka ọ̀ọ kà ịsẹ. Ọọ̄ kà ịsẹ, dị aa sị dọ ẹkẹhịị yị ọga anị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 23:4

Ẹnịnị ê yii, ẹ yị da ịsọyịrị yị wụ nịnị ụ mẹ hụrẹ Ijipiti aa vẹ nịnị. Ẹnịnị ẹ yị ká enyi yị wụ nịnị hú. Vị́ ẹnịnị na hị́ ọnọrụ ana aā hị́ Ịbaraamị ozi Ịbẹyọ hụrị Ipetiho ka ò ve chì hi wu nịnị nị. Ipetiho vị ana ya ịnị ẹtẹ Imesopotamiya.

Ijosuwa 24:9

Ịbarakị ozi Izipọ ana vị ohinọyị Animowabi me si ka ọnị ọ kụ ịrẹkụ tu wa, dị ọ hị́ Ịbaraamị ozi Ịbẹyọ ka ọ chi hi wa nị.

1 Ịsamụwẹrị 17:43

Di Anihwirisiti ọnọọ hị́ Idevidi dị ọ ka irezi ọnị wáá vị nị, dị ọ si okutẹ ee vee tù ọnị. Dị aa sị ori anịị chii hi Idevidi nị.