Ịrịka 22:5 - IWE ỌNỊNỊ

⁵ tụ́ hị́ Ịbaraamị ozi Ịbẹyọ ana ra Ipetọrị ọgụrị irehu Iyuhwuretisi ịnị ẹtẹ Amawi. Enube ọnị ọnụtụ anị nịnị kà yị Ịbaraamị yị. Ọ kà â nyị anẹkụra nịnị ana hụrị ẹtẹ Ijipiti vẹ. Ẹnịnị ẹ kụ gara hi ozi, dị ẹ yaa mọ ka ẹnị aa dọ ẹnị ẹtẹ ẹnịnị nị.

Ịrịka 22:5 ပူးပေါင်းရင်းမြစ်များ

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Ahẹ Ụgama 105:24

Ẹnẹyịmavara ộ mẹ̀ ka aza anị ọ̀ rụrụ ẹtẹẹtẹrẹ, ệ hyakụ sị ụkata nyị huna ọnịvị ẹnịnị.

Ọyịkụra 10:15

Di e kú eteesu pipipi, dị ẹtẹ kuku ee mine kẹnẹ nị. Dị ẹ za avaba ịsa ana ata orihi navọ tịtẹ, dị ẹ rị wa nị. Avaba ịsị ẹ chị hi ịnị aarẹ ọnịrị ẹtụtụ ene hi ịnị ọchị vị ẹnẹ rị za ẹtẹ, kụkụ nyị ịsị aa hị́ avị ohwoohu ikonya ịnị avaba ẹtẹ Ijipiti.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ịrịka 23:7

Dị Ịbaraamị kà, Ịbarakị ohinọyị Animowabi ộ sị ọnị hụrị ịrẹsụ ataba Aramị vẹ ịzẹnị nị. Ọ kà ọnị o chi hi Anisirẹrị, dị ọnị o du wa.

Ịrịka 31:8

ọnịrị ohinọyị ẹnịnị ẹẹhị: Evi, Irekemi, Izuri, Ihuri, Ireba. Ịhyọnọọ ẹ rẹẹ̀ wụ́ Ịbaraamị ana vị ozi Ịbẹyọ.

Iwe Ọhụhị Imosiisi ana aa hị́ Ọyịvatụrọda 23:4

Ẹnịnị ê yii, ẹ yị da ịsọyịrị yị wụ nịnị ụ mẹ hụrẹ Ijipiti aa vẹ nịnị. Ẹnịnị ẹ yị ká enyi yị wụ nịnị hú. Vị́ ẹnịnị na hị́ ọnọrụ ana aā hị́ Ịbaraamị ozi Ịbẹyọ hụrị Ipetiho ka ò ve chì hi wu nịnị nị. Ipetiho vị ana ya ịnị ẹtẹ Imesopotamiya.

Iwe Ọhụhị Imosiisi ana aa hị́ Ọyịvatụrọda 23:5

Ama Ẹnẹyịmavara Ohomorihi awụ nịnị ẹ yị dọ ịrẹyị Ịbaraamị. Ohomorihi awụ nịnị ộ vara ozirenu ọnị Ịbaraamị tụ́ hi wu nịnị tụ ịnị ọyịza yị wụ nịnị, agụvị ka ô sì ịrẹyị awụ nịnị.

Ijosuwa 13:22

Ịbaraamị ana vị ozi Ịbẹyọ ana vị ọhẹva vị ọnị Anisirẹrị nịnị wụ̀ beri aza ana vọ.

Ijosuwa 24:9

Ịbarakị ozi Izipọ ana vị ohinọyị Animowabi me si ka ọnị ọ kụ ịrẹkụ tu wa, dị ọ hị́ Ịbaraamị ozi Ịbẹyọ ka ọ chi hi wa nị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.