Ịrịka 22:41 - IWE ỌNỊNỊ

⁴¹ Eyinẹhẹ anị, dị Ịbarakị sị Ịbaraamị nọ ịnị ataba Ibamoti Ịbaarị. Ịrẹsụ ataba ọnọọ vị ana va ịzị Anisirẹrị ya chire.

Ịrịka 22:41 ပူးပေါင်းရင်းမြစ်များ

2 Ịtọpa 11:15

Ijerobowami vị ana a nyị aza ana vị ọnụtụ ori yị ẹngụ ana mẹ̀ ụkọrọ ịnị irehi ori ịzị ẹ yaa hẹkẹ ori ọnịrị arịjẹnụ nịnị beri ịsa ọnị ẹ bẹ̀ ene vene ụnọ.

Ijeremaya 19:5

Ụta-ịsọvọ vene hi yị Ịbaarị ịzị ẹ vaa yaa sị ezi ẹnịnị mẹ ịsọvọọ dị ẹ rị ọ ịra yọ. Ẹnẹyịmavara kà ọnị ẹ yị mẹ ọda yị wa ka ẹ̀ vavọọ mẹ. Ọnị e yi re rò ka ẹnịnị ẹ́ zụ vavọọ mẹ.

Ijeremaya 48:35

Ẹnẹyịmavara kà ọnị ẹ́ yị ma vana zẹẹ ka Animowabi nịnị ẹ̀ mẹ̀ ịsọvọ yị ori ẹnịnị ịzị ẹyaa mẹ ori.

Ịrịka 21:28

Ịra vị ana jịnẹ hụụnị irenu anị, Ịra vị ana za hụụnị ẹkụra ọbanyị Isihoni. Ịra ana rị ẹkụra Arị ịnị ẹtẹ Imowabi, dị ọ mụnẹ avaba ohinọyị ịrẹsụ ataba Arinọnị nịnị.

Ịrịka 22:40

Ịzọọ Ịbarakị ya wụ̀ ụnọ ọnịrị atẹmẹ mẹ̀ ịsọvọ, dị ọ da uye anị yị Ịbaraamị ọnịrị ọnụtụ anị ana saasa a nị.

Ịrịka 23:1

Ịbaraamị ộ ka yị Ịbarakị ka ọ hì ụta ịsọvọ ịhịmba tụ ịzọọ, dị ọ sị ụnọ ịhịmba ọnịrị ịdẹba ịhịmba vẹ.

Ịrịka 23:13

Dị Ịbarakị sị kà ọ saasa ọnị nọ aha ọsa ịzị o vee re wa. Oo vee re ịpa ẹnyị ẹnịnị, dị o chi hi wa yị ọnị.

Iwe Ọhụhị Imosiisi ana aa hị́ Ọyịvatụrọda 12:2

Anẹkụra irenyi-irenyi ana ra ịzọọ vị ana hẹkẹ ori ẹnịnị. Ịjị ẹ̀ẹ raa dọ ẹtẹ ọnọọ, e du avaba aha ana a yaa hẹkẹ ori ene hi ịrẹsụ ataba ọnịrị ịrẹsụ otutu irenyi-irenyi a vị iruvo ọchị ẹbanyị-ẹbanyị ịzị ẹẹ̄ mẹ ori.