Ịrịka 22:4 - IWE ỌNỊNỊ

⁴ Dị ẹnịnị kà yị ọdọvịdị Animidiya nịnị ka, ọkọnị Anisirẹrị ẹnẹnị vị ene du avaba ịsa ana kara ẹnị anka ụnọọ̄ mẹẹ rị avị za ẹtẹ avọọ. Agụvị avọọ dị Ịbarakị ozi Izipọ, Ohinọyị Imowabi

Ịrịka 22:4 ပူးပေါင်းရင်းမြစ်များ

1 Ohinọyị 11:18

Ẹnịnị mẹ̀ kwẹẹtẹ hụrẹ Imidiyani, dị ẹ va ngụ Ịparanị nị. Dị ẹ sị aza ẹnyị hụụ ịzọọ saasa ẹngụ, dị ẹ na ngụ Ijipiti nị. Ẹnịnị ệ nọ ịda Ihwarawo ana vị ohinọyị Anijipiti. E mè tù ịzọọ di Ihwarawo si irehi yị Ihadadi, dị ọ rẹ sị ịsọyịrị yọ, dị ọ rẹ sị ẹtẹ yọ nị.

Ọyịkụra 15:15

Angwa vee hi ohinọyị Anedomi. Ẹgahị vaa ngụ ọdọvịdị Animowabi nịnị ẹngụ. Anikenaani ẹnị raa hụrẹ ayịnẹ.

Ijeremaya 48:38

Ẹnẹyịmavara kà, wèe tu avaba enoze irehi Imowabi ọnịrị ịnị orere ẹnịnị, wé yi re ịsị ọsa huni ka ọzọza aa zị ẹngụ. Ẹyaa zị ẹngụ agụvị ka ọnị ọ sị Imowabi gara ha anka ụnọkọ ọnị ọzọza ka ẹ́ yị nyị ịsị ọnị aa sịị mẹ avọọ.

Ịrịka 22:2

 nyị ọnọrụ ọnya aanị ana a hị́ Ịbarakị ana vị ozi Izipọ ana vị ohinọyị Animowabi. Ộ wụ̀ avaba ịsa ọnị Anisirẹrị nịnị mè Anamọrị nịnị.

Ịrịka 22:7

Ịzẹyịza, dị azọkụ Animowabi ẹnịrị azọkụ Animidiya nịnị sị ẹkẹhị rị ụvọ ne tu Ịbaraamị nị. Di e kà enube Ịbarakị yị ọ nị.

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Ịrịka 25:6

Ịnị ụmẹ ọnọọ gẹdẹ-gẹdẹ, ọnọrụ ịnya ịnị ẹnịnị na sị ọnyẹnẹẹ Animidiya va ngụ ịzọọ eyi Imosiisi ọnịrị avaba ịragụ Anisirẹrị. Ụmẹ ọnọọ avaba aza vị ene hi ọvịdị ajẹngụ Ẹnẹyịmavara aa jị òrèrè.

Ịrịka 31:1

Ẹnẹyịmavara ộ kà yị Imosiisi ka,

Ịrịka 31:8

ọnịrị ohinọyị ẹnịnị ẹẹhị: Evi, Irekemi, Izuri, Ihuri, Ireba. Ịhyọnọọ ẹ rẹẹ̀ wụ́ Ịbaraamị ana vị ozi Ịbẹyọ.

Ọdọvịdị 11:25

Ịjẹhwịta ọ rẹ kà a ka ọnị ọ yẹ ka Isihoni ọ hyakụ yẹ ọnọrụ anị a Ịbarakị anị a vị ozi Izipọ. Ịbarakị ọnọọ ọ vị ohinọyị Imowabi nị. Ọ kà, vị o ro ka ọnị o huna Ịbarakị ene e pe Anisirẹrị nịnị zị ịrazị nị?

Ọdọvịdị 6:1

Anisirẹrị nịnị ệ mẹ̀ ebira odivi hi Ẹnẹyịmavara, dị ọ hụrẹ wa ụvọ yị Animidiya ịrayị ịhịmba nị.