Ịrịka 22:32 - IWE ỌNỊNỊ

³² Dị anggẹẹrị Ẹnẹyịmavara họ̀ ọ ka, sị ẹ vẹ dị ọ nya ịkẹrịkẹtẹ ịsa ụpẹ ẹẹta? Ọnị ọ va jẹẹ oze ka asị o re oze parahu agụvị ụsẹ akụvị anị nị.

Ịrịka 22:32 ပူးပေါင်းရင်းမြစ်များ

Ahẹ Ụgama 145:9

Ẹnẹyịmavara vị ana aa mẹ̀ ịsa ozozaa yị avaba aza. Avaba ọza ọnị ọ mẹ vị ọnị ọọ̄ vayị anị.

Ahẹ Ụgama 147:9

Ọnị aa sị ịsaa yị ịsụpa nịnị nị. I Inomi ana aā hị́ ọrụ ẹ̀ẹ hị́ ọ, dị ọ rẹ sị ịsa yị wa.

Ahẹ Ụgama 36:6

Ọza ọ yị zụ si irenu kà a ta anka ụ mẹ̀ẹ mẹ̀ ịsa ana vọrọ Ẹ yị nyị ụmẹ ọnya oni ụụ̄ sii sima ọkarẹyị mẹ Ẹnẹyịmavara, ewu ee sere ọza ọnịrị ịsụpa nị.

Ụhịrẹyị 14:2

Ọza anaā ra a mẹ vọrọ vị eneē hí angwa Ẹnẹyịmavara ama ọza ana ra ẹhẹ akụvị vị anaā si eyi wụ ọ.

Ụhịrẹyị 16:2

Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị.

Ụhịrẹyị 28:18

Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri.

Ụhịrẹyị 28:6

Onosiye anaa mẹ̀ ịzẹyịza o dahi hu ọnyẹkẹhị anaa mẹ̀ asuvu nị.

Ijona 4:11

Ọ̀ọ maanị aa zị ẹngụ yị avị ọnọnị, aanịka ẹ yị vọrọ ka ọnị ọ tẹsị Anininivẹ, ẹkụra ọbanyị ọnọọ, ịzịị aza ene hụụnị ịrịka akahị-akahị oze ẹchẹhị tụra oohu raa hị́? Aza ẹnẹnị ẹ yị yẹ ọyịza, yẹ ọhịmị, dị a hyakụ vaa ka ịsụpa ẹnịnị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ịrịka 22:20

Ịnị ịrahụ ọnọọ, Ohomorihi kà ọnị vaa zẹ ka Ịbaraamị ọ saasa wa nọ Imowabi, ama ọ mẹ ịsị ọnị ọnị ka yị ọ.

Ịrịka 22:22

Ịbaraamị ộ kụ ezi ahụ anị ẹẹva saasa ẹngụ dị tụra ịkẹrịkẹtẹ anị aa na nị. Ohomorihi ô du ayị ka Ịbaraamị aa na, dị anggẹẹrị anị na jẹẹ oze zi ọ ka ọnị ọ dụ varẹma nị.

Ịrịka 22:28

Ịjọnọọ Ẹnẹyịmavara ha ịkẹrịkẹtẹ irenu, dị ọ họ̀ Ịbaraamị ka ịsị ọnị mẹ̀ ẹ dị aa nya ọnị ịsa ụpẹ ẹẹta?

Ịrịka 22:33

Ịkẹrịkẹtẹ vị ene re ọnị, dị ọ jesi eyi ụpẹ ẹyịta. Ẹ̀ yị vị ọnị ịkẹrịkẹtẹ vara eyi, ọnị yaanị sị Ịbaraamị wụ̀, dị ọnị ẹ yị kanyị ọ.

Ịrịka 22:35

Dị anggẹẹrị Ẹnẹyịmavara kà ọ kụ aza anị varẹma ama dị ọ ka ịsị ọnị ka yọ. Avọọ Ịbaraamị mẹ kụ ọnụtụ Ịbarakị nịnị varẹma nị.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Iwe Ọhụhị Imosiisi ana aa hị́ Ọyịvatụrọda 23:4

Ẹnịnị ê yii, ẹ yị da ịsọyịrị yị wụ nịnị ụ mẹ hụrẹ Ijipiti aa vẹ nịnị. Ẹnịnị ẹ yị ká enyi yị wụ nịnị hú. Vị́ ẹnịnị na hị́ ọnọrụ ana aā hị́ Ịbaraamị ozi Ịbẹyọ hụrị Ipetiho ka ò ve chì hi wu nịnị nị. Ipetiho vị ana ya ịnị ẹtẹ Imesopotamiya.

Iwe Ọhụhị Imosiisi ana aa hị́ Ọyịvatụrọda 25:4

Wàa sị ụnọọ mẹ̀ ụkọrọ ịnị aarẹ, asị ụ sị ịsa ku ọ irenu ka asị ọ rị ịsa.