Ịrịka 22:23 - IWE ỌNỊNỊ

²³ Ịjị ịkẹrịkẹtẹ Ịbaraamị re ka anggẹẹrị Ẹnẹyịmavara ọ̀ sị ụhwọ jẹ oze, dị ọ ha ngụ avị nị. Dị Ịbaraamị nya a ọchị ka ọ va jị oze nị.

Ịrịka 22:23 ပူးပေါင်းရင်းမြစ်များ

2 Ohinọyị 6:17

Erisa ộ mẹ̀ aduwa ka: Ẹwụ Ẹnẹyịmavara, navọ wa ha ozi ahụ amị eyi, di ò re ịsị ẹ̀ yị vịdị re de. Ịzẹyịza Ẹnẹyịmavara ộ ha eyi ozi ahụ Erisa, dị ọ kana eyi, di o re ka umaata ọnịrị ịkẹkẹ-ịrẹkụ ana sị mẹẹ anka ịra avọọ, ẹnịnị mẹ̀ gụ kara Erisa ịnị ataba nị.

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Ịdanịyẹrị 10:7

Ịdanịyẹrị ka, ọnị ịnya ô re ẹtẹ ọnọnị nị. Aza ana jẹẹ pe ọnị ệ yị re e agụvị ka dị ọnị ve re ẹtẹ ọnọnị ẹnịnị vi ene zwe na tẹ̀ angwa mee hi wa.

Ịrịka 22:22

Ịbaraamị ộ kụ ezi ahụ anị ẹẹva saasa ẹngụ dị tụra ịkẹrịkẹtẹ anị aa na nị. Ohomorihi ô du ayị ka Ịbaraamị aa na, dị anggẹẹrị anị na jẹẹ oze zi ọ ka ọnị ọ dụ varẹma nị.

Ịrịka 22:24

Dị anggẹẹrị jẹẹ oze tịyẹ-tịyẹ ana yị ịnị akakana ọvọ ịrẹta ana jị kara ụbazị ịvayịnị ẹẹva nị.

Odeyi 22:9

Aza ẹnẹ ẹmịrịị aa na, ê re ẹtohweyi ọnọọ, dị angwa ee hí wa nị. Ama ẹnịnị ẹ yị wụ́ ọngwẹ ọza ana kà ịrẹyịị mị.

Ijosuwa 5:13

Ijosuwa maa gụrị Ijeriko na, dị ọ kana eyi, dị o re ọnọrụ ana sị ụhwọ rị ụvọ tu ọvịdị anị nị. Dị ọ ka pe e, dị ọ họ̀ ọnọrụ use ka ọnịrị ọ óó ya nị avị ọnịvị anị ọ vị nị?

2Ipita 2:16

Ịbaraamị ộ dọ ohuvọ ẹkụhị ọnya agụvị ịvị anị. Ịhị ọnọọ, ịkẹrịkẹtẹ ẹnẹ ẹ̀ yị ma kà ịrẹyị, ộ kà ịrẹyị anka ọza avọọ, ana mẹ ka ọnịsẹ ọnọọ ọ̀ hụụnị ụra anị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.