19 Dị Ịbaraamị kà yị ọnụtụ ẹnẹẹ ka ẹnị ẹ rẹ sụ eyinẹhẹ agụvị dị ẹ wụ ịsị Ẹnẹyịmavara ọ̀ọ na ka yị ọnị.
Dị Ịbaraamị va ohi kà a, Ịbarakị ọ̀ daka sị isiriva a vị igooru ene hi irehi anị yị ọnị, ọnị ẹ yaa va jịnẹ ọda Ẹnẹyịmavara Ohomorihi anị.
Ịnị ịrahụ ọnọọ, Ohomorihi kà ọnị vaa zẹ ka Ịbaraamị ọ saasa wa nọ Imowabi, ama ọ mẹ ịsị ọnị ọnị ka yị ọ.
Ẹ sị há hụrị oze Ohomorihi, e si nyeeyi. Ẹyaa zị ụsẹ ọnị Ịbaraamị ozi Ịbọsọ zị. Ịbaraamị ô sì ka ọnị ọ̀ mẹ̀ ịsa odivi dị ọnị ọ̀ yị zụ nyị ẹkẹhị kẹnẹ.
Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.
Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.