Ịrịka 22:12 - IWE ỌNỊNỊ

¹² Ohomorihi ộ ka yị Ịbaraamị ka asị ọ saasa ọnụtụ ẹnẹẹ, dị asị ọ rẹ chi hi Anisirẹrị agụvị ka aza ọnị ọnị raà mẹ̀ ka o zee yị ẹ vẹ nị.

Ịrịka 22:12 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

2 Ịtọpa 31:10

Azariya ana vị ohirẹsụ ọbanyị irehi Ohomorihi ohirẹsụ ana vị ozi Ịzadọkị kà a yị ohinọyị ka hụrẹ ụmẹ ọnị aza aa kụ́ ịsa vẹ ịsọyịrị vị ana gwẹẹtẹ dị ọ vọ ẹtẹ. Ộ maanị zee yị ẹnị agụvị ka Ẹnẹyịmavara ộ mẹ̀ ka o zee yị aza anị.

Ahẹ Ụgama 144:15

Ẹngụ aza ọnị wàa maanị mẹ yị vaa dàa jẹ. Aza ẹnị Ẹnẹyịmavara ọ̀ọ vị Ohomorihi anị ẹ̀ nyarị ịrẹsụ ọyịza.

Ahẹ Ụgama 146:5

Aza ana ahịka Ohomorihi oni Ijekọvụ hẹkẹ aa gụ ụvọ nị ẹ̀ nyarị ịrẹsụ ọyịza. Mị ka aza ẹnẹẹ ana ahịka Ẹnẹyịmavara ana vị Ohomorihi ẹ sị ayị tụra nị ẹ̀ nyarị ịrẹsụ ọyịza.

Ayịsaya 61:9

Avaba anẹhẹ vaa yẹ evere ẹnịnị A vaa sị ụbanyị yị wa ịnị akakana anẹkụra ana vọ. Ọzọza vaa yẹ ka aza ọnị Ẹnẹyịmavara raà mẹ̀ ize yị ẹ vị nị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ịrịka 22:11

Ộ kà Ịbarakị ka ọnị ọ vaa tụ ozirenu hi aza ana hụrị Ijipiti va ra kara ọnị aanị. Ọnị e si ka ọnị ọ dụ wa jịnẹ hụụ ịzọọ.

Ịrịka 22:13

Eyinẹhẹ anị dị Ịbaraamị kà yị ọnụtụ Ịbarakị ẹnẹẹ ka ẹ na eehi ka Ẹnẹyịmavara kà asị ọnị saasa wa.

Ịrịka 22:6

Ộ kà aza ẹnẹẹ ẹ raà nyị ụkata huni ẹnị. Agụvị avọọ Ịbaraamị ọ vẹ dị o chi hi wa ịsavọ ẹnị vaa zụ nyị ẹbẹẹba ẹnịnị, dị ẹnị dụ wa hụụnị ẹtẹ ẹnịnị. Ịbarakị kà ọnị ọ yẹ ka ọza ọnị ọ̀ọ mẹ̀ aduwa yị, ee zee yọ nị. Ama ọza ọnị òo chi hi vị ọnị ozirenu anị aa za a.

Ịrịka 23:23

Ẹ yị nyị ahọ̀nọ a vị ẹbẹ ọnị ọza zụ mẹ dị ọ za Anisirẹrị nịnị. Kana eyi dị wee re ịsị Ohomorihi raà mẹ yị wa.

Ịrịka 23:3

Dị Ịbaraamị kà yị Ịbarakị ka ọ jẹẹ pe ịsọvọ anị, dị ọnị ọ jẹẹ oboka ọnya, ẹyịyara Ẹnẹyịmavara vaa sị ẹngụ zụ ọnị. Ịsa tụra ịsa ọnị Ẹnẹyịmavara ọ́ kà ọnị vaa ka nị. Dị Ịbaraamị ọnịnya hịrẹ nọ ịrẹsụ ataba nị.

Ịrịka 23:8

Ọnị mẹmẹ nyẹngụ chi hi aza ọnị Ẹnẹyịmavara o yi chi hi? Ọnị mẹmẹ nyẹngụ ka ọhịmị aza ọnị Ẹnẹyịmavara o yi du.

Ịrịka 24:9

Anisirẹrị vị ana hụtụ anka idu ana tụ́ ụhwọ́ ịrẹma ọnị o ba egidi kwooze avọọ. Ẹnẹ nyayịnẹ ne ziizi ọ re? Ọza ana ka o zee yọ, vị ọnị o vee zee yị, ọza ene chi hi ọ vị ọnị ozirenu va za.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Aniroomi 11:29

Aza oni Ohomorihi sị nyị, dị ọ raà mẹ wa ẹyịza, ọ mā sị ụmayịyẹ ịnị anị.

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

Iwe Ọhụhị Imosiisi ana aa hị́ Ọyịvatụrọda 2:7

Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

Iwe Ọhụhị Imosiisi ana aa hị́ Ọyịvatụrọda 23:5

Ama Ẹnẹyịmavara Ohomorihi awụ nịnị ẹ yị dọ ịrẹyị Ịbaraamị. Ohomorihi awụ nịnị ộ vara ozirenu ọnị Ịbaraamị tụ́ hi wu nịnị tụ ịnị ọyịza yị wụ nịnị, agụvị ka ô sì ịrẹyị awụ nịnị.

Iwe Ọhụhị Imosiisi ana aa hị́ Ọyịvatụrọda 28:6

Wàa yà ini eehi, wàa yà ẹẹhẹ, ịsa tụra ịsa ọnị ụ wàa mẹ, vi o vee zee yị wụ nị.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Iwe Ọhụhị Imosiisi ana aa hị́ Ọyịvatụrọda 7:14

Ẹ yị nyị aza ịnị ẹhẹ oni o vee zee yị anka ẹngụ awụ nịnị. Ẹ yị nyị ọza ịnị awụ nịnị à vị ịsụpa awụ nịnị ene vee kù ọbọrị.