Ịrịka 21:34 - IWE ỌNỊNỊ

³⁴ Ama dị Ẹnẹyịmavara kà yị Imosiisi ka, asị e hí angwa anị agụvị ka ọnị ọ raà sị ọnịrị aza anị ne beri avaba ẹtẹ chire wa ụvọ; ẹnịnị ẹ mẹ Ọgị anka ịsị ẹ mẹ mẹ̀ Isihoni ohinọyị Anamọrị ana ya Ịhẹsịbọnị avọọ.

Ịrịka 21:34 ပူးပေါင်းရင်းမြစ်များ

2 Ịsamụwẹrị 5:19

Di Idevidi va họ̀ Ẹnẹyịmavara use ka ọnị ọ́ọ́ kụ́ ịrẹkụ na dụ Anihwirisiti nịnị? Dị ọ rẹ họ̀ ọ ka ọ́ọ́ vaa sị waa yị ọnị ka oni ò huna wa. Dị Ẹnẹyịmavara kà ọ̀ọ na ka Anihwirisiti vị ọnị ọnị aa sị yọọ hú ẹtẹ.

1 Ohinọyị 20:13

Kẹnẹ dị ọnịsẹ ọnya vana kà pe Ahabị ohinọyị Anisirẹrị dị ọ ka, “Ẹnẹyịmavara kà ma kà a wụ ka wẹ́ẹ́ re otomiroku ẹnẹnị? Ọ kà wa yẹ ka ọnị ọ raà kụ́ wa chire wụ ụvọ ajịnị. Ọ kà ẹwụ vaa yẹ ka ọnị ọ vị Ẹnẹyịmavara nị.”

1 Ohinọyị 20:28

Dị ọza Ohomorihi ọnya aanị kà pè ohinọyị Anisirẹrị, dị ọ kà, “Ẹnẹyịmavara kà ọnị ka Anisiriya ee ro o ka Ẹnẹyịmavara vi ori ịnị ataba, a yi vi ori ini ozi ọ vị. Ọ kà avaba aza otomiroku ẹnẹnị, ọnị vaa kụ́ wa chire wụ ụvọ. Ọ kà ẹwụ nịnị vaa yẹ ka ọnị ọ vị Ẹnẹyịmavara nị.”

2 Ohinọyị 3:18

Ọsọnị vị ịrẹyị oweyi ini eyi Ẹnẹyịmavara; ọ rẹ vaa sị Imowabi chire wu nịnị ụvọ bẹẹ.

Ayịsaya 41:13

Ẹnẹyịmavara kà ọnị ọ vị Ohomorihi awụ nịnị nị; Ọnị vaa sị ụkata yị wụ. Asị wụ hí angwa ka ọnị vaa gụ wụ ụvọ.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Ịrịka 32:4

vị ẹtẹ ọnị Ẹnẹyịmavara nyị ehuna anị yị Anisirẹrị. Aha ẹnịị ee zoza yị ịsụpa, dị ẹnị nyị ịsụpa nị.

Iwe Ọhụhị Imosiisi ana aa hị́ Ọyịvatụrọda 2:30

Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị.

Iwe Ọhụhị Imosiisi ana aa hị́ Ọyịvatụrọda 20:3

dị ọ kà a ka; Ẹwụ nị isoja Anisirẹrị sị ụtọ pe ẹtẹ. Wàa nọ ịrẹkụ ajịnị, asị ụ hị́ angwa ọnịvị. Wèe re wa asị ayị hụrẹ ẹwụ ịnẹ.

Iwe Ọhụhị Imosiisi ana aa hị́ Ọyịvatụrọda 3:1

Ịrẹma ọnị ẹ raà wụ̀ Isihoni ọnịrị aza anị, dị ẹ va ịrẹsụ ka ẹtẹ Ịbasanị, dị Ọgị ana vị ohinọyị ẹkụra ọnọọ ọnịrị aza jịnẹ tụ ẹhẹ gẹ ịrẹkụ tu wa ẹkụra ana gụrị Edireyi nị.

Iwe Ọhụhị Imosiisi ana aa hị́ Ọyịvatụrọda 3:11

Ọgị ohinọyị Ịbasanị ọ̀ vị ọdịrẹma ịnị evere ajịmasị anọrụ ana a hị́ Irehwayimi nị. Ịvẹẹdị anị vana a sị enyusẹ-enyusẹ mẹ̀. Ộ gọdọ ahụ ẹwụrẹta, dị ọ̀ gana ahụ ịhịnọnyị nị anka a mẹẹ mọ ụgọdọ ịjị ọnọọ. Ịvẹẹdị anị yị yịị ịnị ẹkụra Ịraba pooro tu ajịnị.

Iwe Ọhụhị Imosiisi ana aa hị́ Ọyịvatụrọda 31:6

Ọ kà ẹ̀ nyị ọtụtụrụma, dị ẹ̀ sị ayị ẹnịnị vị ọnya ẹtẹẹtẹrẹ. Asị e hí angwa ọnịvị ẹnịnị agụvị ka ọnị ana vị Ohomorihi ẹnịnị vaa ya pe wa. Ọnị ẹ yị vaa hụrẹ wa ụvọ

Iwe Ọhụhị Imosiisi ana aa hị́ Ọyịvatụrọda 7:17

A sị ụ kà a yị ẹngụ awụ nịnị ka aza ẹnẹnị ẹ rụrụ hu wu nịnị nị, agụvị avọọ, wẹ yị nyẹngụ dụ wa nịnị.

Iwe Ọhụhị Imosiisi ana aa hị́ Ọyịvatụrọda 7:18

À sị u hí angwa ẹnịnị; tamayị ịsị Ẹnẹyịmavara Ohomorihi awụ nịnị mẹ ohinọyị Ijipiti ọnịrị aza anị.

Iwe Ọhụhị Imosiisi ana aa hị́ Ọyịvatụrọda 7:21

Agụvị avọọ asị ụ hí angwa aza ẹnẹnị agụvị ka Ẹnẹyịmavara Ohomorihi awụ nịnị ya pe wụ nịnị. Ọnị ọ banyị ana vọrọ ka eē hí angwa anị nị.

Iwe Ọhụhị Imosiisi ana aa hị́ Ọyịvatụrọda 7:24

Ọ rẹ vaa sị ohinọyị ẹnịnị chere wụ ụvọ, dị ụ wụ̀ wa, dị ayị ẹnịnị hi ịnị ẹhẹ.

Ijosuwa 10:25

Dị Ijosuwa kà yị wa ka asị e hí angwa, asị o hi wa eyi. Eyayị ẹnịnị ẹ vị, dị ẹ nyị ọtụtụrụma, ka avọọ Ẹnẹyịmavara mẹ vaa mẹ ọnịvị ẹnịnị ene beri wa kụ ịrẹkụ nị.

Ijosuwa 10:8

Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

Ijosuwa 8:7

Ẹnịnị vaa kụ́ hụrẹ ịzị ẹẹ tẹ̀ tụ́, dị ẹ dọ ẹkụra ọnọọ agụvị ka Ẹnẹyịmavara vaa sị yị wa.

Ọdọvịdị 11:30

Dị Ịjẹhwịta va na gẹrị Anamọnị nịnị, ọ hị́ eku yị Ẹnẹyịmavara kà ọọ zẹẹ ka ọnị ọ nyị ẹbẹẹba Anamọnị.

1 Ịsamụwẹrị 23:4

Di Idevidi rẹ na họ̀ Ẹnẹyịmavara kà ẹnị ẹ́ẹ́ na nị. Dị Ẹnẹyịmavara kà ẹ̀ na ka ọnị vaa mẹ ka è huna Anihwirisiti nị.