Ịrịka 21:25 - IWE ỌNỊNỊ

²⁵ Dị Anisirẹrị dọ avaba ẹkụra ẹnẹẹ, dị ẹ ra ịnị avaba ẹkụra Anamọrị nịnị na vaka Ịhẹsịbọnị ọnịrị ẹkụra eweyi-eweyi ana vọ.

Ịrịka 21:25 ပူးပေါင်းရင်းမြစ်များ

Emọsị 2:10

Avọọ ọnị mẹ dọ wa ha hụụnị ụvọ Anijipiti nịnị, dị ẹ ya ịnị ụnọmị ịrayị ẹbẹẹva nị. Dị ẹ dọ ẹtẹ Anamọnị nịnị nị.

Ezikẹẹrị 16:53

Ẹnẹyịmavara ộ kà a yị Ijerusarẹmị ka, ọnị vanaa mẹ ka ò zé yị Isodọmị ọnịrị Isamariya beri ẹkụra oweyi-oweyi ene hi ịzọọ. Ọnị rẹ vanaa mẹ ka ò zé yị Ijerusarẹmị bẹẹ.

Ezikẹẹrị 16:49

Ẹnẹyịmavara kà, ịvị ọnị Isodọmị rị yị: Ẹnịrị ezi ẹnịnị ẹẹ sị ẹngụụ tụ ẹba agụvị ka ẹnịnị ệ nyị ịsọyịrị gwẹtẹ ẹnẹ ẹyaa rị, ọnịrị ka ẹhẹ ộ rọ̀ wa ẹngụ, ẹnịnị ẹ yị nyị ẹngụkata. Ama ẹnịnị ẹ́ yị gụ onosiye nịnị ọnịrị aza ẹnẹ ẹhẹ ẹ̀ yị mẹ yị ụvọ.

Ezikẹẹrị 16:46

Ẹtẹ Isamariya beri ẹkụra oweyi-oweyi ene hi ịnị anị ọ vị onyeyiza awụ ana vị ọzọkụ nị. Eyi ẹbẹẹba awụ ọ́ ya nị. Isodọmị ọnịrị ẹkụra oweyi-oweyi ene hi ịnị anị ọ vị ọhụva awụ ana vị ozweyi nị. Eyi ụvẹtẹ awụ ọnị yà nị.

Ijeremaya 48:45

Aza ene zwè ka ẹnị ẹ̀ na tẹ̀ ẹkụra ana aā hị́ Ịhẹsịbọnị jẹẹ, é yị re aza mẹ ọgụvọ yị wa, agụvị ka ẹkụra ọnọọ aa rị ịra. Ẹkụra Isihoni ana vị ohinọyị aa rị ịra; ịra ọ sị da hụụ ịzọọ va ngụ ẹtẹ Imowabi. Ọ sị ọvịdị-ọvịdị ẹkụra ẹnịnị ọnịrị ataba ẹnịnị rị ịra.

Ijeremaya 48:34

Aza ana ra hi ẹtẹ Ịhẹsịbọnị ọnịrị Eriyare aa jị òrèrè booro-booro, dị aza ene hi ẹtẹ Ijahazi aa wụ́ ọngwẹ ẹnịnị ẹ́ maa jị òrèrè nị. Aza ene hi ẹtẹ Izowa ệ wụ́ orere ẹnịnị, dị á wụ́ ọ huu na ngụ Ihoronayimi ọnịrị ịzị aā hị́ Egirati Isirisiya nị. Okuha ana yà ẹtẹ Inimirimi vị ana hyakụ wụ.

Ijeremaya 48:2

Avaba ụbanyị ọnị Imowabi vịdị nyị vaa ta. Ọnịvị ọza ọ sị ẹtẹ Ịhẹsịbọnị za. Ẹyaa gẹ eyi ẹ́ mẹmẹ vee vú ẹtẹ Imowabi ẹtẹ. Ọkụrẹkụ nịnị vaa kwẹẹtẹ tu ẹkụra Ịmadịmẹnị, dị ẹ mẹ̀ ẹ sisisi.

Ayịsaya 15:4

Ánihesiboni ọnịrị Anireyarehi mèe nowu, aza ene hi Ijahazi huu vị ana aa wụ́. Ezirẹkụ Imowabi ịnyẹmba vi ene ee nowu, dị ẹgahị kụ́ ngụ wa ẹngụ.

Ahẹ Isoromọnị 7:4

Ọrọkọ awụ vị ana jẹẹ gaa ọyịza-ọyịza anka irehi ọgọdọ avọọ. Eyi awụ aa zá teere anka enyi ini imisi ẹkụra ana aā hị́ Ịhẹsịbọnị ọnị ọyị và ọpa tụra avọọ. Imisi ẹnẹẹ vị ana gụrị oze ọbanyị ẹkụra ọnọọ. Aahị awụ ô zoza pooro anka irehi ọgọdọ ana ya Ịrẹbanọnị ana va ẹkụra ana aā hị́ Ịdamasịkọsị chire.

Iwe Ọhụhị Imosiisi ana aa hị́ Ọyịvatụrọda 2:12

Anihori nịnị ẹ̀ vị ọdịrẹma ana ra Ịsẹyị dị evere Iisọ vaa dọ wa jịnẹ anka Anisirẹrị mẹ dụ ọnịvị ẹnịnị hụụnị ẹtẹ ọnị Ẹnẹyịmavara sị yị wa.

Ịrịka 21:31

Ịjị Anisirẹrị sị ra ịnị ẹtẹ Anamọrị,

Ịrịka 21:26

Ịhẹsịbọnị ọ vị ẹkụra ọbanyị Isihoni ohinọyị Anamọrị ana nyị ẹbẹẹba ohinọyị Animowabi, dị ọ dọ avaba ẹtẹ anị huu na ngụ Arinọnị nị.

Ọdọvịdị 11:26

Ọ rẹ kà a ka hụrẹ ịrayị ọnị Anisirẹrị nịnị hụrẹ ra hị́ ẹtẹ Ịhẹsịbọnị ọnịrị ẹtẹ Aroyeri beri ẹkụra oweyi-oweyi ẹnị ẹ kụ gẹ ẹngụ avọọ, sị ẹ vẹ dị Isihoni ẹ yị sị vụrị ka ẹnị ẹ dọ ẹtẹ ẹnẹẹ varẹma va ngụ ọyaanị.

Ịrịka 32:3

Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ,

Ijosuwa 24:8

Ịjọnọọ Ẹnẹyịmavara kụ wa na ngụ ẹtẹ Anamọrị ana ya eyi ịzị ọyị zị hụrẹ vẹ akẹnẹ Okuha Ịjọdanị. Aza ẹnẹẹ mẹ̀ kụ́ ịrẹkụ tu wa, dị Ẹnẹyịmavara sị nyị ẹbẹẹba ẹnịnị, dị ẹ dụ wa hụrẹ ịzọọ, dị ẹtẹ ọnọọ kụkụ vị ẹnịnị nị.