Ịrịka 20:8 - IWE ỌNỊNỊ

⁸ ọ sị okutẹ, dị ọnịrị Eerọnị ẹ hị́ ịragụ gụ, dị ọ ka ịda ka ọ sị enyi yị wa eyi ẹnịnị. Avọọ ẹnịnị mẹ va sị enyi yị Anisirẹrị ẹnịrị ịsụpa ẹnịnị hụụnị ịnị ịda nị.

Ịrịka 20:8 ပူးပေါင်းရင်းမြစ်များ

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

Inehemaya 9:15

Ọnị ọ sị ịsọyịrị hụrẹ ẹbẹẹba yi wa ịjị ụngwẹ aa kụ̀ wa nị. Dị ọ rẹ sị enyi yị wa hụụnị ịrẹta onyi maa kụ wa nị. Ọnị ọ kà a yị Anisirẹrị ka ẹ̀ na dọ ẹtẹ ọnị ọnị hị́ eku ka ọnị vaa sịị yị wa nị.

Ahẹ Ụgama 105:41

Ohomorihi ộ há ịrẹta irenu, dị enyi aa káa jịnẹ, di ee sì anka okuha avọọ ịnị ụnọmị nị.

Ahẹ Ụgama 114:8

Ohomorihi ọnọọ ọ mẹ ka enyi ọ̀ọ tụ̀ hụụ ịnị ịda nị, dị ọ mẹ ka ịda ọ̀ vara avata enyi nị.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ọyịkụra 14:16

Tana okutẹ awụ, dụ wa tana ụvọ tụra oku ọnọọ. Oku vaa gàa hi ẹẹva dị Anisirẹrị ẹ̀ zi oze ịnị akakana oku na para hu ịrẹsụ ẹtẹ ọyịwụ.

Ọyịkụra 17:9

Di Imosiisi ka Ijosuwa ọ̀ nyị anọrụ di è ne pè Anamarẹkị kụ́ ịrẹkụ nị. Ọ kà ọnị vaa sị okutẹ oni Ohomorihi ka ọnị ọ̀ sị rị ụvọ dị ọnị na jẹẹ ịrẹsụ ataba ụhwọọ.

Ọyịkụra 4:17

Dị ọ ka Imosiisi ọ̀ sị okutẹ ọnọọ rị ụvọ, ọnị ọ vaa sịị mẹ̀ ụkọrọ ịvọpa nị.”

Ọyịkụra 4:2

Dị Ẹnẹyịmavara họ̀ Imosiisi dị ọ ka, “Sị ẹ yà ịnị ụvọ anị avọọ?” Di Imosiisi ka okutẹ yọ nị. Dị Ẹnẹyịmavara rẹ ka o ne e tịtẹ.

Ọyịkụra 4:20

Di Imosiisi sị ose anị, dị ọ kụ́ ezi anị vaka a dị ọ kụ́ wa tụra ịkẹrịkẹtẹ dị ẹ sị varẹma aa nọ Ijipiti nị. Ộ sị okutẹ oni Ohomorihi ka ọ̀ sị za.

Ọyịkụra 7:20

Di Imosiisi ọnịrị Eerọnị vavọọ mẹ anka Ẹnẹyịmavara mẹ̀ kà a gẹdẹ-gẹdẹ nị. Di Eerọnị yà eyi Ihwarawo ọnịrị anụkọrọ anị dị ọ tana okutẹ anị tụ́ ẹba, dị ọ sị nya enyi ini okuha Ịnayịrị nị. Dị avaba enyi ọnọọ vavọọ vara tịtẹ nị.

Ayịsaya 43:20

Uye edivi nịnị vaa sị ụbanyị yị mị. Irezi ini enyi ẹnịrị ọgọdọbẹ nịnị vaa kụ́ mị avọ, ịjị màa mẹ okuha nịnị ee sii yị enyi ịnị ụnọmị, dị mị sị enyi yị aza amị ọnị mị nyị nị.

Ayịsaya 48:21

Onyi ọ yị kụ wa ịnị ụnọmị ọnị Ẹnẹyịmavara mẹ kụ wa zị. Ộ sị enyi hụụnị ịda yị wa. Ịda ộ ha ẹẹva, di enyi ee si hụụnị anị jịnẹ nị.

Ịrịka 20:11

Dị ọ kụ̀rà okutẹ anị dị ọ sị nya ịda ọnọọ ụpẹ ẹẹva, dị enyi kụ ọhaara jịnẹ hụụnị anị, dị avaba aza ẹnịrị ịsụpa ẹnịnị hú enyi nị.

Ịrịka 20:7

Dị ọ kà yị Imosiisi ka,

Ịrịka 21:15

Ọwọrọ hu chi inozi ọnọọ vị ana na ngụ ẹkụra Ari, dị ọ na ngụ ẹhwị ẹtẹ Imowabi.

Ịrịka 21:18

Ịkangga ọnị ọdọvịdị ayị nịnị chị. Okutẹ ohinọyị ẹnịnị ẹ̀ sị ka ịzị a chị nị. Dị Anisirẹrị nịnị hụrị ịnị ụnọmị ọnọọ na ngụ Imatana nị.

Imatiwu 21:21

Dị Ijeesu kà a yị wa ka, “Ịzẹyịza m maa kà a wụ nịnị nị, wàa nyị ẹdọwụ, dị ụ wẹ̀ yị mẹ ayị ẹẹva nị, ẹ yị vị ịsa ọnị mị mẹ hi ọchị ọnọnị kẹnẹ, ụ vaa mẹ nịnị. Ama wàa hyakụ kà a yị ataba ọnọnị nịnị ka ọ̀ kwẹẹtẹ, di ò ne ẹngụ anị ngụ ini òkū, vị ọ vavọọ aa yà nị.

Iruuku 11:13

Ẹwụ nịnị ana vị aza edivi, wàa yẹ ka â vọrọ ka wa sị ịsa ọyịza yị ezi ewu nịnị. Ụ mẹmẹ va yẹ ka Ada awụ nịnị ẹbẹẹba ọ yị vaa sị Ụhwẹ Ọnịnịị yị aza ana àa họ̀ ọ use anị.”

Ịjọọnụ 16:24

Pooro ve tù ọyaanị, ẹ̀ yị nyị ịsị u họ̀ use ịnị ịrẹha amị nịnị da. Huse ịsa nịnị, u vee ree dọ nịnị! Ọnọọ ọ vaa mẹ ka ịrajẹ awụ nịnị ọ̀ zụ gụ nị.”

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Ijosuwa 6:20

Ịjị ẹnịnị wụ ọpanyị ịrẹyị kẹnẹ, dị ọzọza ọ sị ọngwẹ tụ ẹbẹẹba na owu obooro-obooro ọnọọ dị ọvọ Ijeriko wu va hi ẹtẹ. Dị ẹnịnị ẹ ngụ ẹkụra tu wa dị ẹ rị wa nị.

Ijosuwa 6:5

Ịjị ẹnịnị ẹ̀ẹ wụ ka ohirẹsụ irehi Ohomorihi nịnị e hu ọpanyị dị ẹ tụra a ẹtẹ nị, dị avaba aza ẹ na owu, dị ẹtẹ ọ sụ hyụụ ịjọnọọ ọvọ Ijeriko ve wu va hi ẹtẹ, dị avaba aza kụkụ a ngụ eehi tu wa.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!