Ịrịka 20:6 - IWE ỌNỊNỊ

⁶ Dị Imosiisi ọnịrị Eerọnị jịnẹ hụụnị akakana ẹnịnị nọ enoze ajẹngụ Ẹnẹyịmavara, dị ẹ vaku ẹtẹ, dị Ẹnẹyịmavara sị ẹngụ zụ wa nị.

Ịrịka 20:6 ပူးပေါင်းရင်းမြစ်များ

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Ọyịkụra 16:10

Eerọnị màa kà ịrẹyịị yị avaba Anisirẹrị dị ẹnịnị và eyi ka ịnị ụnọmị nị. Di e vene re ka ẹtẹ ô hu eyi nyáà ịnị eguhi Ẹnẹyịmavara sị ẹngụ zụ̀ nị.

Ọyịkụra 17:4

Di Imosiisi ve nowu na za Ẹnẹyịmavara nị. Dị ọ ka, “Sị mị vaa sị mẹ aza ẹnẹnị aanị? Eyee vee ne mi ịrẹta ộ.”

Ịrịka 12:5

dị Ẹnẹyịmavara chi vee tu wa ịnị eguhi ana da jẹẹ ẹbẹẹba irehi ọnọọ nị. Dị ộ hị́ Imeriyamị ọnịrị Eerọnị tụ́ ọvịdị nị.

Ịrịka 14:10

Ama dị avaba Anisirẹrị aa kà a ka ẹnị a sị ịrẹta-ịrẹta wụ Ijosuwa ọnịrị Ikarẹbị nị. Obooboro ọnọọ Ẹnẹyịmavara sị ụbanyị anị zụ ịrẹsụ ajẹngụ anị dị avaba Anisirẹrị nịnị re e nị.

Ịrịka 14:5

Dị Imosiisi ọnịrị Eerọnị tana tụra ẹtẹ ọvịdị ẹnịnị.

Ịrịka 16:19

Dị Ikora kụ avaba Anisirẹrị nịnị gụ enoze ajẹngụ ka ẹ va eyi ka Imosiisi nị. Obooboro ọnọọ, dị Ẹnẹyịmavara sị ẹngụ zụ wa, dị ẹtẹ hweyi kara avaba ịragụ ana gụ nị.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ịrịka 16:4

Imosiisi mẹ wụ́ ịrẹyị ọnọnị, di o ku ẹtẹ, dị ọ mẹ̀ aduwa nị.

Ịrịka 16:42

Ịjị ịragụ sị gụ ka ẹnị ẹ va eyi ịrazị ka Imosiisi ọnịrị Eerọnị, dị ẹnị ẹẹva vara eyi ka ajẹngụ Ẹnẹyịmavara ịzị ọnịrị wa gẹ; dị Ẹnẹyịmavara sị ẹngụ zụ nị. Dị eguhi da jẹẹ, dị avaba ẹtẹ vene hweyi nyaa nị.

Ịrịka 16:45

ọ hụụ ịnị akakana ẹnịnị agụvị dị ọnị ọ wụ ịtapa-ịtapa. Ama dị Imosiisi ọnịrị Eerọnị tana tụra ẹtẹ dị e va eyi ku ẹtẹ nị.

Ịrịka 20:7

Dị ọ kà yị Imosiisi ka,

Imatiwu 26:39

Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.