Ịrịka 20:20 - IWE ỌNỊNỊ

²⁰ Dị Anedomi nịnị tụ́ ohi ka, òo zee wa eyi, ee parahu, ama ẹnị vaa kụ isoja hi ẹhẹ tu wa.

Ịrịka 20:20 ပူးပေါင်းရင်းမြစ်များ

Oyinyima 27:41

Iisọ vị ana kụkụ nyayịnẹ aa kụ́ ayị Ijekọvụ agụvị aduwa ana ada anị mẹ yọ. Di Iisọ ka a ịnị ayị anị ka ma yẹ ka ada anị ee vee sú. Òo wusu, dị ọnị wụ Ijekọvụ ọyịnyara anị.

Oyinyima 32:6

Di ọnụtụ ẹnẹ vavẹ ve tù Ijekọvụ dị ẹ ka, “Ẹnị ẹ ne tù Iisọ ẹnẹbẹnị anị. Ẹ ka ộ kụ́ aza ẹnị akava tụra ẹngụ aa vaa gẹrị Ijekọvụ.”

Ahẹ Ụgama 120:7

Màa kà ịrẹyị ẹngwọọrọ, di a vara a ịrẹyị ịrẹkụ.

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Ịrịka 20:18

Dị Anedomi nịnị va ohi na yị wa ka, òo zee wa eyi ẹ parahu. Ama ẹnịnị èe hira, ẹnị aa jịnẹ tụ́ ẹhẹ tù wa nị.

Ịrịka 20:21

Ka Anedomi ẹ yị zẹ ka ẹnịnị ẹ parahu, dị Anisirẹrị nịnị zị ụsẹ jesi kara ẹtẹ na zị oze ọsa nị.

Ọdọvịdị 11:17

Ịjẹhwịta ka ẹ mẹ vavọọ va sị ngụ Ikadesi dị Anisirẹrị tụ aza ne tu ohinọyị Anedomi ka aarịhịnị ọ jẹẹ dị ẹnị ẹ zị oze ịnị ẹtẹ anị parahu nị, ọ ka ama ohinọyị Anedomi ẹ yị zẹẹ. Ịjẹhwịta rẹ ka Anisirẹrị ẹ vavọọ rẹ tụ ụtụ ne tu ohinọyị Animowabi, ama ọnị ọ yị rẹ zẹẹ. Ịjẹhwịta ka ịjị ohinọyị ẹnẹnị vavọọ ka ẹnị ẹ yị dọ, dị Anisirẹrị nịnị kụkụ vavọọ hị́ Ikadesi nị.

Ọdọvịdị 11:20

Ịjẹhwịta ka Isihoni ẹ yị dọ ka Anisirẹrị ẹ zị oze ịnị ẹtẹ anị parahu agụvị ka ẹ yị sị ayị tụra wa. Ọ kà dị Isihoni na kụ isoja anị gụ ịzị aa hị́ Ijahazi dị ẹ kụ ịrẹkụ ne tu Anisirẹrị nị.