Ịrịka 20:2 - IWE ỌNỊNỊ

² Ịnị ụmẹ ọnọọ, ẹ yị nyị enyi ana vọrọ ka aza e hú. Agụvị avọọ dị avaba Anisirẹrị nịnị gẹ tù Imosiisi ọnịrị Eerọnị nị.

Ịrịka 20:2 ပူးပေါင်းရင်းမြစ်များ

Ahẹ Ụgama 106:32

Anisirẹrị mè re tù ini okuha Imeriba, ẹ rẹ mẹ ayị kụ́ Ẹnẹyịmavara. Imosiisi ộ nyị ẹngụkata agụvị ẹnịnị.

Ọyịkụra 16:12

“Ma raà wụ́ Anisirẹrị màa rị ihuhuu. Kà ẹ yị wa ka ịnị ụmẹ oruva ẹ vaa rị uye, dị ẹ rị ịsọyịrị ẹnẹnẹ dị ịnẹ há wa. Ịjọnọọ ẹ vaa yẹ ka ẹma vị Ẹnẹyịmavara ana vi Ohomorihi awụ nịnị nị.”

Ọyịkụra 16:2

Dị avaba Anisirẹrị yà ịnị ụnọmị ịzọọ dị ẹ yaa rị ihuhuu hi Imosiisi ọnịrị Eerọnị nị.

Ọyịkụra 16:7

U re vee re ụbanyị Ẹnẹyịmavara nịnị agụvị ka ộ wụ́ ụ màa rị ihuhuu hi ọ nịnị. Ẹ yị nyị ịsị ẹyị vị, agụvị avọọ ẹ yị vị ẹyị ụ waa rị ihuhuu hi nịnị.”

Ịrịka 14:2

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Ịrịka 16:19

Dị Ikora kụ avaba Anisirẹrị nịnị gụ enoze ajẹngụ ka ẹ va eyi ka Imosiisi nị. Obooboro ọnọọ, dị Ẹnẹyịmavara sị ẹngụ zụ wa, dị ẹtẹ hweyi kara avaba ịragụ ana gụ nị.

Ịrịka 16:3

Dị ẹnịnị vabẹ va eyi ka Imosiisi ọnịrị Eerọnị. Dị ẹ ka Imosiisi ọnịrị Eerọnị è ro ka ẹnị hụụnị aza ana vọ nị. Avaba ẹnịnị Anisirẹrị vị aza Ẹnẹyịmavara, dị ọ rẹ ya pe ẹnị nị. Sị ẹ zụ mẹ ka Imosiisi ọnịrị Eerọnị ẹẹ sị eyi wụ̀ aza ana vọ?

Ịrịka 16:42

Ịjị ịragụ sị gụ ka ẹnị ẹ va eyi ịrazị ka Imosiisi ọnịrị Eerọnị, dị ẹnị ẹẹva vara eyi ka ajẹngụ Ẹnẹyịmavara ịzị ọnịrị wa gẹ; dị Ẹnẹyịmavara sị ẹngụ zụ nị. Dị eguhi da jẹẹ, dị avaba ẹtẹ vene hweyi nyaa nị.

Ịrịka 21:5

Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ.