Ịrịka 20:16 - IWE ỌNỊNỊ

¹⁶ Ịjị ụya sị hụ ẹnị, dị ẹnị nowu na za Ẹnẹyịmavara, dị ọ wụ́ orere ẹnịnị, dị ọ tụ́ anggẹẹrị anị ana kụ ẹnị jịnẹ hụrị ẹtẹ Ijipiti nị. Booro aanị ẹnị ya ịzị aa hị́ Ikadesi ẹhụ ẹgẹ ẹtẹ ẹnịnị.

Ịrịka 20:16 ပူးပေါင်းရင်းမြစ်များ

Ọyịkụra 14:10

Ịjị Anisirẹrị nịnị re ka Ihwarawo ọnịrị Anijipiti aa dụ ẹnịị vẹ, dị angwa ee hí wa, di e nowu na za Ẹnẹyịmavara nị.

Ọyịkụra 14:19

Di anggẹẹrị Ohomorihi ana vịdị yà ọvịdị isoja Anisirẹrị aa na và nọ ịrẹma dị ọ na jẹẹ ịrẹma nị. Di eguhi ana da jẹẹ ọvịdị ọnị và nọ ịrẹma dị ọ na jẹẹ ịrẹma Anisirẹrị nịnị nị.

Ọyịkụra 23:20

Mị vaa tụ́ anggẹẹrị amịị dọ ọvịdị awụ nịnị. Ọnị ọ vaa zụ̀ wụ nịnị oze dị ọ sị wụ nịnị na ngụ ịzị mi reè tenyi zi wu nịnị nị.

Ọyịkụra 33:2

Ẹnẹyịmavara kà ọnị vaa tụ́ anggẹẹrị anị dị ọ̀ tụ́ ọvịdị ẹnịnị na. Ọ rẹ ka ọnị vaa dụ anẹkụra ẹnẹnị hụụnị ẹtẹ ọnọọ yị wa. Anẹkụra ẹnẹẹ ẹ vị Anikenaani, Anamọrị, Anihiti, Aniperizi, Anihivi ọnịrị Anijebusi.

Ọyịkụra 6:5

Ọ kà ọnị ụvọta ọ raà wụ́ owu anị Anisirẹrị aa na Anijipiti maa sị ụyaa rị wa. Ọ kà ọnị aa dọ wa tụ́ ka asị ẹ kụkụ vị ọrịhị ẹnịnị. Ọ kà ụkata-ụkata ọnị aa sịị dọ wa tụ̀ nị, dị ọnị rẹ mẹ̀ ọkarẹyị yị Anijipiti nịnị.

Ịdanịyẹrị 6:22

Ọ kà, Ohomorihi ộ tụ anggẹẹrị anị va sị ịsa kú idu nịnị irenu ka asị ẹ zụ mẹ̀ ọnị ịrẹyị. Agụvị ka ộ yẹ ka ẹ yị nyị odivi ọnị ọnị mẹ, dị ẹ̀ yị rẹ nyị odivi ọnị ọnị mẹ hi ẹwụ ohinọyị nị.

Ịrịka 20:15

Ohiku ẹnịnị ẹ nọ Ijipiti na ra ku ịzọọ, dị ahịka Anigipiti nịnị naa mẹ ẹvaya yị ẹnị ẹnịrị ohiku ẹnịnị ẹnẹẹ nị.

Ịrịka 21:22

“Aarịhịnị ọ navọ ẹnị e che ẹtẹ anị parahu dee! Ẹnị ẹ vaa ha ngụ ịnị aarẹ, a vị ụbazị ẹnịnị. Ẹnị e yee hú enyi ini ịkangga ọnyọọnyị. Ẹnị vaa vatụra oze ọbanyị pooro dị ẹnị para ẹtẹ ẹnịnị hu nị.”

Ịrịka 33:37

Dị ẹ hụụ ịzọọ na jị udi tụ́ ataba Ihọ̀ ana vị ẹhwị ẹtẹ Edomi.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Ijosuwa 15:1

Ẹtẹ ana a ga tu Ijuda, abara-abara vị ana na ngụ ụvẹtẹ ẹtẹ Edomi huu ne tù ụnọmị Izini eyi ụvẹtẹ kere-kere.