Ịrịka 20:14 - IWE ỌNỊNỊ

¹⁴ Dị Anisirẹrị nịnị va hụrị Ikadesi, Imosiisi tụ́ aza ne tụ́ ohinọyị Anedomi ka, ẹnị Anisirẹrị ẹnị ẹnịrị wa vị ezi ẹyịnyara avọọ, ẹ tụ́ ve tụ́ wa nị. Ẹnịnị ẹ yẹ akanya ọnị ẹnị yaa ịnị anị booro aanị.

Ịrịka 20:14 ပူးပေါင်းရင်းမြစ်များ

Oyinyima 25:23

Ọ mẹ na họ̀ ọ, Di Ẹnẹyịmavara tụ́ o ohi dị ọ ka: Anẹkụra ẹẹva e hi ịnị ịrẹka anị nị. Anẹkụra ẹẹva ọ vaa ma nị, ama vị ẹ vaa gàa hi nị. Ọnya ọ vaa nyị ụkata hu ọsa nị. Ana vị ọzọkụ ọ vaa hẹkẹ ana vi ozweyi nị.

Oyinyima 25:25

Ịpaapa mẹ jịnẹ vẹ, dị ọ vi ovivi, dị ẹngụ anị vị ẹyị-ẹyị anka ịta ẹyị-ẹyị avọọ nị, agụvị avọọ di aa hị́ ọ Iisọ nị. Iruvo Edomi ô vene ịrẹyị ẹnị ẹẹ̄ hị́ ovivi ịnị ẹkụra Anihiburu.

Oyinyima 25:26

Dị ọhụva anị ọnị rẹ jịnẹ vẹ nị, dị ahịka vị ọ sị ụvọ za Iisọ ibezi ahụ nị, agụvị avọọ di aa hị́ ọnọọ Ijekọvụ nị. Ayiziiki vị ịrayị ẹbẹẹta di Irebeka vavọọ ma ezi ẹnẹẹ. Ijekọvụ ini Ihiburu, ô vene ịrẹyị ẹnị ẹẹ̄ hị́ ibezi ahụ (Oyn 27.36).

Oyinyima 32:29

Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị.

Ọyịkụra 18:8

Di Imosiisi kà a yị Ijetiro avaba ịsị Ẹnẹyịmavara hụ agụvị Anisirẹrị mẹ Ihwarawo ọnịrị Anijipiti nị. Dị ọ rẹ kà a yọ avaba ẹngụkata ene tù wa ózee ọnịrị Ẹnẹyịmavara mẹmẹ dọ wa tụ́ nị.

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Ịrịka 13:26

Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị.

Ịrịka 20:15

Ohiku ẹnịnị ẹ nọ Ijipiti na ra ku ịzọọ, dị ahịka Anigipiti nịnị naa mẹ ẹvaya yị ẹnị ẹnịrị ohiku ẹnịnị ẹnẹẹ nị.

Ịrịka 20:22

Dị Anisirẹrị nịnị hụrị Ikadesi na ngụ ataba Ihuuri nị.

Iwe Ọhụhị Imosiisi ana aa hị́ Ọyịvatụrọda 23:7

A sị ụ sị eyi wụ Anedomi nịnị, agụvị ka anda awụ nịnị ẹ vị nị. Dị a sị ụ rẹ sị eyi wụ Anijipiti nịnị, agụvị ka azọga ana vịdị ra ịnị ẹtẹ ẹnịnị ụ vị nịnị nị.

Ijosuwa 2:10

Dị ọ rẹ ka ẹnị ẹ wụ́ Ẹnẹyịmavara mẹmẹ ka ẹtẹ ọ wụ́ yị wa dị ẹ jịnẹ ịnị akakana irehu ovivi ẹ mẹ hụrẹ Ijipiti aa vẹ. Avọọ ẹnị mẹ rẹ wụ́ ịrẹyị ene tu Isihoni ọnịrị ogu ana vị ohinọyị Anamọnị eyi ịzị ọyị zị hụrẹ vẹ, akẹnẹ irehu Ijodani. Avaba aza ẹnịnị vị ene vú ẹtẹ bemi-bemi.

Ijosuwa 2:9

Dị ọ ka yị wa ka ọnị ọ yẹ ka Ẹnẹyịmavara ọ̀ raa sị ẹtẹ ọnọọ yị wa. Avaba ẹnịnị vị ene hí angwa, dị ivoovo sị ẹnị za.

Ijosuwa 9:10

ọnịrị ohinọyị Anamọrị ẹẹva ana ya akẹnẹ Ijodani eyi ịzị ọyịị̄ hụrẹ vẹ. Avọọ ọ mẹ rẹ mẹ̀ Isihoni ohinọyị Ịhẹsịbọnị ọnịrị Ọgị ohinọyị Ịbasanị ana ra Asịtarọtị.

Ijosuwa 9:9

Dị ẹnịnị maanị pa ịta yị Ijosuwa nị: Ẹ kà aha onoze ẹnị hụrẹ vẹ nị. Ẹnị ệ wụ́ ịrẹyị Ẹnẹyịmavara ana vị Ohomorihi Anisirẹrị nịnị. Ẹ kà ẹnị ệ wụ́ avaba ịsa ọnị Ẹnẹyịmavara mẹ̀ Anijipiti nịnị,