Ịrịka 20:13 - IWE ỌNỊNỊ

¹³ Dị Anisirẹrị hị́ enyi ọnọọ enyi Imeriba ọnị iruvo anị vị ịrazị. Anisirẹrị nịnị e beri Ẹnẹyịmavara zyaazị, dị ọ sị ụkata ọnịnị anị zụ wa nị.

Ịrịka 20:13 ပူးပေါင်းရင်းမြစ်များ

Ahẹ Ụgama 81:7

Ohomorihi ka ụ maà rị ụya, di u nowu va za ọnịnị nị, ọnị ộ ba wụ nịnị owu. Ọ kà ọnị yà ịzị opomi yà aa tụ́, dị ọnị tụ́ wụ nịnị ohi nị. Ọ rẹ ka ọnị ộ zama wụ nịnị re ini okuha Imeriba.

Ahẹ Ụgama 81:8

Ohomorihi rẹ ka Ẹwụ nịnị Anisirẹrị, batọ nịnị. Wàa sị ụtọ pè ịrẹyị amị nịnị, mị vaa kà wụ nịnị ọ̀nọ̀.

Ọyịkụra 17:7

Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”

Ayịsaya 5:16

Ẹnẹyịmavara Ochẹtẹẹngụ vaa mẹ̀ ịsa ana vọrọ dị ọ̀ sị sị ụbanyị anị zụ̀. Ọ vaa mẹ̀ ọkarẹyị yị aza ẹnẹẹ dị ọ̀ sị zụ̀ ka ọnị vị ọnịnị.

Ezikẹẹrị 20:41

Ẹnẹyịmavara kà ịjị ọnị ọọ raa kụ wụ nịnị vavẹ eehi hụrị avaba ịzị a gara wụ nịnị ne hi, ụ́ kụkụ vaa sị mẹẹ anka ịsọvọ enee hine ọnị nịnị avọọ yị ọnị nị. Ọnị vaa sịị zụ anẹkụra ka è ré ka ọnịnị ọnị vị nị.

Ezikẹẹrị 36:23

Ọ kà, ịjị ọnị ọ̀ọ raa sị zụ anẹkụra-ẹkụra nịnị ka ịrẹha anị ọnị waa mẹ ụhịị nyịị ngụ ịdị ẹnịnị zị aanị vị ọnịnị, ẹnịnị vaa yẹ ka ọnị ọ vị Ẹnẹyịmavara nị. Ọnị, Ẹnẹyịmavara Ochẹtẹẹngụ ọ kà avọọ nị. Ọnị vaa sị wụ nịnị mẹ ka ẹkụra-ẹkụra ẹ̀ yẹ ka ọnịnị ọnị vị nị.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Iwe Ọhụhị Imosiisi ana aa hị́ Ọyịvatụrọda 32:51

Ẹnẹyịmavara kà ọnị ọ vavọọ mẹ̀ wa agụvị ka ẹ jị ọnị ịrẹka aha enyi Imeribaana gụrị Ịkẹdẹsị ịnị ụnọmị Izini. Ẹnịnị ẹ yị sị ụbanyị yị ọnị eyi aza.

Iwe Ọhụhị Imosiisi ana aa hị́ Ọyịvatụrọda 33:8

Imosiisi mẹ̀ aduwa yị Anireevi ka; Ẹnẹyịmavara ọ navọ itumimi ọnịrị Urimi anị ẹ sị ịsị vị ọyịsị anị zụ wa ana vị aza anị. Wâ sị akanya zama wa re ẹtẹ Imasa ịnị enyi Imeriba agụvị dị wa yẹ ẹngụ aza ẹnị ẹ vị.