Ịrịka 20:12 - IWE ỌNỊNỊ

¹² Dị Ẹnẹyịmavara kà yị Imosiisi ọnịrị Eerọnị ka agụvị ka ẹnịnị ẹ yị sị ayị tụra ọnị, dị ẹ sị ụkata anị zụ eyi avaba Anisirẹrị, ẹnịnị ẹ yị va kụ aza anị na ngụ ẹtẹ ọnị ọnị raà sị yị wa.

Ịrịka 20:12 ပူးပေါင်းရင်းမြစ်များ

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

Ahẹ Ụgama 106:32

Anisirẹrị mè re tù ini okuha Imeriba, ẹ rẹ mẹ ayị kụ́ Ẹnẹyịmavara. Imosiisi ộ nyị ẹngụkata agụvị ẹnịnị.

Ahẹ Ụgama 99:8

Ẹnẹyịmavara ana vị Ohomorihi ayị, wê tụ́ ohi aduwa ẹnịnị. Ịzẹyịza ụụ̄ sị ụyaa rị wa, ana ụ rẹẹ̄ vagu, wa ini ịsa edivi ẹnị ẹ̀ẹ mẹ.

Ayịsaya 7:9

Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

Ayịsaya 8:13

Ọ kà ọnị Ẹnẹyịmavara ana nyị ụkata kẹnẹ a vọrọ ka ma yẹ ka ộ vị ọnịnị nị. Ọnị ọnọọ a rẹ vọrọ ka ma nyị angwahi anị nị.

Ezikẹẹrị 20:41

Ẹnẹyịmavara kà ịjị ọnị ọọ raa kụ wụ nịnị vavẹ eehi hụrị avaba ịzị a gara wụ nịnị ne hi, ụ́ kụkụ vaa sị mẹẹ anka ịsọvọ enee hine ọnị nịnị avọọ yị ọnị nị. Ọnị vaa sịị zụ anẹkụra ka è ré ka ọnịnị ọnị vị nị.

Ezikẹẹrị 36:23

Ọ kà, ịjị ọnị ọ̀ọ raa sị zụ anẹkụra-ẹkụra nịnị ka ịrẹha anị ọnị waa mẹ ụhịị nyịị ngụ ịdị ẹnịnị zị aanị vị ọnịnị, ẹnịnị vaa yẹ ka ọnị ọ vị Ẹnẹyịmavara nị. Ọnị, Ẹnẹyịmavara Ochẹtẹẹngụ ọ kà avọọ nị. Ọnị vaa sị wụ nịnị mẹ ka ẹkụra-ẹkụra ẹ̀ yẹ ka ọnịnị ọnị vị nị.

Ezikẹẹrị 38:10

Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Ịrịka 11:15

Imosiisi ka aa vị aanị Ẹnẹyịmavara mẹ vaa mẹ̀ ọnị nị, ọ vana mẹ ka ọ wụ ọnị dị ọnị ọ hụụnị ụya.

Ịrịka 20:24

ụmẹ o si tu ka Eerọnị ọ na yẹ ozu anị. Ọ kà ẹnị ẹyịva ẹ yị vaa ngụ ẹtẹ ọnị ọnị sị Anisirẹrị agụvị akamawụ ẹnị ẹ mẹ̀ ịzị ọnị yaa sị yị wa Imeriba.

Ịrịka 27:14

Ẹnị ẹyịva ê su agụvị ka ẹnịnị ẹ sị ahụ jịnẹ ọda Ẹnẹyịmavara ịnị ụmẹ ọnị avaba ịragụ Anisirẹrị sị zyaazị hị́ ọnị agụvị enyi Imeriba ịnị ụnọmị Izini.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Iruuku 1:20

Ama ụ wẹ yị mẹ dọ ịrẹyị amị wụ́ aanị, u vee gu irenu ne tu ịhịịhị aa sị ozi ọnọọ ma, agụvị ka ịrẹyị ọnị mị kà vaa sẹ.”

Iruuku 1:45

Wâ da jẹ kẹnẹ, agụvị ka wâ dọ wụ́ ka Ohomorihi vaa mẹ ịrẹyị ọnọọ kà wụ.”

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Aniroomi 4:20

Ọ yị mẹ ayị ẹẹva, dị ọ̀ọ jị ịrẹyị Ohomorihi ịrẹka. Agụvị ka ộ sị ayị tụra Ohomorihi, ộ jẹẹ geri-geri, dị aa sị ụgaa yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 1:37

Agụvị ẹnịnị Ẹnẹyịmavara dụ ayị hi Imosiisi, dị ọ̀ ka Imosiisi ọnị ẹ yị rẹ vaa ngụ ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 34:4

Dị Ẹnẹyịmavara kà yị Imosiisi ka, ẹtẹ ọnọnị ọnị hị́ eku anị ka ọnị vaa sị yị evere Abụrahamị, Ayiziiki ọnịrị Ijekọvụ. Ọnị ọ̀ navọ ka Imosiisi o re e ama ẹ yị vaa ngụ ịzọọ.

Iwe Ọhụhị Imosiisi ana aa hị́ Ọyịvatụrọda 4:21

Imosiisi ka, agụvị ẹnịnị Ẹnẹyịmavara Ohomorihi ẹnịnị sị du ayị hi ọnị, dị ộ hị́ eku ka ọnị ẹ yị vaa jịnẹ irehu Ijodani na ngụ ẹtẹ ozoza ọnị ọnị aa sị yị wụ nịnị.

Ijosuwa 1:2

Ộ kà, Imosiisi ana vị ozi ahụ anị mè wusu aanị, Ijosuwa ọ̀ kwẹẹtẹ dị ọ̀ kụ́ avaba Anisirẹrị jịnẹ Okuha Ịjọdanị na ịnị ẹtẹ ọnị ọnị aa sị wa.

1Ipita 3:15

Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi.