Ịrịka 19:21 - IWE ỌNỊNỊ

²¹ Ọda ọnọọ nị va naa va sị ahụ chire pooro. Ọza ene che enyi sẹ aza ẹngụ ọyị vara wa ọnịnị ọnị ọ rẹ bẹdọ nyịna ịta anị, aza ana sị ụvọ kanyị enyi ana sị vara aza ọnịnị ẹ yị va nị pooro di oruva o tu.

Ịrịka 19:21 ပူးပေါင်းရင်းမြစ်များ

Ọyịkụra 27:21

Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.

Ireevi 11:25

Ọza tụra ọza anaaa sị oku uye ẹnẹnị ẹnyẹẹnyị vanaa nyịna ịta anị, ama naa ngụ oruva ịhị ọnọọ, ọ sị ẹngụ anị du ẹngụ.

Ireevi 11:40

Àa nyị ọza ana rị oku uye ẹnẹẹ, ọ̀ na nyịna ịta anị, ama ọza ọnọọ ọ sị sị ẹngụ anị du ẹngụ na ngụ oruva; ọza tụra ọza ana àa sị oku uye ẹnẹẹ, áa nyị ka ọ̀ na nyịna ịta anị, ama ọza ọnọọ ọ sị sị ẹngụ anị du ẹngụ na ngụ oruva ịhị ọnọọ.

Ịrịka 18:23

Anireevi nịnị kẹnẹ ẹ vaa mẹ avaba ụkọrọ ịnị ajẹngụ anị nị. Ẹnịnị ẹ̀ yaa rị ụya akụvị ana aa mẹ̀ ịzọọ nị. Ọda ọnọnị vị ana va ya ịzọọ pooro. Ẹnịnị ẹ yị vaa nyị tụ ịnị ẹtẹ ana a sị yị ịrẹsụ-ịrẹsụ Anisirẹrị ana vọ.

Ịrịka 19:10

Ọza anaa kụ́ atịtọ ọnọnị gụ vị ọnị ọnị rẹ vaa nyịna achị anị, dị ọ hụ enyi. Ọnị ọ yị rẹ nị pooro ngụ oruva anị. Ọda ọnọnị vị ana ya ịzọọ pooro ya Anisirẹrị nịnị ọnịrị anikinami anaa ra beri wa.

Ịrịka 19:7

Ohirẹsụ irehi Ohomorihi ọ̀ọ sị mẹ ta, dị ọ hụ enyi, dị ọ nyịna awuru anị, dị ọ va zụ ngụ ịzị aza hi. Ama ịsa ọnị ọ mẹ aanị ó re du ọ ẹngụ. Ọ yị vaa nị pooro dị oruva anị o tù.

Ịrịka 19:8

Ọza ana rị imaaru ọnọọ ịra vị ọnị rẹẹ̀ vaa hụ enyi dị ọ nyịna achị anị. Ịsa ọnị ọ mẹ aanị o reè du ẹngụ pooro dị oruva anị o tù.

Anihiburu 10:4

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.