Ịrịka 19:2 - IWE ỌNỊNỊ

² ẹ ka yị Anisirẹrị nịnị ka ẹ za ido ọnẹnị. Ọ kà ẹnịnị ẹ̀ sị imaaru ovivi ọnị ẹ yị nyị ụkụ, dị ọza ẹ yị vịdị sị mẹ̀ ụkọrọ ịnị aarẹ da va yị wa.

Ịrịka 19:2 ပူးပေါင်းရင်းမြစ်များ

Ọyịkụra 12:5

Ọ kà atẹmẹ ẹnị ẹ̀ẹ sị ọ vị ịdẹba ịrayị ọnya, dị asị a nyị ịsị ẹ mẹ̀ ẹ vụrụ-vụrụ. Dị ọ ka òo zee wa eyi ahịka ẹvụ ẹ vavọọ sị nị.

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Arụwẹ 1:14

O re avaba ịvị ọnị ẹnị mẹ̀, dị ọ sụ́ ọ vabẹ nị; Dị ọ sị ọọ gẹ ẹnị ọrọkọ, dị ẹnya sị ngụ ẹnị nị. Ẹnẹyịmavara ộ sị ẹnị chire ọnịvị ẹnịnị ụvọ. Ẹ yị hyakụ nyị ịsị ẹnị zụ pe wa mẹ vụrụ-vụrụ.

Ireevi 1:10

Àa vị ịdẹba à vị ịdẹ ọza ọnọọ aà sị hụụnị ịsụpa ana aa pá vaa mẹ̀ ịsọvọ nị, ọ̀ sị ẹnẹ ẹ̀ yị tụ ọkụmị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 14:6

Ọ vaa sị inomi ireyi-ireyi ana vọ aanị, beri ọchị isida, owu ovivi, ọnịrị avị ana aā ihisopu aanị, dị ọ jị wa ngụ inomi ana a wụ̀ aanị.

Ịrịka 19:1

Ẹnẹyịmavara ọ̀ kà a yị Imosiisi ọnịrị Eerọnị ka,

Ịrịka 19:6

Eriyaza ọ sị ọkụ isida, ọnịrị avọ avị ana aā hị́ ihisopu ne beri owu ovivi tụ́ ịnị ịra anị.

Ịrịka 31:21

Di Eriyaza ana vị ohirẹsụ irehi Ohomorihi kà yị ẹnị ana hụrị eyi ịrẹkụ vẹ ka ọda ẹnẹnị Ẹnẹyịmavara sị yị Imosiisi nị.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Iwe Ọhụhị Imosiisi ana aa hị́ Ọyịvatụrọda 21:3

Ọdọvịdị ene hi ịnị ẹkụra ọnọọ ẹ sị ozi imaaru ọnị ọza ẹ yị vịdị sị mẹ̀ ụkọrọ daa.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

1 Ịsamụwẹrị 6:7

Dị ọga ori ẹnẹẹ rẹ ka Anihwirisiti nị ẹ̀ mẹ ịkẹkẹ ọwọọwa ọnị imaaruū tura, dị ẹ̀ rẹ sị imaaru ẹẹva ene vee tura a. Ẹ ka ẹ̀ sị imaaru ọnị ọza ọ̀ọ́ọ yị sị kụ́ ịrịkụ da dị ẹ̀ rẹ vị ọnyị ozi. Dị ọga ori ẹnẹẹ rẹ ka à du ozi imaaru ẹnẹẹ na và hi ịnị ọba, di è kuru imaaru ẹnẹẹ za ịkẹkẹ ọnọọ.