Ịrịka 19:19 - IWE ỌNỊNỊ

¹⁹ Ịhị ana tụ ọ ẹkụhị ọhụta ne beri ẹkụhị ịhịmba ọza ana sị vara ọnịnị o che enyi sẹ aza ẹnẹ nị ẹngụ. Ịhị ana tụ ẹkụhị ịhịmba aza vara ọnịnị ẹ nyịna awuru ẹnịnị, dị ẹ hụ̀ enyi, oruva ọnọọ ẹ va vara ọnịnị.

Ịrịka 19:19 ပူးပေါင်းရင်းမြစ်များ

Oyinyima 2:2

Ịhị ẹ tụ́ ọ ẹkụhị ịhịnọnyị, Ohomorihi ộ sị avaba ụkọrọ anị mẹ ta. Ịhị ẹ tụ ọ ẹkụhị ịhịmba Ọ yị kụkụ mẹ̀ ụkọrọ.

Ọyịkụra 19:10

Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị,

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ireevi 14:7

O vee che ọnọọ sẹ ọza ana nyị ka à nyịna ịdọtị ụkụ ana za a aanị kwooze, dị ọ̀ va ka a ka ụkụ anị ọọ tá. Ọ̀ọ sị ọsọnị mẹ, dị ọ hụrẹ inomi ana vọ aanị ụvọ dị ọ hira na ngụ avị.

Ireevi 14:9

Ịhị ẹ tụ ọ ẹkụhị ịhịmba, ọ vaa varẹma kụ ẹyịrẹsụ anị ọnịrị ịrẹwa anị, ẹyị ịnị ẹgọgọ anị ọnịrị avaba ẹyị ịnị ẹngụ anị ana vọ. Dị ọ vana nyịna ịta anị, dị o hú enyi. Ọ̀ọ sị ẹnẹnị mẹ, ọ vaa nị ọgọnị.

Ịrịka 19:12

Aa nyị ka ẹngụ aza ẹnẹẹ ẹ hụ enyi ana sị atịtọ tụ́ ịhị ẹ tụ ọ ẹkụhị ọhụta ọnịrị ẹkụhị ịhịmba, dị ẹ nị ịhị. Ama ẹnịnị ẹ̀ẹ yị vara ẹngụ ẹnịnị ọnịnị ịnị ẹkụhị ọhụta ọnịrị ẹkụhị ịhịmba, ẹnịnị ẹ yị nị.

Ịrịka 19:13

Aza anaa kanyị oku ọza, dị ẹ yị hụ enyi ana a sị atịtọ vahụra dị ẹ nị nị, ẹnịnị ẹ ra du irehi Ẹnẹyịmavara ẹngụ. Agụvị avọọ asị a ro wa vaka Anisirẹrị nịnị nị.

Ịrịka 19:18

Ọza ana ra vara ọnịnị ọ sị avọ́ ọchị ana hị́ ihisohu dị ọ jị ọ ngụ enyi dị ọ chesẹ avaba ịsa ene hi ịnị ajẹngụ Ẹnẹyịmavara ne beri aza ene hi ịzọọ, ọza ana sị ụvọ ka nyị oku, a vị awụ ọ nị, a vị ka vị o su usu ozu anị nị, avị ka wa sị ụvọ ka nyị ẹchụkụ ọza, avị ikuta.

Ịrịka 31:19

Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị.

Ịrịka 31:24

Ịhyẹgwịhịmba anị, dị ọzọza nyịna achị anị. A nyị ka ẹ nị dị ẹ vavẹ va ngụ ịnị akakana aza ana vọ.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

Ijudi 1:23

di u wee tura wa, dị ụ wa dọ wa há hụụnị ẹkụra. Waa vayị aza ẹnyị, ama di u we hí angwa ẹngụ awụ; asị ụ hyakụ nyị ụvọ tụ́ ini ebira ẹnịnị ẹnẹ ẹ́ raa sị ụnọ ọ̀yị mẹ du há.