Ịrịka 19:18 - IWE ỌNỊNỊ

¹⁸ Ọza ana ra vara ọnịnị ọ sị avọ́ ọchị ana hị́ ihisohu dị ọ jị ọ ngụ enyi dị ọ chesẹ avaba ịsa ene hi ịnị ajẹngụ Ẹnẹyịmavara ne beri aza ene hi ịzọọ, ọza ana sị ụvọ ka nyị oku, a vị awụ ọ nị, a vị ka vị o su usu ozu anị nị, avị ka wa sị ụvọ ka nyị ẹchụkụ ọza, avị ikuta.

Ịrịka 19:18 ပူးပေါင်းရင်းမြစ်များ

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Ahẹ Ụgama 51:9

Navọ wa si eyi hụụnị ebira odivi ọnị mị mẹ, dị wa nyịna mị hụụnị avaba ịsa odivi ọnị mị mẹ.

Ayịsaya 52:15

Ama ịrẹyị anị vee hi aza ọrụrụ-ọrụrụ irenu. Ịrẹyị anị, vee hi ohinọyị nịnị irenu, dị ẹnịnị ẹ yị hyakụ kà ịrẹyị. Ẹnịnị vee re ẹtẹ dị ẹ yẹ ịsị ẹnịnị ẹ̀ yị vịdị yẹ da.

Ịrịka 19:17

Aza ẹnẹ ẹ yị nị ẹ sị atịtọ ụnọ ana rị ịra, dị ọ ka a tụ́ ịnị ẹnya, dị ọ ka enyi ene si hi ọ.

Ịrịka 19:19

Ịhị ana tụ ọ ẹkụhị ọhụta ne beri ẹkụhị ịhịmba ọza ana sị vara ọnịnị o che enyi sẹ aza ẹnẹ nị ẹngụ. Ịhị ana tụ ẹkụhị ịhịmba aza vara ọnịnị ẹ nyịna awuru ẹnịnị, dị ẹ hụ̀ enyi, oruva ọnọọ ẹ va vara ọnịnị.

Ịrịka 19:9

Ọza ana àa nị ọ́ zụ na kụ́ atịtọ imaaru ana a rị ịra aanị ne hì ịrẹma okokoro ajẹngụ ẹnịnị. Atịtọ ọnọnị vị ana aā kụ́ hi aha ana nị agụvị aza ẹẹ ka a vahụra enyi dị ẹ hụ ọ nyịna ẹngụ ẹnịnị hụụnị ịvị ọnị ẹ mẹ.

Ịjọọnụ 17:17

Sị ịzẹyịza awụ mẹ wa ka ẹ̀ẹ mẹ̀ ebira ọnịnị! Ịrẹyị awụ ọ vị ịzẹyịza ọnọọ nị.

Ịjọọnụ 17:19

Agụvị ẹnịnị mị sị ẹngụ amị tụ́ irenyi yị wụ nị, agụvị dị ẹnị ẹ̀ rẹ sị ẹngụ ẹnịnị tụ́ irenyi yị wụ ịnị ịzẹyịza.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 9:19

Ịpaapa, Imosiisi ộ vịdị kà a yị avaba aza ẹnẹẹ avaba ịsa a vọrọ ka ẹ̀ mẹ anka ọda Ohomorihi. Dị ọ va sị anya ozi imaaru ọnịrị ịdẹ beri enyi, dị ọ sị avị ana aā hị́ ihisopu ọnịrị ẹyị atẹmẹ ana a jị ngụ azọnọ ovivi, dị ọ jị ọọ ngụ anya ọnọọ ọnịrị enyi, di o chee sẹ́ iwe ọda ọnịrị aza ẹnẹẹ nị.